5 ՀՈԳՈՎ 7 ԵՐԳ ԵՆ ԵՐԳՈՒՄ. «ԺԱՌԱՆԳՈՒԹՅՈՒՆԸ« ՄԻԱՍՆԱԿԱՆ ՏԵՍԱԿԵՏ ՉՈՒՆԻ (ՏԵՍԱՆՅՈՒԹ)

5 ՀՈԳՈՎ 7 ԵՐԳ ԵՆ ԵՐԳՈՒՄ. «ԺԱՌԱՆԳՈՒԹՅՈՒՆԸ« ՄԻԱՍՆԱԿԱՆ

ՏԵՍԱԿԵՏ ՉՈՒՆԻ (ՏԵՍԱՆՅՈՒԹ)

ԲՀԿ անդամ Ստեփան Մարգարյանի վերջին հայտարարությունը կարծես թե կրակն է գցել «Քառյակի» ներկայացուցիչներին:

Հիշեցնենք, որ վերջինս չէր բառացել «Քառյակ»- Քոչարյան համագործակցությունը`հիմք ընդունելով նախկին նախագահի  վերջին հարցազրույցը, որտեղ  Ռ. ՔՈՉԱՐՅԱՆԸ խոսել 100 տոկոսանոց համամասնական համակարգի, «Որոտան» ՀԷԿ-ի վաճառքի,կարմիր գծերի մասին:

Ստեփան Մարգարյանի հայտարարությունից հետո  «Ժառանգության» խմբակցության ղեկավար  Ռուբեն Հակոբյանը և ՀՅԴ-ական Արծվիկ Մինասյանը ողջունել էին նախկին նախագահի հարցազրույցը:

Սակայն արի ու տես, որ «Ժառանգությունում» միանշանակ չեն վերաբերում Քոչարյանի հարցազրույցին: «Իրավունքն» արդեն ներկայացրել է  «Ժառանգության» անդամ Ստեփան Սաֆարյանի բացասական գնահատականը, որը չի համընկնում կուսակցության խմբակցության ղեկավարի կարծիքին:

Լրագրողներն այսօր «Ժառանգության» խմբակցության պատգամավոր ԹԵՎԱՆ ՊՈՂՈՍՅԱՆԻՑ հետաքրքրվեցին`փաստորեն Քոչարյանը «Քառյակի» միջոցով ցանկանում  է վերադառնալ քաղաքականություն: «Ժառանգությունն» ունի իր տեսլականը և ես չեմ կարծում, թե նա ետ կկանգնի երբևէ իր տեսլականից: Կան մարդիկ, որոնք ևս կարող են համամիտ լինել  «Քառյակի» տեսակետի հետ, բայց դա չի նշանակում, որ նրանք դառնում են «Քառյակի անդամ»,- մանրամասնեց պրն ՊՈՂՈՍՅԱՆԸ:

«Այսինքն` ՍՏԵՓԱՆ ՄԱՐԳԱՐՅԱՆԸ հայտնել է իր անձնակա՞ն տեսակետը»,- հետաքրքրվեց «Իրավունքի» թղթակիցը:

«Այո, նա հայտնել է իր, այլ ոչ թե «Ժառանգության», ՀՅԴ-ի կամ ՀԱԿ-ի կարծիքը»,- ասաց նա:

Փաստորեն,  ինչպես խորհրդարանում, այնպես էլ խորհրդարանից դուրս, «Ժառանգությունը» միասնական տեսակետ չունի:

Մանրամասները` տեսանյութում:

ՆՅՈՒԹԸ Եւ ՏԵՍԱՆՅՈՒԹԸ`ՍՈՆԱ ԴԱՎԹՅԱՆԻ