ՙՙՄԱՐԴԻԿ ԱՌԱՆՑ ՋՐԻ ԵՆ, ԻՍԿ ՙԵՐԵՎԱՆ ՋՈՒՐԸ՚ª ԱՆՀԱՍԱՆԵԼԻ

ՄԱՐԴԻԿ ԱՌԱՆՑ ՋՐԻ ԵՆ,
ԻՍԿ ՙԵՐԵՎԱՆ ՋՈՒՐԸ՚ª ԱՆՀԱՍԱՆԵԼԻ

Դեռեւս շաբաթ օրը Երեւանի Խարբերդ թաղամասի մի շարք բնակիչներ դիմել էին խմբագրություն եւ իրենց մտահոգությունը հայտնել առ այն, որ արդեն երրորդ օրն է, ինչ վերջիններս մի գրամ ջուր չունեն. ՙԷս ամառվա շոգին, տապին, մենք արդեն երրորդ օրն է` ջուր ենք կրում այս ու այն կողմից, ոչ ոք մի հստակ պատասխան չի տալիս, թե երբ կտան մեզ խմելու ջուր՚:
Թե ինչով է պայմանավորված ստեղծված իրավիճակըª փորձեցինք պարզել ՙԵրեւան ջուր՚ ընկերությունից, սակայն օպերատորին միանալու հույսերն անգամ գնալով հօդս ցնդեցին, քանի որ մի քանի օր շարունակ ընկերության հետ կապվելու համար ստիպված էինք, առանց չափազանցնելու, մի հարյուր անգամ լսել ավտոմատի հետեւյալ պատասխանը. ՙՀարգելի բաժանորդ, գծի ծանրաբեռնվածության պատճառով ձեր զանգը չի կարող ընդունվել՚:
Մի քանի օրից, երբ գծերը ՙթեթեւացան՚, ու մի կերպ մեզ միացրին ՙԵրեւան ջուր՚ ընկերության լրատվական ծառայության պետ Մուրադ Սարգսյանին, նա էլ բնակիչներին արդեն քանի օր է հուզող հարցին պատասխանելու համար խնդրեց գրավոր դիմել, պատճառաբանելով, որ ՙԵրեւան ջուրը՚ հազարավոր թաղամասեր է սպասարկում եւ այս պահին առանց պարզելու, թե ինչն է պատճառը, չեն կարող պատասխանել մեր հարցին: Մեր խնդրանքին, առ այն, որ հնարավոր է գոնե օրվա ընթացքում ստանանք հարցի պատասխանը, քանի որ այդ պատասխանին սպասում են խմելու ջրից հույսները կտրած Խարբերդի մի շարք բնակիչներ, պարոն Մուրադյանը պատասխանեց. ՙԵս արդեն ստացել եմ Ձեր գրավոր հարցումը, պատասխանը ստանալուն պես կուղարկեմ, համենայնդեպս օրենքով սահմանված ժամկետները չենք խախտի՚:
Փաստորենª արդեն հինգերորդ օրն է ¥եթե ոչ ավելի¤, որ մարդիկ առանց խմելու ջրի են, իսկ ՙԵրեւան ջուրը՚ դեռ նոր պետք է պարզի, թե ինչն է պատճառը:

ԻԼՈՆԱ ԱԶԱՐՅԱՆ