«ՑԱՆԿԱՑԱԾ ԴԻՎԱՆԱԳԵՏ, ԽՈՍԵԼՈՎ ԼԵՌՆԱՅԻՆ ՂԱՐԱԲԱՂԻ ՏԱՐԱԾՔՆԵՐԸ ՎԵՐԱԴԱՐՁՆԵԼՈՒ ՄԱՍԻՆ, ՊԵՏՔ Է ԶԳՈՒՅՇ ԼԻՆԻ»

«ՑԱՆԿԱՑԱԾ ԴԻՎԱՆԱԳԵՏ, ԽՈՍԵԼՈՎ ԼԵՌՆԱՅԻՆ ՂԱՐԱԲԱՂԻ ՏԱՐԱԾՔՆԵՐԸ ՎԵՐԱԴԱՐՁՆԵԼՈՒ ՄԱՍԻՆ, ՊԵՏՔ Է ԶԳՈՒՅՇ ԼԻՆԻ»

Օրերս ՀՀ-ում ԱՄՆ արտակարգ եւ լիազոր դեսպան Ջոն Հեֆերնը իր հարցազրույցներից մեկում` խոսելով արցախյան հակամարտության կարգավորման մասին` նշել է, թե անհրաժեշտ է տարբերակել բուն Լեռնային Ղարաբաղը եւ դրան շրջապատող տարածքները: Ավելին` վերջինս կարեւորել է, որ ազատագրված մյուս յոթ տարածքները (բացի միջանցքից) վերադարձվեն Ադրբեջանին: Վերոնշյալ հայտարարության ու հեֆերնյան տարօրինակ վարքագծի մասին «Իրավունքը» փորձեց զրուցել ԱԺ պատգամավոր, «Ազատ դեմոկրատներ» կուսակցության նախագահ ԽԱՉԱՏՈՒՐ ՔՈՔՈԲԵԼՅԱՆԻ հետ.

- Ընդհանրապես, կարծում եմ` Հեֆերնի հարցազրույցը մի քիչ տարընթերցվել է,  բայց, այնուհանդերձ, ցանկացած դիվանագետ, խոսելով Լեռնային Ղարաբաղի տարածքները վերադարձնելու մասին, պետք է զգույշ լինի, հաշվի առնի, որ դա Հայաստանի Հանրապետության ցանկացած քաղաքացու համար ամենացավոտ խնդիրն է: Եվ, գիտեք, այդ մասին շատ ասելիք կա, բայց կա նաեւ մի փաստ, որ մինչեւ այս պահը քննարկումների եւ բանակցությունների ընթացքում փաստացիորեն խոսվել է այդ մասին, ու ցավալի է, որ այդ մասին խոսվել է: Նույնիսկ, կարծում եմ, որ համարժեք մակարդակի վրա չի դրված բանակցային այս պրոցեսում Ղարաբաղի ինքնության ճանաչման եւ անվտանգության ապահովման խնդիրը:

- Պարոն Քոքոբելյան, որպես ազատական գաղափարախոսություն ունեցող կուսակցության ղեկավար, ինչպե՞ս եք վերաբերվում նրան, որ Ջ. Հեֆերնը օրերս պարգեւատրել է Հայաստանում համասեռամոլների լոբբիստին:

- Այդ մասին հետո կխոսեմ, որովհետեւ գիտեք, որ դրանց չեմ սիրում...

ՀՐԱՆՏ ՍԱՐԱՖՅԱՆ