ԼՂ ՏԱՐԱԾՔՆԵՐԻ ՎԵՐԱԴԱՐՁ ԱՄԵՆԻՑ ՇԱՏ ՉԻ ՑԱՆԿԱՆՈՒՄ ԻՐԱՆԸ. ԼԱՐԻՍԱ ԱԼԱՎԵՐԴՅԱՆ.(ՏԵՍԱՆՅՈՒԹ)

ԼՂ ՏԱՐԱԾՔՆԵՐԻ ՎԵՐԱԴԱՐՁ ԱՄԵՆԻՑ ՇԱՏ ՉԻ ՑԱՆԿԱՆՈՒՄ ԻՐԱՆԸ. ԼԱՐԻՍԱ ԱԼԱՎԵՐԴՅԱՆ.(ՏԵՍԱՆՅՈՒԹ)

Հայաստանը մինչև հուլիսի 1-ը պետք է ստորագրի  Եվրասիական տնտեսական միությանն (ԵՏՄ) անդամակցելու մասին պայմանագիրը: «Իրավունքի» թղթակիցն այսօր  մարդու  իրավունքների 1-ին առաջին պաշտպան ԼԱՐԻՍԱ ԱԼԱՎԵՐԴՅԱՆԻՑ հետաքրքրվեց` արդյոք  խոստացված ժամկետը պայմանագրի կնքման կպահպանվի: «Ժամկետներ չեմ կարող ասել, բայց մենք գնում ենք  այդ ճանապարհով»,- ասաց Լարիսա Ալավերդյանը:

Ինչ վերաբերում է վերլուծաբանների այն կարծիքին, թե չի բացառվում, որ ԵՏՄ-ին անդամակցելը ձգձգվի տեխնիկական խնդիրների պատճառով,  Լարիսա Ալավերդյանը հակադարձեց. «Դիվանագիտության մեջ տեխնիկական խնդիրներ չեն լինում: Իսկ թե ձգձգումից ինչ կստանան կողմերը, մասնավորապես Հայաստանը, պարզ չէ: Բայց չեմ բացառում, որ  ԵՏՄ-ի անդամակցության պայմանագրի ստորագրման ձգձգումը պայմանավորված լինի արցախյան հակամարտության խնդրում կոնսեսուս փնտրելով»:

Լ. ԱԼԱՎԵՐԴՅԱՆԻ խոսքով` Հայաստանը պետք է կոմպլեմենտար նոր քաղաքականություն մշակի: «Դա հնարավորություն կտար Արևմուտքին Իրանի հետ բարելավել հարաբերությունները, որի շնորհիվ Հայաստանը կարող է ունենալ այն դերակատարությունը, որը ձեռնտու է թե՛ԱՄՆ-ին, թե՛ՌԴ-ին: Ավելին`ղարաբաղյան հակամարտության կարգավորման համատեքստում տարածքների վերադարձ ամենից շատ չի ցանկանում Իրանը»,-  կարծում է բանախոսը:

Մանրամասները` տեսանյութում:

ՆՅՈՒԹԸ ևՏԵՍԱՆՅՈՒԹԸ` ՍՈՆԱ ԴԱՎԹՅԱՆԻ