ՙՈՒԿՐԱԻՆԱԿԱՆ ՊԱՏԵՐԱԶՄՆ ԱՎԵԼԻ ՄԱՍՇՏԱԲԱՅԻՆ Է ԴԱՌՆԱԼՈՒ՚
Արխիվ 12-16
Այն, որ ուկրաինական հակամարտությունը կարող է իր էական ազդեցությունն ունենալ նաեւ մեր տարածաշրջանի վրա, կախված այն բանից, թե այդ երկրում ռուս-ամերիկյան բախումներն ինչ իրողություններ կձեւավորեն, հայտնի ճշմարտություն է: Այս տեսակետի շուրջ, նաեւ որպես նաեւ ռազմական մասնագետ, ՀՀ պաշտպանության նախկին նախարար, գեներալ-լեյտենանտ ՎԱՂԱՐՇԱԿ ՀԱՐՈՒԹՅՈՒՆՅԱՆԸ հետեւյալ կարծիքին է:
- Ուկրաինան մտել է մի փուլ, որտեղ ի նպաստ իրեն` քաղաքական, տնտեսական լուծումներ չունի: Պատերազմը շարունակվելու է, եւ, կարծում եմ, Եվրաասոցացման պայմանագրի ստորագրումը ոչ միայն որեւէ բան չի տա այդ երկրին, այլեւ կառաջացնի նոր լրջագույն կորուստներ` ռազմականի հետ նաեւ սոցիալական պայթյունի տեսքով:
Ինչ վերաբերում է քաղաքացիական պատերազմին, ապա ակնհայտ է, որ մի քանի ամիս է` ուկրաինական բանակը չի կարողանում գրավել մեկ փոքր քաղաք` Սլավյանսկը: Հաջողության համար պետք է բանակը կայացնել, բայց դա էլ ժամանակ եւ լուրջ միջոցներ է պահանջում, ինչը Կիեւը պարզապես չունի: Փոխարենը տեսանելի է, որ աստիճանաբար կայանում են Դոնբասի ռազմական հնարավորությունները, ինչը հուշում է, որ առաջիկայում այս հակամարտությունն ավելի մասշտաբային է դառնալու: Ավելի կոնկրետ` մեծ է հավանականությունը, որ արեւելյան մյուս շրջանները, տեսնելով Դոնբասի հաջողությունները, կմիանան նրան: Այսպիսով` սխալ քաղաքականության արդյունքում Ուկրաինան հայտնվել է մասնատման եզրին եւ նույնիսկ արդեն իսկ մասնատվել է, հաշվի առնելով Ղրիմի կորուստը: Երկիրը խոր եւ ծավալվելու ենթակա քաղաքացիական պատերազմի մեջ է, տնտեսությունը հայտնվել է կոլապսի առաջ: Եվ այդ ամենից, ի դեպ, մենք խուսափեցինք անցած տարվա սեպտեմբերի 3-ի շնորհիվ:
1
5743 դիտում
2
2532 դիտում
3
2231 դիտում
4
1975 դիտում
5
1958 դիտում
