ՙՎՐԱՍՏԱՆՈՒՄ ՈՉ ՄԻ ԱՆԳԱՄ ՊՐՈՖԵՍԻՈՆԱԼ ԴԵՍՊԱՆ ՉԻ ՆՇԱՆԱԿՎԵԼ՚

ՙՎՐԱՍՏԱՆՈՒՄ ՈՉ ՄԻ ԱՆԳԱՄ ՊՐՈՖԵՍԻՈՆԱԼ ԴԵՍՊԱՆ ՉԻ ՆՇԱՆԱԿՎԵԼ՚

Օրերս սպորտի եւ երիտասարդության հարցերի նախկին նախարար, վաստակաշատ ծանրամարտիկ Յուրի Վարդանյանը Վրաստանում Հայաստանի Հանրապետության արտակարգ եւ լիազոր դեսպան նշանակվեց: Այս առթիվ ՙԻրավունքը՚ զրուցեց ԱԺ ՀՀԿ խմբակցության պատգամավոր, ՙՋավախք՚ հայրենակցական միության նախագահ ՇԻՐԱԿ ԹՈՐՈՍՅԱՆԻ հետ:
-Պարոն Թորոսյան, ըստ Ձեզ, արդյոք Յու. Վարդանյանը լավագույնս տիրապետում է հայ-վրացական հարաբերություններին:
- Գիտեք, Յուրի Վարդանյանը սպորտի աշխարհի անձնավորություն է, եւ, իմ կարծիքով, նա պետք է դեռ ծանոթանա եւ ուսումնասիրի հայ-վրացական հարաբերությունների ասպեկտները, որպեսզի իր աշխատանքը արդյունավետ լինի:
- Իսկ հայ-վրացական հարաբերությունների նրբություններին տիրապետելու համար որքա±ն ժամանակ է հարկավոր:
- Դեսպանը անհատ է, բայց դեսպանությունն ունի կազմ, որը զբաղվում է հիմնախնդիրներով, եւ նաեւ կա Արտաքին գործերի նախարարություն, որը խորհուրդներ է տալիս դեսպանին
- Այնուամենայնիվ, այս նշանակումով հայ-վրացական հարաբերությունները կտուժե±ն, թե± կշահեն:
- Կարող եմ ասել, որ ընդհանրապես Վրաստանում ոչ մի անգամ պրոֆեսիոնալ դեսպան չի նշանակվել` սկսած Հայաստանի անկախության հռչակումից մինչեւ այսօր: Նշանակվել են տարբեր ոլորտներում կայացած անձնավորություններ, բայց ոչ թե դիվանագետներ. սա մի տեսակ ավանդույթ է դարձել: Իսկ հայ-վրացական հարաբերությունները, կարծում եմ, դեսպանի աշխատանքով չէ պայմանավորված, այլ պարզապես դեսպանն իր պոտենցիալը պետք է օգտագործի` այդ հարաբերությունները էլ ավելի զարգացնելու համար:

ՀՐԱՆՏ ՍԱՐԱՖՅԱՆ