ՊԵՐՃ ԶԵՅԹՈՒՆՑՅԱՆ. «ՇԱՏ ԲԱՆ ՄԻ' ՈՒԶԵՔ ՄՏԱՎՈՐԱԿԱՆՈՒԹՅՈՒՆԻՑ»

ՊԵՐՃ ԶԵՅԹՈՒՆՑՅԱՆ. «ՇԱՏ ԲԱՆ ՄԻ' ՈՒԶԵՔ ՄՏԱՎՈՐԱԿԱՆՈՒԹՅՈՒՆԻՑ»

Դարեր շարունակ դժվարին ու վճռական պահերին մտավորականները միշտ էլ իրենց հեղինակավոր խոսքն են ասել ու հանդես եկել հրապարակախոսությամբ ու բաց նամակներով: Բայց, վերջին շրջանում կարծես մտավորականությունը լռում է: Մեր այս դիտարկմանը կողմ է ՀՀ մշակույթի վաստակավոր գործիչ, Երեւանի պատվավոր քաղաքացի, արձակագիր, դրամատուրգ ՊԵՐՃ ԶԵՅԹՈՒՆՑՅԱՆԸ. «Ճիշտ է, բայց մի բայց կա: Ինչո՞ւ միայն մեզ մոտ է, որ այսպիսի բարձր պահանջներ կան մտավորականության հանդեպ: Ֆրանսիայում հազար ու մի բան է կատարվում, ո՞վ է հիշում` իրենց գրողներն ի՞նչ են ասում: Երանի մենք էլ այդպես ապրեինք, այդպիսի երկիր լիներ: Բայց մեզ մոտ հույսը, ցավոք, եղել եւ հիմա էլ մտավորականությունն է: Սովետի ժամանակ ի՞նչ էր, Գրողների միությունը բոլորի հույսն էր, բոլորը գալիս էին այնտեղ` խնդիր լուծելու, հույսները այդ գրողների վրա էր: Հիմա, այո, այս 20 տարվա մեջ խեղճացավ մտավորականությունը: Մի մասը իշխանամետ դարձավ այն ժամանակ` լեւոնական դարձան եւ լուրջ մարդիկ, որոնցից ես չէի սպասում: Շատ հիասթափվեցի, հետո մի մասի նյութական վիճակն այնքան վատ էր, որ հասարակական-քաղաքական հարցով զբաղվելու գլուխ չուներ: Կարծում եք` վիճակները լա՞վ է, շատ վատ է: Եթե դերասանը 40-50 հազար դրամ է ստանում, էլ ի±նչ եք ուզում այդ մարդուց, հանգիստ թողեք իրեն: Շատ բան մի ուզեք մտավորականությունից: Մտավորականին կրտեցին այն ժամանակ... Այն տարիներին շատ ահավոր վիճակ էր»:

ԼԻԼԻԹ ԵՂԻԱԶԱՐՅԱՆ

Հ.Գ. Պերճ Զեյթունցյանի հետ հարցազրույցն ամբողջությամբ կարդացե'ք տպագիր «Իրավունքում»: