ՀԱՏՈՒԿ ՈՒՇԱԴՐՈՒԹՅՈՒՆ` ԴՐԱՄԱՇՆՈՐՀՆԵՐԻ ՏՐԱՄԱԴՐՄԱՆ ԳՈՐԾԸՆԹԱՑԻՆ

ՀԱՏՈՒԿ ՈՒՇԱԴՐՈՒԹՅՈՒՆ`ԴՐԱՄԱՇՆՈՐՀՆԵՐԻ ՏՐԱՄԱԴՐՄԱՆ ԳՈՐԾԸՆԹԱՑԻՆ

ՀՀ Արդարադատության նախարարության, քաղաքացիական հասարակական կազմակերպությունների և «Աջակցություն Հայաստանում ժողովրդավար  կառավարման գործընթացին» ծրագրի փորձագետներն այսօր  անդրադարձան քաղաքացիական հասարակական կազմակերպությունների զարգացմանն ուղղված ինստիտուցիոնալ  և օրենսդրական բարեփոխումներին:

Քննարկման ժամանակ հատուկ ուշադրություն դարձվեց հասարակական կազմակերպությունների  պետական ֆինանսավորման  և դրամաշնորհների տրամադրման գործընթացին և մեխանիզմներին, ներկայացվեցին վերջիններիս հաշվետվության մեխանիզմները և հասարակական միավորումների դատական մատչելիությունը:

Ծրագրի հիմնական նպատակն է խթանել Հայաստանի` ԵՄ մերձեցման գործընթացը և նպաստել ժողովրդավարության և արդյունավետ կառավարման ամրապնդմանը: Ողջույնի խոսքով հանդես եկավ «Աջակցություն Հայաստանում ժողովրդավար  կառավարման գործընթացին» ծրագրի ղեկավար Պիտեր Կոլֆերցը: Վերջինս կարևորեց   իրավական, դատական համակարգերում  բարեփոխումների  կատարումը, որոնց շնորհիվ պետք է  առաջընթացի ականատես լինենք:Պիտեր Կոլֆերցը կարևորեց  նաև  ՔԿՀ-ների խնդիրների  բարձրաձայնումը և դրանց  առավել լայն ու արդյունավետ լուսաբանումը լրագրողների կողմից:

Հ.Գ. Ինչպես հայտնի է, Հայաստանում գործող մի շարք հասարակական կազմակերպություններ  ֆինանսավորվում են դրսից, սակայն այդպես էլ պարզ չի դառնում` ինչի վրա են ծախսվում  դրսից եկած գումարները: Կարծում ենք` հասարակական կազմակերպությունները կարիք ունեն այսօր լուրջ  վերահսկողության հատկապես ֆինանսական հոսքերի ելումուտի և դրանց նպատակայնությունը պարզելու տսանկյունից: Հուսով ենք ՀՀ ԱԴ նախարարությունը աչալուրջ կլինի այս հարցում:

ՍՈՆԱ ԴԱՎԹՅԱՆ