ԲԱՆԴԱՅԻ ԳՈՐԾՈՎ ՑՈՒՑՄՈՒՆՔ ԵՆ ՏԱԼԻՍ ԱՄԲԱՍՏԱՆՅԱԼՆԵՐԸ

ԲԱՆԴԱՅԻ ԳՈՐԾ «ԱՄԵՆ ԲԱՌԻՍ ՀԱՄԱՐ ՄԻ ԺԱՄ ԾԵԾ ԵՄ ԿԵՐԵԼ»

Բանդայի գործով դատաքննության շրջանակներում այսօր դատարանում ցուցմունք է տվել ամբաստանյալ արթուր Մանուկյանը: Ում ցուցմունքներում, դատախազ Խաչատրյանի խոսքով. «Նախաքննական և դատաաքննական ցուցմունքներում էական հակասություններ կան» և միջնորդեց դատարանում հրապարակել նախաքննական ցուցմունքը: Մանուկյանն իր նախաքննական ցուցմունքներում նշել էր որոշակի թաղամասերի և շինությունների անուններ Երևանում այն դեպքում, երբ դատարանին հայտնել է, որ ինքը ծնվել և ապրել է Էջմիածնում և Երևանը լավ չգիտի: Նա դատարանին հայտնեց, որ սա ևս մեկ ապացույց է, որ Բանդայի գործն իրենց վրա «սարքված է»: Նա նշեց, որ նախաքննության տված ցուցմունքն ինքը չի գրել իր ձեռքով: «Ես խոշտանգված էի, իսկ քննիչն իր համար սեղանի մոտ նստած էր, ինձ ասացին՝ անունդ գրի, գնա, դու մեղավոր չես»,- պատմեց Մանուկյանն ու հավելեց, որ փաստորեն մեղավոր չէ, բայց գնաց բանտ: «Եթե մեղավոր լինեի, երևի ազատության մեջ կլինեի»,- ասաց Մանուկյանը: Նա նշեց, որ իրենից խոշտանգումների միջոցով միայն որոշ  անձնական տվյալներ են վերցրել: «Ամեն բառիս համար մի ժամ ծեծ եմ կերել»,-ասաց ամբաստանյալը:

ԻԼՈՆԱ ԱԶԱՐՅԱՆ