Բոլոր ցանկացողները ուղիղ հեռարձակմամբ տեսան ՙԺառանգություն՚ կուսակցության համագումարի ողբալի վիճակը:

Բոլոր ցանկացողները ուղիղ հեռարձակմամբ տեսան ՙԺառանգություն՚ կուսակցության համագումարի ողբալի վիճակը: Բնականաբար, ակնհայտ էր եւ հայրենիքից` ԱՄՆ-ից, վերադարձած Րաֆֆի Հովհաննիսյանի խեղճությունը: Սակայն ամենազարմանալին եւ տխուրն է այդ կուսակցությունում փոխնախագահ ԱՐՄԵՆ ՄԱՐՏԻՐՈՍՅԱՆԻ գործառույթը: Մեկ հարկադրված էր դիրքորոշում հայտնել Ստյոպիկ Սաֆարյանի կողմից Անուշ եւ Ինգա Արշակյաններին գռեհկորեն վիրավորելու կապակցությամբ, եւ դեռ այնպես անել, որ չարտահայտի սեփական զզվանքը այդպիսի ղզիկության հանդեպ, հիմա էլ հարկադրված է Րաֆֆի Հովհաննիսյանի մասին գովեստի խոսքեր ասել. ՙԻսկ նրանք, ովքեր խոսում են հրապարակի մասին, կարո±ղ են հրապարակ հավաքել:

Նաեւ հիշենք այն գրոհը, որ իրականացվեց Հովհաննիսյանի դեմ, այդ թվում ընդդիմադիր հորջորջվող ուժերի կողմից: Աջակցելու փոխարեն` Հովհաննիսյանին թողին միայնակ, իր սակավաթիվ կողմնակիցներով: Ուրեմն, ոչ թե Հովհաննիսյանին պետք է մեղադրել, այլ` այդ քաղաքական ուժերին՚: Դե ինչ, զարմանալիորեն իմանում ենք, որ Րաֆֆին հաջողության չհասավ, քանի որ քըխ էին ՀԱԿ-ը, դաշնակները եւ այլն, եւ այլն... Ինչեւէ, Արմեն Մարտիրոսյանին համբերություն մաղթենք, այդպիսի առաջնորդ ունենալը իրոք դժբախություն է:
Ամառային շոգերն ազդում են շատերի վրա: Այսպես, քաղաքագետ ՄԱՆՎԵԼ ՍԱՐԳՍՅԱՆԸ երկար-բարակ դատողություններ անելով, թե ինչքան վատն են ռուսները, առաջարկում է. ՙՄիակ արդյունավետ ձեւը պահանջն է` ՀՀ տարածքից հանել ռուսական բազան՚: Հետաքրքիր է, այդպիսի բան առաջարկելիս` հարգարժան քաղաքագետը իր ուղե±ղն է աշխատացրել, թե միանգամայն այլ մարմնամաս: Հետաքրքիր է, ռուսներին հանելու դեպքում` նա ումի±ց է առաջարկելու նույնքան էժան գներով սպառազինություն ձեռք բերել, կարո±ղ է մատնանշել թեկուզ մեկ երկիր, որը նույն պայմաններով կհամաձայնի: Կամ ում է մտադիր պարոնը կանչել` կատարելու այն գործառույթը, որը ե°ւ որպես ՀԱՊԿ-ի անդամ, ե°ւ, ըստ երկկողմանի պայմանագրի, ստանձնել է Ռուսաստանը` արտաքին ագրեսիայից պաշտպանելու հարցում: Ինչ է, ամերիկացիներին է կանչելու` լավ տեսանք ինչ հոյակապ  պաշտպանեց ԱՄՆ-ն վրացիներին, որ այդ պաշտպանության հետեւանքով նրանց նախագահ Սահակաշվիլին ստիպված եղավ ուտել սեփական փողկապը:
Ինչպես հայտնի է, փողկապակեր Սահակաշվիլին բազում խորհուրդներ է տվել Կիեւում իշխանությունը զավթած մայդանչիներին: Դե, երեւի թե, հենց նրա խորհուրդներն են հասել ԼՎՈՎ, ուր ՙԱզատություն՚ կուսակցության մասնաճյուղը շատ օրիգինալ ու զարմանալի ձեւ է մոգոնել` պայքարելու ռուսական ազդեցության դեմ: Այդտեղ որոշել են, որ ռուսերեն գրքերը շատ են, որ կինոնկարների ռուսերեն կրկնօրինակումը շատ է, որ ռադիո ու հեռուստաեթերում ռուսական երգերը շատ-շատ են, եւ որոշել են դա փոխհատուցել` քաղաքում կեչիները կտրելով` որպես Ռուսաստանը խորհրդանշող ծառեր: Դե, սրանց, երեւի թե, արդեն, Ռոբերտ Քոչարյանի ասած, ՙուրիշ մասնագետն՚ էլ անզոր կլինի օգնել, բայց ամենահետաքրքիրն այն է, որ, ըստ կենսաբանների` կեչու իրական հայրենիքը ոչ թե Ռուսաստանն է, այլ` Եվրոպան, որտեղից էլ կեչին տարածվել է դեպի Արեւելք: Այնպես որ, ստացվում է, որ այդ հարցում էլ սույն խելապակասներն իրականում պայքարում են ոչ թե ռուսների, այլ` իրենց սիրելի Եվրոպայի դեմ:
Բայց վերադառնանք մեր երկիր ու այստեղ էլ զարմանքով հայտնաբերում ենք, որ սովորաբար ողջամիտ դատողություններ անող Քրիստոնյա-ժողովրդավարական կուսակցության նախագահ ՍՈՍ ԳԻՄԻՇՅԱՆԻ վրա էլ ազդել են շոգերը, ու նա որոշել է տրտնջալ` սպասվելիք սահմանադրական բարեփոխումներից. ՙՄենք ոչ թե կառավարման համակարգի փոփոխության, այլ ընտրական ինստիտուտի կայացման խնդիր ունենք: Գործող սահմանադրությամբ` ժողովուրդը 5 տարին 2 անգամ շանս ունի ընտրությունների միջոցով ինչ-որ կերպ մասնակցել երկրի կառավարմանը` ձեւավորել իր իշխանությունը: Հիմա մեզ ուզում են զրկել նախագահին ընտրելու շանսից` 5 տարին մեկ անգամ խորհրդարանական ընտրություններ անցկացնել. էհ, եթե այդպես է, եկեք այդ 5 տարին էլ դարձնենք 10` 10 տարին մեկ ընտրություն անենք՚: Բայց, ինչքան էլ պարադոքսալ լինի, այդ առաջարկության մեջ ռացիոնալ պահ կա: Հիմա ժողովրդին 5 տարին մեկ են դիվադադար անում ընտրություններով, ու ժողովրդի ընտրածն առանձնապես չի ազդում ընտրվողների որակի վրա, ու չի էլ ազդի թեկուզ եւ իդեալական ընտրություն լինի: Դե, գոնե այդ անիմաստ գործողությունը, եթե 2 անգամ ավելի հազվադեպ անցկացվի, իզուր տեղը ժողովրդի գլուխը չեն տանելու ավելորդ ճռճռան եւ ստախոս քարոզչական արշավներով: Իսկ 2 անգամ քիչ սուտ լսելը, անշուշտ, կնպաստի ժողովրդի նյարդային համակարգի առողջությանը:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