ՀՈՎՀԱՆՆԵՍ ԹՈՔՄԱՋՅԱՆԸ ՀԵՐՔՈՒՄ Է. ԲՈՒՀԸ ՊԱՐՏՔԵՐ ՉՈՒՆԻ
«Իրավունքի» տեղեկությունների համաձայն` Հայաստանի պետական ճարտարագիտական համալսարանը ֆինանսական լուրջ խնդիրներ ունի, որոնց պատճառով էլ ռեկտորի պաշտոնակատար Հովհաննես Թոքմաջյանը կրճատել է դասախոսների աշխատաժամերը: Իսկ ֆինանսական խնդիրները, ըստ կրկին մեր տեղեկությունների, գալիս է նախկին ռեկտոր Արա Ավետիսյանի ղեկավարման շրջանից: Հիշեցնենք` այս տարի ՀՀ նախագահի վերահսկողական ծառայությունը հայտնաբերել էր որոշակի ֆինանսական չարաշահումներ, որոնք ուղարկել էր ԿԳ նախարարություն: Դրանից անմիջապես հետո ԿԳ նախարար Արմեն Աշոտյանի հրամանով Արա Ավետիսյանը պաշտոնանկ արվեց: Տեղեկությունները ճշտելու համար «Իրավունքը» կապ հաստատեց Հայաստանի ճարտարագիտական պետական համալսարանի ռեկտորի պաշտոնակատար Հովհաննես Թոքմաջյանի հետ: Նրա պարզաբանմամբ ոչ թե դասախոսների դասաժամերն են կրճատվել, այլ շաբաթական ուսանողների լսարան մտնելու ժամերն են կրճատվել. «Ուսանողը բոլոնյան գործընթացով լսարանային 24-26 ժամ պետք է ունենա: Ուսանողը չի կարող 30 ժամ նստի լսարանում, հետո էլ ինքնուրույն աշխատի»: Հովհաննես Թոքմաջյանը հավաստիացրեց` ոչ մի դասախոս չի կրճատվել ու չի կրճատվելու, նման խնդիր չկա: Ինչ վերաբերում է նախկին ռեկտորի պատճառով առաջացած բուհի ֆինանսական խնդիրներին, ռեկտորի պաշտոնակատարը դա ևս հերքեց ասելով, որ բուհը պարտքեր ու ֆինասնական խնդիրներ չունի:
1
5514 դիտում
2
2532 դիտում
3
2231 դիտում
4
1975 դիտում
5
1958 դիտում
