ՎՐԱՍՏԱՆՈՒՄ ՀԱՅԱՍՏԱՆԻ ԱՐՏԱԿԱՐԳ ԼԻԱԶՈՐ ԴԵՍՊԱՆ

Արխիվ 12-16 26 Հունիս, 2014 20:00

ՎՐԱՍՏԱՆՈՒՄ ՀԱՅԱՍՏԱՆԻ
ԱՐՏԱԿԱՐԳ ԼԻԱԶՈՐ ԴԵՍՊԱՆ

ՀՀ արտաքին գործերի նախարարությունից հայտնում են, որ Յուրի Վարդանյանը բոլոր պարերը պարել էր, մնում էր միայն ՙլեզգինկան՚:

ՀԱՄԲՈՒՐԵԼՈՎ ԵՆ ՀԵՌԱՑԵԼ
(ՀՈԿՏԵՄԲԵՐԻՑ ՍԿՍԱԾ` ԳԼԽԱՎՈՐ
ԴԱՏԱԽԱԶՈՒԹՅՈՒՆՈՒՄ 80-ԻՑ ԱՎԵԼԻ
ԴԱՏԱԽԱԶՆԵՐ ԱԶԱՏԵԼՈՒ
ԿԱՊԱԿՑՈՒԹՅԱՄԲ)

Ըստ Արարատյան Հայրապետական թեմի` ուսումնասիրելով գլխավոր դատախազության կադրային փոփոխությունները, եկել են այն եզրահանգման, որ ութ ամսվա ընթացքում դատախազության դռները ավելի շատ մարդ է համբուրել, քան որեւէ սրբավայր:
% % %
ՙՀԱՐՍՆԱՑՈՒՆ ՀՅՈՒՍԻՍԻՑ՚
ՖԻԼՄԻ ՆՄԱՆՈՒԹՅԱՄԲ
(ԻՐԱՔԻ ԴԵՍՊԱՆ ՄՈՒՐԱԴ ՄՈՒՐԱԴՅԱՆԻՆ ԱՇԽԱՏԱՆՔԻՑ ԱԶԱՏԵԼՈՒ
ՊԱՐԶԱԲԱՆՈՒՄԸ)

Ըստ նախագահի մամուլի խոսնակ Արման Սաղաթելյանի` Իրաքի դեսպանին ազատել են աշխատանքից, որովհետեւ Մուրադը կատաղել էր:

ԸՆԴԴԻՄՈՒԹՅԱՆԸ ՍԵՓԱԿԱՆ
ՊԱՏԵՐՆ ԵՆ ՙԴՈՒԽ՚ ՏԱԼԻՍ

ԵԽԽՎ-ի նիստում Ալիեւի ելույթի ժամանակ ընդդիմադիր գործիչների լռությունն արտահայտում է նրանց հայրենասեր լինելը: Ուրիշի հողում Նաիրա Զոհրաբյանի եւ Լեւոն Զուրաբյանի ձայնը մնում է փորում, իսկ դաշնակների մոտ էլ, Ստամբուլը արյան ծով է դառնում հայրենի հողում` միայն կենացների ձեւով:

% % %
ՊԱՏԱՍԽԱՆ ՊԱՏԺԱՄԻՋՈՑՆԵՐ

Ի պատասխան ՌԴ-ի նկատմամբ ԱՄՆ-ի տնտեսական պատժամիջոցների` Եվրասիական միություն մտնելու կապակցությամբ ՀՀ-ն ԱՄՆ-ում դեսպան նշանակեց Տիգրան Սարգսյանին:

% % %
ՀԱՅԴԵ ՀԱՅԱՍՏԱՆ

Ըստ Սփյուռքի նախարար Հրանուշ Հակոբյանի` նախկին վարչապետ Տիգրան Սարգսյանին ԱՄՆ-ում նշանակել են դեսպան` ԱՄՆ-ի միլիոնանոց սփյուռքի ներգաղթը` ՙԳնա տուն՚ ծրագրով իրականացնելու համար:

% % %
ԴՈՒԽԸ ԿՀԵՐԻՔԻ

ՀՀ ԱԳ-ից հայտնում են, որ Յուրի Վարդանյանին Վրաստանում դեսպան նշանակելուց հետո, Իսրայել Հակոբկոխյանին էլ Մադագասկարի դեսպան են նշանակելու:

% % %
ՀԱՐԱԲԵՐԱԿԱՆՈՒԹՅԱՆ
ՏԵՍՈՒԹՅՈՒՆ-1
ՎՈՎԱ ԳԱՍՊԱՐՅԱՆԸ`
ՌՈԲԵՐՏ ՔՈՉԱՐՅԱՆԻՆ
(ՓՈԽՈՍՏԻԿԱՆԱՊԵՏԻ ԿՈՂՄԻՑ ՆՐԱ ՀԱՅՏԱՐԱՐՈՒԹՅՈՒՆՆԵՐԻՆ ՊԱՏԱՍԽԱՆԵԼՈՒ
ԿԱՊԱԿՑՈՒԹՅԱՄԲ)

Իմ ուչաստկովին քո ուչաստկովիից լավն ա:

