ՙՄԱՐԶՊԵՏԻ ՆԿԱՐԸ ՄՈՆՏԱԺՎԱԾ Է

ՄԱՐԶՊԵՏԻ ՆԿԱՐԸ ՄՈՆՏԱԺՎԱԾ Է

Նախօրեին մամուլում տեղեկություն տարածվեց, որ Տավուշի մարզի Կողբ համայնքի նորակառույց Սուրբ Հովհաննես Ավետարանիչ եկեղեցում փակցված ՙԽորհրդավոր ընթրիքը՚ կտավի կրկնօրինակում իսկական ՙհրաշք՚ է տեղի ունեցել. առաքյալներից մեկի տեղն է գրավել Տավուշի նորանշանակ մարզպետ Հովիկ Աբովյանը: Իհարկեª բնավ ՙչենք կասկածում՚, որ սխալը ոչ թե դա է, այլ այն, որ կտավի մնացած առաքյալների փոխարեն պետք է պատկերվեին մեր մյուս բոլոր մարզպետները, որոնց ՙհրեշտակային՚ էությունը ամեն մի տարակուսանքից ՙզերծ՚ է: Բնականաբարª այդ ՙսխալը՚ պետք էր ուղղել, բայց Տավուշի մարզպետը շտապեց ՙգերհամեստություն՚ դրսեւորելª հերքելով, թե ամենեւին էլ ինքը չէ պատկերված: Թեեւ կտավի հեղինակը հակառակն է ասում, որ իսկապես ցանկացել է առաքյալներից մեկին նմանեցնել Հովիկ Աբովյանին:
Այս ՙանորոշությունը՚ պարզելու ակնկալիքով կապ հաստատեցինք Հայ առաքելական եկեղեցու Տավուշի թեմի Նոյեմբերյանի տարածաշրջանի հոգեւոր առաջնորդ տեր Հրայր Բոջանյանի հետ, ով միանշանակ պնդեց, որ. ՙՏարածված տեղեկությունը սխալ է՚:
Մեր առարկությանը, թե նկարիչը եւս հաստատել է, որ փորձել է առաքյալներից մեկին նմանեցնել մարզպետին, տեր Հրայրը պատասխանեց. ՙՀնարավոր է` նա փորձել է, բայց չի ստացվել: Ձեր ասածը սխալ է, դա ուղղակի որոշ մարդկանց չարակամության արդյունքն է: Կարող եք ինքներդ գալ ու նայել եկեղեցում, հնարավոր է` նկարը մոնտաժված է եղել՚:
Հուսով ենք, որ այդպես է: Ավելի ճիշտ, որ սկանդալից հետո փորձել են մարզպետին նկարից հանել: Հակառակ դեպքումª մեր այդ որ չինովնիկը, մեծահարուստը չէր ցանկանա ինքն իրեն ՙսրբացնել՚ հայաստանյան մյուս մեծ ու փոքր եկեղեցիներում:

ԻԼՈՆԱ ԱԶԱՐՅԱՆ