ԻՆՉՈ՞Ւ ՄԻՔԱՅԵԼ ՄԵԼՔՈՒՄՅԱՆԸ ՆԱԽԿԻՆՈՒՄ ՆՄԱՆ ԽԵԼԱՑԻ ԱՌԱՋԱՐԿՆԵՐ ՉԷՐ ԱՆՈՒՄ

ԻՆՉՈ՞Ւ ՄԻՔԱՅԵԼ ՄԵԼՔՈՒՄՅԱՆԸ ՆԱԽԿԻՆՈՒՄ ՆՄԱՆ ԽԵԼԱՑԻ

ԱՌԱՋԱՐԿՆԵՐ ՉԷՐ ԱՆՈՒՄ

Հանրային ծառայությունները կարգավորող հանձնաժողովի (ՀԾԿՀ) նախագահ Ռոբերտ Նազարյանն օրեր առաջ էլեկտրաէներգիայի  սակագնի թանկացման թեժ քննարկման ժամանակ առաջարկեց սակագնի թանկացման դեմ ընդվզողներին հակափաստարկներով, հիմնավորումներով հանդես գալ և ներկայացնել  առաջարկներ` ինչ միջոցներով կարելի է չթանկացնել հոսանքը:

ԲՀԿ խմբակցության անդամ, տնտեսագետ Միքայել Մելքումյանն այսօրվա մամլո ասուլիսում պաշտոնական 6 առաջարկ ներկայացրեց  ՀԾԿՀ նախագահ Ռոբերտ Նազարյանին:

Այն 17մլրդ դրամ ֆինանսական ճեղքվածքը, որն ունի  Հայաստանի էլեկտրացանցերը եւ որի մասին բարձրաձայանում է  Հանրային ծառայությունների կարգավորման հանձնաժողովը, դրա մոտ 1/3-րդը, այսինքն` 5,5 մլրդը, ըստ օրենքի պետք է փակի պետությունը:

Մյուս առաջարկն այն է, որ արտադրող կայանները, որտեղ կատարվում են  ներդրումներ, ազատել հարկերից, տալ հարկային արտոնություններ:

Ըստ Մելքումյանի, պետք է նաեւ Հայաստանի էլեկտրացանցեր եւ արտադրող կայաններ հարաբերակցությունում մշակվի ֆինանսական առողջացման ծրագիր, անցկացվի աուդիտ:

Մնացած երեք տեսակետները պարզապես չենք ներկայացնում, քանի որ եթե պարոն Մելքումյանի մոտ հիշողության հետ խնդիրներ կան, ապա մեզ մոտ բավականին թարմ են հիշողությունները հենց պարոն Մելքումյանի փոխնախարար աշխատած տարիների մասին, ով զբաղեցրել է ժամանակին սեփականաշնորման փոնախարարի պաշտոնը` ՀՀ երկրորդ նախագահ Ռոբերտ Քոչարյանի օրոք: Հետաքրիր է, տեսնես այսքան խելացի եւ բովանդակային առաջարկներով հանդես գալի՞ս էր նախկին փոխնախարարը այն տարիներին, երբ Հայաստանի Հանրապետությունն իսկապես գտնվում էր էներգետիկ ճգնաժամի մեջ, թե՞ փոխնախարարական փափկասուն աթոռը զգացնել չէր տալիս երկրիս առաջ ծառացած խնդիրները:

Սոնա Դավթյան