ՇՏԱՊ. «Վերնիսաժի» գործով վկային առանց ծանուցման բերման են ենթարկում

ՇՏԱՊ. «Վերնիսաժի» գործով վկային առանց ծանուցման բերման են ենթարկում

Այս պահին ոստիկանության աշխատակիցները առանց որեւէ նախազգուշացման «Վերնիսաժի» գործով վկաներից մեկին` Վալերի Հովհաննիսյանին փորձում են ձերբակալել, կամ բերման ենթարկել ոստիկանություն: Կապ հաստատեցինք վկայի փաստաբան «Լեւ Գրուպ» իրավաբանական ընկերության տնօրեն, փաստաբան ԼԵՎՈՆ ԲԱՂԴԱՍԱՐՅԱՆԻՆ մանրամասները ճշտելու համար: Մեզ հետ զրույցում նա նշեց, որ. «Ներկայացնում եմ «Վերնիսաժի» գործով Վալերի Հովհաննիսյանի շահերը, տեղեկատվություն ստացա, որ վերջինիս դուրս են գրել հիվանդանոցից, իսկ քրեական հետախուզության աշխատակիցները, առանց որեւէ փաստաթղթի, առանց որեւէ սանկցիայի գործողությունների ցանկանում են բերման ենթարկել նրան ոստիկանություն: Հիշեցման կարգով ասեմ, որ իմ պաշտպանյալը կարգավիճակով  վկա է եւ պետք է նման դեպքերում ծանուցում ստանա, որը բացակայում է: Ինչ վերաբերվում է առողջական վիճակին, ապա սրացում է գնում եւ դա էլ հաշվի չառնելով գործառույթներ է իրականացվում, որպեսզի նրան բերման ենթարկեն ոստիկանություն»:

Փաստաբանը մեզ հետ զրույցում նշեց, որ պատրասվում է օրենքով սահմանված կարգով բողոք ներկայացնել լիազորված մարմին: Նա նաեւ նշեց, որ այս պահին հիվանդանոցում ընթանում է այդ գործառույթը, կամ Վ. Հովհաննիսյանին տանել բաժին, կամ թույլ տան կվերադառնա տուն:

ԱՐՄԵՆՈՒՀԻ ՀԱԿՈԲՅԱՆ