ԶԱՐՈՒՀԻ ՓՈՍՏԱՆՋՅԱՆԻ ՀԱՅՏԱՐԱՐՈՒԹՅԱՆ ՁԵՌՔԸ «ԺԱՌԱՆԳԱԿԱՆՆԵՐԸ» ԿՐԱ՞ԿՆ ԵՆ ԸՆԿԵԼ. (ՏԵՍԱՆՅՈՒԹ)

ԶԱՐՈՒՀԻ ՓՈՍՏԱՆՋՅԱՆԻ ՀԱՅՏԱՐԱՐՈՒԹՅԱՆ ՁԵՌՔԸ  «ԺԱՌԱՆԳԱԿԱՆՆԵՐԸ»  ԿՐԱ՞ԿՆ ԵՆ ԸՆԿԵԼ. (ՏԵՍԱՆՅՈՒԹ)

«Ժառանգություն» կուսակցության համագումարը թեև ավարտվել է, բայց քննարկումները կուսակցության մասին  շարունակվում են: Կուսակցության փոխնախագահ ԱՐՄԵՆ ՄԱՐՏԻՐՈՍՅԱՆԸ, այսօր   խոսելով վարչության նորընտիր  կազմի մասին,  ասաց, որ  էական փոփոխություններ կուսակցությունում չեն եղել:

Ա. Մարտիրոսյանը հերքում է  մամուլի այն  հրապարակումները, թե կուսակցության ներսում կան տարաձայնություններ կամ այսպես ասած պատերազմական իրավիճակներ որոշ խնդիրների առնչությամբ:

«Իրավունքի» թղթակիցը նրանից հետաքրքրվեց`եթե, ինչպես պնդում է Արմեն Մարտիրոսյանը, տարաձայնություններ չկան «Ժառանգությունում», ինչո՞վ է  պայմանավորված   կուսակցության առաջնորդ Րաֆֆի Հովհաննիսյանի և Ռուբեն Հակոբյանի տարակարծությունը «Քառյակի»  12 կետերի վերաբերյալ`մասնավորապես Րաֆֆի Հովհաննիսյանն առաջ է քաշում իշխանափոխության հարցը, իսկ Ռուբեն Հակոբյանն իշխանափոխության մասին խոսեց միայն  Ր. Հովհաննիսյանի և Զ. Փոստանջյանի վերադարձից հետո: «Տարակարծություն տեսնելը կարծում եմ ճիշտ չէ, քանի որ գոնե ես գիտեմ `ինչպես են այդ կետերն ընդունվել: Մեր կուսակցության ներսում էլ երբեմն որոշումներ կայացնելը  դժվար է լինում, քանի որ տարբեր մոտեցումներ կան: Այդ 12 կետը փոխզիջումային տարբերակով է ընդունվել»,- ասաց Մարտիրոսյանը:

Եթե կուսակցության փոխնախագահը  ողջունում է Քառյակի» 12 կետը, ապա  Զարուհի Փոստանջյանը վերջերս հայտարարել էր, որ  «Քառյակ» որպես այդպիսին գոյություն չունի: Հետաքրքիր է`այս հակադրությունն ինչպե՞ս հասկանալ: Արմեն Մարտիրոսյանը խորհուրդ է տալիս  Փոստանջյանի խոսքի ամբողջական տրամաբանությունը տեսնել, ոչ թե  առանձին բառերի ետևից  գնալ. «Զարուհի Փոստանջյանը ևս այն կարծիքին է, որ «Քառյակի» համագործակցությունը պետք  է ԱԺ-ի պատերից դուրս գա»:

Մանրամասները` տեսանյութում

ՍՈՆԱ ԴԱՎԹՅԱՆ