ԸՆՏԱՆԵԿԱՆ ԱՐԺԵՔՆԵՐԸ ՈՐԱԿԻ ԵՐԱՇԽԻՔ

ԸՆՏԱՆԵԿԱՆ ԱՐԺԵՔՆԵՐԸ ՈՐԱԿԻ ԵՐԱՇԽԻՔ

Եվրասիական տնտեսական միությանն ընդառաջ` հայրենի շատ ու շատ տնտեսվարողներ օր օրի սպասումների մեջ են ՀՀ-ի անդամագրմանը այդ միությանը, քանի որ ըստ ՙՇահնազարյան՚ Գինու-Կոնյակի Տուն ձեռնարկության եւ ընտանեկան բիզնեսի հիմնադիր ղեկավար ՍԱՄՎԵԼ ՇԱՀՆԱԶԱՐՅԱՆԻ այդ շուկայում լայն հնարավորություններ ու սպառում կունենա տեղական արտադրանքը: Վերջին շրջանում, սակայն, արտահանման հետ կապված մի շարք տնտեսվարողներ կանգնեցին խնդրի առաջ, Վրաստանի Լարս ավտոճանապարհի անակնկալ փակման պատճառով, որը թերեւս միակ ճանապարհն է, որ սպասարկում է ոչ միայն տնտսավարողներին, այլեւ շարքային քաղաքացիներին: ՙՇահնազարյան՚ ֆիրմայի սեփականատերը ՙԻրավունքի՚ հետ զրույցում ներկայացրեց այդ խնդրի հետ կապված իր մտահոգությունը.
-Ինչ խոսք, այդ ժամանակահատվածում թե° մենք, թե° պատվիրող կողմը դադարեցինք ապրանքի արտահանումը, որը տեւեց մոտ մեկ ամիս: Պլանավորած աշխատանքը եւ ինչու չէ` նաեւ եկամուտը, սպասվածից քիչ էին: Նման իրավիճակները մեզ վրա թանկ են նստում, սակայն հասկանում ենք, որ Հայաստանը ստիպված է առայժմ հաշտվել այդ մեկ ճանապարհի հետ, որը կարծում եմ, ժամանակավոր բնույթ է կրում: Մեծ հույսեր ունենք, որ կվերաբացվի աբխազական ճանապարհը եւ ունենալով այլընտրանքային տարբերակ` կարող ենք ավելի հեշտությամբ եւ առանց կորուստների մտնել ռուսական շուկա: Բայց այսօր մենք ունենք այն, ինչ ունենք: Ես տեղյակ եմ, որ մեր պետական այրերը անում են ամեն հնարավորը: Բացի լավ հարաբերություններ ձեռք բերելուց` Վրաստանի հետ նաեւ լուրջ բանակցություններ են ընթանում ճանապարհները վերաբացելու խնդրի հետ կապված:
- Ըստ էության. տնտեսվարողների գործունեության վրա ուղիղ ազդեցություն ունի նաեւ քաղաքական իրավիճակը: Մեր տեղեկություններով` Դուք Ուկրաինա եւս արտահանում եք Ձեր ապրանքատեսակը, հիմա ի±նչ վիճակ է տիրում այդ առումով:
- Այո, իհարկե, քաղաքական վիճակներն ազդում են բիզնեսի վրա, եւ նույնիսկ վերջին շրջանում ուկրաինական սահմանը մեզ թույլ չտվեց, որ կոնյակները ներմուծենք Ռուսաստան, հաշվի առնելով ստեղծված իրավիճակը: Սակայն պետք է ուրախությամբ նշեմ, որ այս պահին արդեն չունենք այդ խնդիրը: Հույս ունեմ` թե մեր, թե համապատասխան երկրների գերատեսչությունները հետամուտ կլինեն եւ տնտեսական զարգացմանը նպաստող ճանապարհը կյանքի կկոչեն:
- Հունիսի 27-ին Վրաստանը ստորագրեց Եվրաասոցացման պայմանագիր, որպես բիզնեսմեն` ի±նչ եք կարծում, հնարավո±ր է եվրասիական շուկա արտահանելու առումով հայկական կողմը, մեր բիզնեսմենները խնդիրների առջեւ կանգնեն:
- Ոչ բնականաբար, քանի որ մենք մեր ապրանքները արտահանում ենք տրանզիտային ճանապարհով, ունենք համապատասխան պայմանագրեր եւ ոչ մի խնդիր չի կարող առաջանալ` անգամ գնային առումով: Նախորդ անգամ ձեզ հետ զրուցելիս ասել եմ, որ եթե գնանք Եվրոպա, կորցնում ենք ամեն ինչ միանգամից, մի ակնթարթում: Իսկ երբ կորցնենք ՌԴ-ի աջակցությունը` թե տնտեսական, թե քաղաքական, թե անվտանգության հարցերում միանգամից Հայաստանը զրոյանում է: Կկորցնենք նաեւ Լեռնային Ղարաբաղի հարցը խաղաղ ճանապարհով լուծման տարբերակը:
- Շատերը գտնում են, որ նոր վարչապետի հետ նոր շունչ է եկել երկրի վրա: Բիզնեսի ոլորտում Դուք զգո±ւմ եք այդ շունչը, եթե այո, ապա ի±նչ կերպ:
- Լսելով վարչապետին` հասկանում եմ, որ ամեն բան ընթանում է այնպես, ինչպես որ հարկն է: Նա ասում է, որ բոլորը պետք է գնան հարկային դաշտ, եւ չպետք է որեւէ ճնշում լինի հարկային դաշտի կողմից, մաքուր աշխատենք եւ ինչ խնդիրներ էլ ունենք` նա պատրաստակամ է մեզ լսել, աջակցել: Սա այն գործելաոճն է, որը մենք միշտ սպասում ենք մեր ղեկավարներից:
Քաղաքական թեմաներից զատ` տեղեկացանք, որ ՙՇահնազարյան՚ Գինու-Կոնյակի Տուն ձեռնարկությունը ունի հաճելի նորություն եւ հավանաբար երկու ամսից հանրությանը կներկայանա խաղողի օղու նոր տեսականիով, որը կկոչվի ՙԲարի լույս՚: Անունը պատահական ընտրված չէ եւ ըստ սեփականատիրոջ` պետք է վերականգնել հին ավանդույթները. ՙՄեր պապերը առավոտ կանուխ կամ խաշ ուտելուց առաջ մեկը մյուսին դիմում էր ասելով` բարի լույս՚: Օղին եւս արտահանվելու է Ռուսաստան եւ ՙՇահնազարյան՚ կոնյակի ֆիրման այս առումով եւս ունի դրական արձագանքներ` հենց ՙԲարի լույս՚ անվան հետ կապված:
ՙՇահնազարյան՚ կոնյակների տեսականին կարելի է հանդիպել նաեւ Ուկրաինայում, Ղազախստանում, Ռումինիայում: Իսկ Հայաստանում ՙՇահնազարյան՚ կոնյակ կարելի է գնել միայն կոնյակ վաճառող մեծ խանութներում:
Ի դեպ ՙՇահնազարյան՚ Գինու-Կոնյակի Տուն գործարանը 2012-13 թվականներից մասնակցել է Մոսկվայում անցկացվող Պրոդ-Էքսպո ամենամյա ցուցահանդեսին` ներկայացնելով իր տեսականին: Իսկ բոլորովին վերջերս` հունիսի 27-ին ձեռնարկությունը մասնակցել է ոչ միայն ցուցահանդեսին եւ ներկայացրել ապրանքային նշանը, այլեւ մասնակցել է համտեսին: Բոլոր անվանակարգերը` 3, 5, 7 տարեկան, շահել են ոսկե մեդալ: Մրցույթն անց է կացվել փակ, եւ ֆիրման արժանացել է ամենաբարձր գնահատականին: Հայաստանում վերը նշված ֆիրման հանդես է գալիս ՙՇահնազարյան՚ ապրանքանշանով, իսկ ՀՀ-ից դուրս` ՙՀայաստանի Մարգարիտ՚, ՙԳայասոն՚, ՙՀայաստանի Խճանկար՚, իսկ շուտով ՙՀայաստանի Շեդեւր՚ եւ այլ ապրանքանշաններով: Զրույցի վերջում տեղեկացանք, որ այս տեսականիները շուտով կներկայանան նաեւ հայաստանյան շուկայում: Այս պահին կոնյակի գործարանի հանգստի շրջանն է, իսկ աշնանն արդեն շուկան կողողվի 3, 5, 7, 10, 15 եւ 20 տարեկան կոնյակների տեսականիներով:
Ցանկանում ենք շեշտադրել մեկ անգամ եւս, որ ընկերության ղեկավարի համար ամենակարեւոր հանգամանքը թե° կյանքում, թե° աշխատանքում եւ թե° մարդկային հարաբերություններում անկեղծությունն ու հավատն է առ Աստված: ՙՊետք է վախենալ միայն Աստծուց: Պետք է ապրես այնպես, որպեսզի գոհացնես քո արարքներով եւ ապրելակերպով ոչ միայն ընտանիքիդ, շրջապատիդ, ընկերներիդ ու բարեկամներիդ, այլ որ ամենակարեւորն է` Աստծուն՚:

ԱՐՄԵՆՈՒՀԻ ՀԱԿՈԲՅԱՆ