ԱՂԱՆԴ, ՈՐԸ ՙԿԻՆ ՀԵՏԵՎՈՐԴՆԵՐԻՆ ԴՐԴՈՒՄ Է ՍԵՌԱԿԱՆ ՀԱՐԱԲԵՐՈՒԹՅՈՒՆՆԵՐԻ` ՊԱՇՏՈՆՅԱՆՆԵՐԻ ՀԵՏ՚

ԱՂԱՆԴ, ՈՐԸ ՙԿԻՆ ՀԵՏԵՎՈՐԴՆԵՐԻՆ ԴՐԴՈՒՄ Է
ՍԵՌԱԿԱՆ ՀԱՐԱԲԵՐՈՒԹՅՈՒՆՆԵՐԻ` ՊԱՇՏՈՆՅԱՆՆԵՐԻ ՀԵՏ՚

Հայաստանում հայտնվել է նոր աղանդ` ՙԱրեւաբուժութուն՚ անունով, որը ֆինանսավորվում է Թուրքիայից: Վերոնշյալ աղանդի մասին մանրամասներ հայտնեց, օրերս ՙԱզդակ՚ ակումբում հյուրընկալված Միացյալ երիտասարդական լիգայի համանախագահ ՍԵՎԱԿ ՀՈՎՀԱՆՆԻՍՅԱՆԸ, ով ի սկզբանե նշեց. ՙՙԱրեւաբուժություն՚ աղանդից մահացել է երեք մարդ, իսկ ՙԽորան՚ աղանդից գրանցվել է մեկ ինքնասպանության դեպք՚: Անդրադառնալով ՙԱրեւաբուժություն՚ աղանդի տարածման արմատներին` բանախոսը նշեց.
-Այս աղանդի մասին մենք հասցրել ենք մեկ անգամ եւս խոսել. այն թուրքական աղանդ է, եւ ֆինանսավորման աղբյուրը եւս Թուրքիան է: Նրանք ի սկզբանե գործում էին Փարաքարում, բայց վերջերս մասնաճյուղ են բացել նաեւ Զեյթուն թաղամասում: Վերջիններս իրենց ՙհյուրերին՚ հյուրասիրում են թեյ, աղ եւ կաթ: Ցանկացած մասնակից օրական երեք լիտր թեյ աղի հետ կամ կաթ աղի հետ պարտադիր պետք է խմի: Զեյթունում աղանդի գործունեությունը իրականացնում է Ակսել եւ Ծովինար ամուսնական զույգը, ովքեր Ոսկու շուկայում ունեն իրենց տաղավարը, այսինքն` ժողովրդից խլած ոսկին նաեւ այնտեղ են վաճառում:
Պարզվում է, որ աղանդի գործունեության արդյունքում գրանցվել են նաեւ մահվան դեպքեր: Ըստ Ս. Հովհաննիսյանի.
- Տարեց մարդիկ, ովքեր ունեն առողջական ինչ-ինչ խնդիրներ, տվյալ դեպքում` ճնշման տատանումներ, ինչ-որ մեկի խորհրդով մասնակցելով իրենց հավաքներին` մեկ ամիս հետո` աղի, կաթի, թեյի պրոցեդուրան անցնելուց հետո, իրենց մոտ առաջացել է քաղցկեղ: Բացի այդ, ըստ մահացողներից մեկի կնոջ` վերը նշված հեղուկները խմելուց հետո ամեն օր պետք է արեւին նայել եւ ինչ-որ թուրքական տերմիններ օգտագործել, եւ, որ ամենակարեւորն է` արեւին նայելուց հետո իրենք ամպեր են տեսնում: ՙԱրեւաբուժություն՚ աղանդից գրանցվել է մահվան երեք դեպք, երեքն էլ Երեւանի բնակիչներ են: Վերջին երկու դեպքը գրանցվել է տասնհինգ օր առաջ, իսկ առաջին դեպքը` Ֆրանսիայում եւ մահացողը կրկին հայ էր: ՙԱրեւաբուժություն՚ աղանդը ունի մեկ առանձանահատկություն եւս` կանանց դրդում են սեռական հարաբերությունների` պաշտոնյանների հետ:

ՙՀԱՅԱՍՏԱՆՈՒՄ ԱՂԱՆԴՆԵՐԸ, ՑԱՎՈՔ, ՕՐ ՕՐԻ ՇԱՏԱՆՈՒՄ ԵՆ՚

Մեր զրուցակցն անդրադարձավ նաեւ Հայաստանում աղանդների ընդհանուր վիճակին.
- Այս պահի դրությամբ երկու հարյուր հիսունից ավել աղանդ կա: Շատ-շատերին մենք բացահայտել ենք, բայց, ցավոք սրտի, մեր բացահայտումներից հետո վերջիններս սկսում են ավելի փակ գործել, եւ նրանց հետագա գործունեության մասին ինֆորմացիա ստանալը դժվարանում է: Բայց ամեն դեպքում, նրանք ունեն իրենց հետեւորդները: Այսօր ՙԱվետարանական՚ աղանդը նշում է, որ մոտ երկու հարյուր հազար հետեւորդ ունի ողջ հանրապետությունում: Եհովայի վկաների հետեւորդների թիվը հիսուն հազարից անցնում է: Հետեւաբար` աղանդավորների քանակը Հայաստանի բնակչության տասը տոկոսից ավելի է: Դրա հոտ մեկտեղ աղանդները Հայաստանում, ցավոք, օր-օրի շատանում են: Միայն վերջին մեկ տարվա ընթացքում մեր հանրապետություն ներթափանցել են բազմաթիվ գաղտնի եւ շատ ակտիվ գործունեություն ծավալող աղանդներ: Այսօր աղանդը Հայաստանում ամենաուժեղ բիզնեսն է: Չնայած, դրան զուգահեռ պետք է փաստենք նաեւ, որ կան աղանդներ, որոնք լուծարման փուլում են, ինչպես օրինակ ՙԿյանքի խոսք՚ եւ ՙԽորան՚ աղանդը:
Բանախոսը նշեց նաեւ, որ.
- Կան աղանդներ, որոնք գործում են միայն մարզերում: Օրինակª ՙԱստծո դեսպանատուն՚, ՙԱստծո զինվորներ՚, ՙՍեւանի ավետաբեր եկեղեցի՚ աղանդները, որոնք մայրաքաղաքում ունեն միայն իրենց գլխամասը: Աղանդներ կան, որ մարզերում ներգրավում են հետեւորդներ` ամառային բակային ճամբարների միջոցով. ճամբարներում արդեն երեխաներին են քարոզում: Արդյունքում` թե° ծնողներին, թե° երեխաներին դարձնում են աղանդավոր:

ԻԼՈՆԱ ԱԶԱՐՅԱՆ