ՔԱՂԱՔԱԳԵՏ. «ՀԵՅԴԱՐ ԱԼԻԵՎԸ և ԼԵՎՈՆ ՏԵՐ-ՊԵՏՐՈՍՅԱՆԸ ՊԱՏՐԱՍՏԵՑԻՆ ՄԵՐ ԷՍ ՕՐՎԱ ՕՐԸ»

ՔԱՂԱՔԱԳԵՏ. «ՀԵՅԴԱՐ ԱԼԻԵՎԸ և ԼԵՎՈՆ ՏԵՐ-ՊԵՏՐՈՍՅԱՆԸ  ՊԱՏՐԱՍՏԵՑԻՆ ՄԵՐ ԷՍ ՕՐՎԱ ՕՐԸ»

Ադրբեջանը պարբերաբար խախտում է հրադադարը և շարունակելու է խախտել,  քանի որ թուրքը մնում է թուրք` վստահ են  քաղաքագետ Սերգեյ Շաքարյանցն ու դիվերսիոն հատուկ նշանակության ջոկատի հիմնադիր հրամանատար Վովա Վարդանովը:

Դիվերսիոն հատուկ նշանակության ջոկատի հիմնադիր հրամանատար Վովա Վարդանովը, անդրադառնալով Ադրբեջանի վերջին դիվերսիային և հայկական կողմից դրան տրված համարժեք պատասխանին, ասաց, որ քսան տարի շարունակ Հայաստանը եղել է պատասխանողի կարգավիճակում և սպասել`ինչ քայլեր  կձեռնարկի թշնամին, որ  հակահարված տա: «Վերջապես 20 տարվա ընթացքում հայկական կողմն  սահմանում  առաջխաղացում ունեցանք և դա պետք է շարունակական լինի»,- ասաց  Վարդանովը:

Ինչ վերաբերում է Ադրբեջանի կողմից իրականացված դիվերսիայի միջազգային արձագանքին, թե՛ քաղաքագետ Շաքարյանցի, թե՛ Վովա Վարդանովի  համար  անընդունելի են հատկապես ԵԱՀԿ ՄԽ-ի հերթապահ, իսկ ավելի կոնկրետ`Շաքարյանցի բնութագրմամբ  ԽՍՀՄ-ի կոմկուսի արձագանքին նմանվող հայտարարությունը` ուղղված երկու կողմերին այն դեպքում, երբ հրադադարի ռեժիմը  պարբերաբար խախտում է Բաքուն. «Գիտեք, ամերիկացիների մոտ կարծես թե  ստացվում է էշ ձևանալը: Նրանք մոռանում են, որ  եթե հերթապահ խոսքն են ուղղում գոնե պետք է Արցախին էլ պետք է չմոռանան, չէ՞որ նա ևս հակամարտության կողմ է»:

Ի դեպ, քաղաքագետը, խոսելով նաև արցախյան հակամարտության խնդրի մասին, ասաց, որ որոշ սխալներ գալիս  են 1990-ականներից` Լևոն Տեր-Պետրոսյանի  ղեկավարման տարիներից. «Գիտեք,  սխալը երբ է սկսել` 1992-ի ամռանը, երբ  Լևոն Տեր-Պետրոսյանը  հանձնեց Սադարակի բարձունքը: Ես մասնակցել եմ  էդ բանակցությունների առաջին մասին: Հեյդար Ալիևը և Լևոն Տեր-Պետրոսյանը  պատրաստեցին մեր էս օրվա օրը»:

ՍՈՆԱ ԴԱՎԹՅԱՆ