% % %
ՀԱՐԱԲԵՐԱԿԱՆՈՒԹՅԱՆ
ՏԵՍՈՒԹՅՈՒՆ-2
(ԱՐԱԲՈՅԻ ՄԱՆՎԵԼԸ` ԳԵՆԵՐԱԼ ՄԱՆՎԵԼԻՆ. ԱԶԱՏԱՄԱՐՏԻԿՆԵՐԻ ԿՈՂՄԻՑ ՆՈՐ ՄԻԱՑՅԱԼ
ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ
ԿԱՊԱԿՑՈՒԹՅԱՄԲ)

Իմ երկրապահը քո երկրապահից հզոր ա,
Չես հավատում, գնա Սասունին հարցրա:

(ՍՏՅՈՊԱ ՍԱՖԱՐՅԱՆԸ ԿՈՆՉԻՏԱՅԻ ՀԱՄԱՐ ԴՈՇ ՏԱԼՈՒ
ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

Անգլիական Սկոտլանդ Յարդից հայտնում են, որ Ստյոպա Սաֆարյանը, դեռեւս Անգլիայում վերապատրաստվելու ժամանակ, անգլիական րՏրՌրՍՌ-ն գերադասել է հայկական տոլմայից:

ՄԵՂԱ-ՄԵՂԱ

Կոնչիտայի հաղթանակից հետո սատանիստները խաչակնքվել են, եւ ասել մեղա քեզ տեր Աստված:

% % %
ՍՈԴՈՄ-ԳՈՄՈՐ
(ՀԱՐՎԱՐԴԻ ՀԱՄԱԼՍԱՐԱՆՈՒՄ ՉԵՂԱՐԿԵԼ ԵՆ ՍԱՏԱՆԱՅԱԿԱՆ ՍԵՎ ՊԱՏԱՐԱԳԸ
ԼՈՒՐԵՐԻ ԿԱՊԱԿՑՈՒԹՅԱՄԲ)

Ըստ Դժոխք-պրեսի` սատանայական սեւ պատարագը չեղարկել են, քանի որ Կոնչիտայի ՙԵվրատեսիլի՚ հաղթանակը սեւ պատարագը կտրում ա:

% % %
ՀԵՏԵՎՐԱՏԵՍԻԼՅԱՆ ՔԱՌՅԱԿ

Ըստ քաղտեխնոլոգների` ՙԵվրատեսիլից՚ հետո պարզ դարձավ, որ ընդդիմադիր քառյակի մի մասը ռուսամետ է, մի մասը` եվրոպամետ, իսկ Ստյոպա Սաֆարյանը` կոնչիտամետ:

1998 ԹՎԻ ԼՏՊ-Ի
ՀԱՅՏՆԻ ԵԼՈՒՅԹԻ ՈՃՈՎ
(ՈՒՈՐԼԻՔԻ ՆԱԽԱՁԵՌՆՈՒԹՅՈՒՆԸ ԼՂՀ ՀԻՄՆԱԽՆԴՐԻ ԿԱՐԳԱՎՈՐՄԱՆ ՎԵՐՋԻՆ ՀՆԱՐԱՎՈՐՈՒԹՅՈՒՆՆ Է`
ԴԱՎԻԹ ՇԱՀՆԱԶԱՐՅԱՆԻ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

ՙԵվրատեսիլից՚ հայտնում են, որ Դավիթ Շահնազարյանը դավաճանությունը սարքել ա օճառ, որ փափուկ մտնի Ամերիկայի Ուորլիքը:

% % %
ԿՈՒՇՏԸ ՀԱՅՐԵՆԻՔ ՉԻ ՃԱՆԱՉՈՒՄ
(ՆԱԽԿԻՆ ՖԻՆՆԱԽԱՐԱՐ ԴԱՎԻԹ
ՍԱՐԳՍՅԱՆԻ ԿՈՂՄԻՑ ԿԻՊՐՈՍ ՓՈՂԵՐ ՓԱԽՑՆԵԼՈՒ ԿԱՊԱԿՑՈՒԹՅԱՄԲ)

Գլխավոր դատախազությունից հայտնում են, որ օֆշորային պատմության Կիպրոսի հունական մասի ուսումնասիրությունները ավարտել են, հիմա անցել են թուրքական մասին:

% % %
ՎԱՀԱՆ
ՀՈՎՀԱՆՆԻՍՅԱՆԻ ՏՐՈՐՎԱԾ
ՃԱՆԱՊԱՐՀՈՎ
Ըստ Արտգործնախարար Էդվարդ Նալբանդյանի` ծանոթանալով Աղվան Վարդանյանի ՙԵլք երկրից՚ բանաստեղծությունների ժողովածուին, հասկանում ես, որ Դաշնակցությունը ոչ թե դիվանագիտական աշխատանքի է գնում, այլ կամաց-կամաց ցվրվում է:

% % %
ՎԱՍՏԱԿԸ
ԳՆԱՀԱՏՎԵՑ

ԱԺ-ում ընդունվել է նոր օրենք, որը սահմանում է վաստակավոր դավաճանի կոչում հատուկ Ալիկ Արզումանյանի համար: