Հուլիսի 11-ին Կենտրոն եւ Նորք Մարաշ ընդհանուր իրավասության դատարանում վերսկսվեց Շանթ Հարությունյանի եւ ընկերների գործով հերթական դատական նիստը: Դատական նիստի ընթացքում ցուցմունք տվեց գործով տուժող ոստիկան Անդրանիկ Առաքելյանը, ով դատարանի եւ դատական նիստին ներկա գտնվողների ներկայությամբ պատմեց դեպքի մանրամասները`ասելով, որ դեպքի օրը փորձել է կանխել Շ.Հարությունյանի եւ նրա համախոհների երթը դեպի Բաղրամյան 26, քանի որ լրատվամիջոցներից նախորդ օրը տեղեկացել է, որ Հարությունյանն համախոհներ հետ միասին ցանկանում է երթով հասնել Բաղրամյան 26: Տուժող Տիգրան Առաքելյանը պատախանելով անբաստանյալների հարցերին, դժվարացավ հիշել , թե կոնկրետ դեպքի օրը, միջադեպի ժամին Շ.Հարությունյանը ում հետ էր խոսում, քանի որ ինչպես տուժողը հավաստիացրեց` պայթուցիկներից աչքերը արցունքակալել են եւ ոչինչ չի տեսել: Տ. Առաքելյանը փաստեց, որ երթի մասնակիցներից որեւէ մեկի նկատմաբ ուժ չի գործադրել, բայց տեսնելով, որ երթի մասնակիցները խախտում են հասարակական կարգը, նրանց սկսել է հրել, որպեսի անցնեն մայթ եւ շարունակեն իրենց ճանապարհը: Դատական նիստի ընթացքում տուժող մյուս ոստիկանը` Գեղամ Խաչատրյանը ցուցմունք չտվեց դատը հետաձգելու պատճառով, քանի որ Շահեն Հարությունյանի ինքնազգացողությունը վատացավ: Սույն գործով դատական հաջորդ նիստը տեղի կունենա հուլիսի 16-ին:
1
5514 դիտում
2
2532 դիտում
3
2231 դիտում
4
1975 դիտում
5
1958 դիտում
