ՍՈՆԱ ՌՈՒԲԵՆՅԱՆԸ «ՆՈՐ ԱԼԻՔԻՆ» ՄԱՍՆԱԿՑԵԼՈՒ Է ՀԱՂԹԵԼՈՒ ԳԵՐՆՊԱՏԱԿՈՎ

ՍՈՆԱ ՌՈՒԲԵՆՅԱՆԸ «ՆՈՐ ԱԼԻՔԻՆ» ՄԱՍՆԱԿՑԵԼՈՒ Է ՀԱՂԹԵԼՈՒ ԳԵՐՆՊԱՏԱԿՈՎ

Հուլիսի 22-27-ը Յուրմալայում կանցկացվի «Նոր ալիք» երիտասարդ կատարողների միջազգային մրցույթը, որտեղ այս տարի Հայաստանը կներկայացնի Սոնա Ռուբենյանը: Երգչուհին այլ երգիչների հետ միասին Մոսկվայում մասնակցել է մրցույթի  նախընտրական փուլին եւ միջազգային ժյուրիի կողմից ճանաչվել  լավագույնը: Քանի որ այս տարի մրցույթի ձեւաչափը փոխվել է եւ Յուրմալա մեկնող մասնակիցը պետք է ներկայանա նախորդ տարիներին Հայաստանը երկայացնող որեւէ մասնակցի հետ, ուստի որոշվել է,  որ Սոնայի հետ Յուրմալա կմեկնի երգիչ Մհերը: Նրանք երկուսով մրցույթի երկրորդ օրը հանդիսատեսին կներկայացնեն  Արմեն Սմբատյանի «Հայաստան» երգը, այնուհետեւ հայ եւ օտար ուկնդիրը Սոնա Ռուբենjանի կատարմամբ կլսի Ազատ Հակոբյանի եւ Մանե Հակոբյանի «Կարոտ» երգը: «Սա իմ առաջին միջազգային մրցույթն է, շատ ուրախ եմ, որ այս տարի մրցույթում Հայաստանը ներկայացնելու եմ ես: Ինձ համար մեծ պատիվ է եւ պատասխանատվություն  մեր երկիրը ներկայացնել նման հեղինակավոր մրցույթում: Հուսով եմ ամեն ինչ լավ կլինի, քանի որ աշխատում եմ պրոֆեսիոնալ մարդկանց հետ: Սովորաբար մրցույթից առաջ եւ հետո խոսվում է շատ նախապայմանների մասին, իմ կարծիքով, եթե մրցույթ է, ապա այնտեղ մեկնում են  միայն հաղթելու համար: Իմ գերնպատակը լինելու է հաղթանակը,ես կներկայանամ այնպես, որ այդ հաղթանակը մերը լինի, չնայած ամեն արդյունքի էլ կսպասենք »,-նշեց ՍՈՆԱ ՌՈՒԲԵՆՅԱՆԸ: Երգուհին արդեն հասցրել է լսել մրցույթի գրեթե բոլոր մասնակիցների երգերը եւ հավատացած է, որ շատ թեժ մրցույթ է սպասվելու, որովհետեւ կան  հզոր ձայնով շատ կատարողներ եւ մրցակիցներ:

Նշենք, որ այս տարի մրցույթին մասնակցում է 16 երկիր :

ԶՎԱՐԹ ԽԱՉԱՏՐՅԱՆ