ՀԱՅԱՍՏԱՆ ԹՄՐԱՄԻՋՈՑ ՆԵՐԿՐՎՈՒՄ Է ՀԻՄՆԱԿԱՆՈՒՄ ԻԻՀ-ԻՑ

ՀԱՅԱՍՏԱՆ ԹՄՐԱՄԻՋՈՑ ՆԵՐԿՐՎՈՒՄ Է ՀԻՄՆԱԿԱՆՈՒՄ ԻԻՀ-ԻՑ

Ըստ ՀՀ ոստիկանության Կազմակերպված հանցավորության դեմ պայքարի գլխավոր վարչության, թմրամիջոցների ապօրինի շրջանառության դեմ պայքարի վարչության առաջին բաժնի պետի տեղակալ Տիգրան Սահակյանի 2014 թվականի 5 ամիսների ընթացքում ՀՀ-ում իրավապահ մարմիների կողմից հայտնաբերվել է թմրամիջոցների, հոգեմեդ նյութերի եւ դրանց ապօրինի շրջանառության 443 դեպք, որից 244-ը`  վերաբերում է թմրամիջոցների ապօրինի իրացմանը, իսկ 199-ը ` առանց դրանց իրացման նպատակի: Վերը նշված գործով պատասխանատվության է ենթարկվել 166 անձ, որոնցից 5-ը` օտարերկրյա քաղաքացիներ են: «Այս տարվա վերջին հինգ ամիսների ընթացքում իրավապահ մարմինների կողմից առգրավվել է 859 կգ 527 գրամ տարբեր տեսակի թմրամիջոցներ:Չնայած Հայաստանը չի համարվում թմրամիջոց արտադրող երկիր, սակայն կլիմայական բարենպաստ պայմանները օգնում են կանեփի եւ վայրի բույսերի աճեցմանը:Այս դեպքում իրավապահ մարմինները աշխատում են օպերատիվ`հայտնաբերում են այդ բույսերը եւ ոչնչացնում »,-նշեց ՏԻԳՐԱՆ ՍԱՀԱԿՅԱՆԸ:

Տ.Սահակյանի փոխանցմամբ Հայաստան թմրամիջոցներ ներկրվում է հիմնականում Ֆրանսիայից, Իրանից, Թուրքիայից, սակայն դրանց մեծ մասը գալիս է ԻԻՀ-ից: Թմրամիջոցների շրջանառության դեպքերը Հայաստանում եւ աշխարհում աճման  միտումներ ունի, քանի որ այս տարվա 443 հայտնաբերած դեպքերի համեմատ նախորդ տարի նույն ժամանակահատվածում հայտնաբերվել է 331 դեպք:Մարզերի առումով ամենապասիվը Վայոց ձորի եւ Տավուշի մարզերն են, իսկ Երեւանը թմրամիջոցներ շրջանառելու հարցում ամենաակտիվն է:

ԶՎԱՐԹ ԽԱՉԱՏՐՅԱՆ