ՃՊԼԸ ՙՎՈՅԱԺԻ՚ ԱՐԴՅՈՒՆՔՈՒՄ ՈՒՐԱՆՈՒՄ Է ՀԱՅՐԵՆԻՔԸ

ՃՊԼԸ ՙՎՈՅԱԺԻ՚ ԱՐԴՅՈՒՆՔՈՒՄ ՈՒՐԱՆՈՒՄ Է ՀԱՅՐԵՆԻՔԸ

Բոլորը խոսում են անօրինությունից, բայց երբ օրենքը սկսում է գործել` լացուկոծն էլ հետն է սկսվում: Կամ` այսօր բոլորն աղմկում են հավասարության մասին, իսկ երբ օրենքի առաջ են կանգնում` որպես շարքային քաղաքացի, այդտեղ էլ սկսվում է հայտնի արտահայտության գործածումը. ՙԳիտե±ս ես ով եմ՚:
Վերջերս հիվանդանոցում հայտնված դերասան ՍԵՊՈՒՀ ԱՊԻԿՅԱՆՆ իր ֆեյսբուքյան էջում գրել էր. ՙԱյսօր վերջնականապես հիասթափվեցի եւ էլ ինձ չեմ համարում Հայաստանի քաղաքացի: Հայաստանն այլեւս չեմ ուզում համարել իմ հայրենիքը... Անչափ ՙցնցված՚ եւ ՙհիացած՚ մեծն Ճանապարհային ոստիկանության` ՙփոսի գայի՚ մականվամբ, վերաբերմունքից եւ աշխատանքից՚:
Մինչ հայ հանրությունը Ս. Ապիկյանին թուրք ու դավաճան էր կոչում, վերջինիս գրառմանն անդրադարձել է ՀՀ ճանապարհային ոստիկանության պետ ԱՐՍԵՆ ԱՐՇԱԿՅԱՆԸ. ՙՆման գրառման պատճառը ՃՈ կողմից 200 հազար դրամի չափով տուգանվելու հանգամանքն է: Որպես Ճանապարհային ոստիկանության 1-ին սպայական գումարտակի հրամանատար` չէի կարող անարձագանք թողնել դերասանի հայտարարությունը: Ամենեւին չէի ցանկանա անդրադառնալ թեմային, բայց նկատի ունենալով Ս. Ապիկյանի անձը, կարծում եմ` դա անհրաժեշտ է: Պարզաբանեմ հերթականությամբ.
Ցանկացած քաղաքացի, անկախ զբաղեցրած պաշտոնից, հասարակության շրջանում ճանաչում ունենալու հանգամանքից, օրենքի առաջ պատասխանատություն է կրում, եթե խախտել է այդ օրենքը: Պարոն Ապիկյան, ստիպված եմ հասարակության լայն շրջանակի դատին հանձնել այն, ինչ իրականում տեղի է ունեցել ս.թ. մայիսի 23-ին 22:10-ի սահմաններում: Քանի որ ձեր գրառումը կարդացող յուրաքանչյուր մարդու մոտ թյուր կարծիք կձեւավորվի ՃՈ հանդեպ՚: Ապա մանրամասնել, որ Ս.Ապրիկյանը մայիսի 23-ին միանգամից մի քանի խախտում է թույլ տվել: Այն է` ոչ սթափ վիճակում, չունենալով վարորդական իրավունքի վկայական եւ չհաշվառված ՙՄՏՌ՚ մակնիշի առանց հաշվառման համարանիշի մոտոցիկլետը, վարել է Երեւան քաղաքի Բագրեւանդի փողոցով Քոչինյան փողոցի կողմից աջ մայթեզրից մեկ-երկու մետր հեռավորությամբ 40-ից 45 կմ/ժամ արագությամբ` Մոլդովական փողոցի ուղղությամբ` խախտելով ճանապարհային երթեւեկության անվտանգությունը: Եվ վերջում իրականությունը բարձրաձայնելուց հետո Ա. Արշակյանը հավելել է. ՙՀարգելի° պարոն Ապիկյան, բարեբախտաբար, ձեր անպատասխանատու պահվածքը լուրջ հետեւանքներ չի առաջացրել: Ինձ համար անհասկանալի եւ զարմանալի է, որ դուք խոսում եք հայրենիքից, հայրենասիրությունից ու ասում` թե հիասթափվել եք: Հայրենիքը բոլորինս է, եւ սիրել այն, չի նշանակում միայն գեղեցիկ բառեր կամ նախադասություններ ձոնել: Հայրենիքը սիրել` նախեւառաջ, իմ պատկերացմամբ, այդ հայրենիքի օրենքը, կարգ ու կանոնը հարգել է նշանակում: Նորից եմ կրկնում, բարեբախտաբար, ծանր հետեւանք չի ունեցել ձեր, այսպես ասած, ՙվոյաժը՚՚:
Այս ամենից հետո, ինչ խոսք, հասկանալի է եղելությունը, բայց սա արդեն վարակի պես մի բան է դառնում, երբ հանրությանը հայտնի դեմքերը, այս կամ այն պետական կառույցի հետ խնդիր են ունենում ու սկսում համացանցով աղաղակել, թե նորին մեծություն երգչիս, արվեստագետիս, դերասանիս այս ասացին, այն ասացին: Այո, հենց դա էլ տարիներ շարունակ մեր տունը քանդել է, որ ամեն մեկն իր հայտնիության աստիճանի, ծանոթ ու բարեկամ օլիգարխի հաշվին ՙբեսպրեդելի՚ մաս էր կազմում, մինչդեռ հիմա եկել է ժամանակը` ընկալելու, որ օրենքի գերակայություն կամ հավասարություն` դրանք արտասահմանյան ֆիլմերից վերցրած լոզունգներ չեն, այլ մենք ենք մեղավոր, որ այն մեզանում չի գործում:

Կույտը մշակեց ՀՐԱՆՏ ՍԱՐԱՖՅԱՆԸ