ՙՀԷՑ՚-Ը ԾԱՆՐ ՖԻՆԱՆՍԱԿԱՆ ՎԻՃԱԿՈՒՄ Է

ՙՀԷՑ՚-Ը ԾԱՆՐ ՖԻՆԱՆՍԱԿԱՆ ՎԻՃԱԿՈՒՄ Է

Եվ այսպես, երեկ ՀՀ հանրային ծառայությունները կարգավորող հանձնաժողովը որոշեց բարձրացնել էլեկտրաէներգիայի սակագները: Դեռ այդ որոշումը հազիվ էր հաստատվել, որ ՙՀայաստանի էլեկտրական ցանցերը՚ ՓԲԸ-ի գլխավոր տնօրեն Եվգենի Բիբինը հայտարարեց, թե անհրաժեշտ է համարում իր աշխատակիցների աշխատավարձերը բարձրացնել:
ՙՍուրբ՚ գործ է, առավել եւս, որ ըստ պարոն Բիբինի, ընկերությունում միջին աշխատավարձը 200 հազար դրամ է: Չենք ուզում ասել, թե շարքային էլեկտրիկներն էլ են այդքան ստանում, քանի որ ՙմիջին աշխատավարձ՚ ասվածը ձեւավորվում է բարձր եւ ցածր աշխատավարձերի միջինացման արդյունքում: Մինչդեռ վերջին օրերին շատ խոսվեց այն աստղաբաշխական աշխատավարձերի մասին, որոնք ստանում են բաշխիչ ցանցերի շեֆերը: Սակայն պարոն Բիբինը երեկ հակառակն էր փորձում համոզել, թե ինքն անձամբ ստանում է հրապարակավ հնչեցվող թվերից 10 անգամ ցածր աշխատավարձ: Լրատվամիջոցներից մեկն էլ տեղին հաշվարկել էր, թե հրապարակավ Բիբինին վերագրվում է 40 միլիոն դրամ աշխատավարձ, ուրեմն նա ստանում է առնվազն 4 միլիոն: Բա մարդը մեղք չէ±. հազարավոր կիլոմետրեր կտրել-հասել է Հայաստան, որ այդ ՙխղճուկ՚ 4 միլիո±նը ստանա: Դրանից հետո ՙամոթ՚ էլ է, որ հանուն այդ աշխատավարձի ավելացման` մի քանի կոպեկ ավել հոսանքի փող չտանք...
Բայց արի ու տես, որ Հանրային ծառայությունները կարգավորող հանձնաժողովի Սակագնային քաղաքականության վարչության պետ ԳԱՐԵԳԻՆ ԲԱՂՐԱՄՅԱՆԻ մտքով անգամ չի անցնում աշխատավարձերի այդ թեման: Համենայնդեպս նա մեզ հետ զրույցում խոսեց միայն էլեկտրաէներգիայի թանկացման հայտնի պատճառներից.
- Համակարգում մոտավորապես 18 միլիարդ դրամի խնդիրներ են առաջացել, եւ անհրաժեշտ է գնալ հասույթի ավելացման` 2014-2015թթ. ժամանակահատվածի համար: Սակագնի թանկացումը հիմնականում պայմանավորված է եղել մի քանի կայաններով: Դա ՙԵրեւան՚ ջէկ-ն է, որտեղ 2015 թվականի մարտ ամսից սկսվում է վարկի մարումը. այդ կայանը կառուցվել կառավարության երաշխիքով ներգրավված վարկով, որն արտոնյալ ժամկետ է ունեցել տասը տարի: Հաջորդ գործոնը եղել է ատոմակայանի հետ կապված որոշակի անվտանգության ծախսերի ավելացումը: ՙԲարձրավոլտ էլեկտրական ցանցերում՚ եւս կան որոշակի խնդիրներ. կրկին ներգրավված վարկեր ունենք ցանցի վերազինման համար: Եվ էլեկտրաէներգիայի սակագնի բարձրացման ամենակարեւոր գործոններից մեկը բաշխիչ ցանցերն են, որտեղ տասնվեց միլիարդ դրամի խնդիր էր առաջացել` սակագնով նախատեսված եւ փաստացի էլեկտրաէներգիայի գնման սակագների տարբերության հետեւանքով: Այսինքնª ընկերության գործունեության հետ դա որեւիցե առնչություն չունի, սակագնի հաշվարկում մենք նախատեսել ենք մի թիվ, սակայն որոշակի փաստացի իրողություններ են եղել, արդյունքումª գնման գինը ավելի բարձր է ստացվել, եւ այդտեղից հենց ձեւավորվել է այդ վնասը: Ես ուզում եմ դա շեշտադրված ասել, որովհետեւ շատ են շահարկում այն փաստը, որ ՙԲաշխիչ ցանցերը՚ մեծ պարգեւատրումներ է տալիս աշխատակիցներին: Թանկացումն առհասարակ մենեջմենթի հետ կապ չունի:
Լավ, բայց այդ դեպքում, պարոն Բիբինն ինչո±ւ է սակագինը բարձրացնելու որոշումը ստանալուն պես խոսում իր աշխատակիցների աշխատավարձերը բարձրացնելու ծրագրերից: Էլ չասած, որ վերջին ժամանակներս քիչ չեն խոսակցությունները, թե ցանցերը կանգնել են սնանկացման շեմին: Սնանկացող ընկերությունն է±լ կխոսի 4 միլիոնանոց աշխատավարձերը մի քիչ էլ ՙչաղացնելուց՚: Սակայն մեր զրուցակիցն այնքան էլ համամիտ չէ, թե ՀԷՑ-ը կանգնած է սնանկացման եզրին.
- Սնանկացման եզրին կարող է մի քիչ չափազանցված հնչել, բայց շատ ծանր ֆինանսական իրավիճակում է ՀԷՑ-ը: Հենց միայն այն պատճառով, որ իրենք ավելի շատ գումար են վճարել կայաններին, քան նախատեսված է եղել: Եվ այս մեր քայլը ուղղված է տասնվեց միլիարդի մեկ երրորդ մասի լուծմանը:
Վարչության պետը, այս թանկացմամբ հանդերձ էլ, վիճակը ներկայացնում է անորոշ.
- Առնվազն մեկ տարի կգործեն այս գները, բայց հստակ ոչ ոք չի կարող նշել` հետագայում կբարձրանա էլեկտրաէներգիայի սակագինը, թե` ոչ:

ԻԼՈՆԱ ԱԶԱՐՅԱՆ