ՍԻՐԵԼԻ ԳԻՐՔԸ

ՍԻՐԵԼԻ ԳԻՐՔԸ

Երբ գողի այցելությունից հետո ձեր բնակարանը տակնուվրա արված չի լինում, ուրեմն` այցելուն գրքասեր էր: Այլ հարց է, թե որ գիրքն էր հրապուրել նրան: 19-ամյա Կարենի ու նրա ՙզոհի՚ª 21-ամյա Սերգեյի ճաշակները նույնն էին. գողը թերթել էր ամենաթանկ գիրքը եւ տարել էր գրքի կանաչ թերթերըª  12.000 ԱՄՆ դոլար: Սակայն պակաս գրքասեր չէին նաեւ ոստիկանները. նրանց օպերատիվ-հետախուզական եւ քննչական միջոցառումների շնորհիվ Կարենը ձերբակալվել էր, իսկ ՙկանաչ թերթերը՚ հարստացրել են հանրային օգտագործման մեկ այլ գիրք, որի վերնագիրն էª ՙՔրեական գործ՚:


ՍՊԱՌՆԱՑԵԼ ԷՐ ՄԻՆՉԵՎ, ԹԵ` ՀԵՏՈ

ՙՀունիսի 22-ին, ժամը 21:00-ին, 1965 թ. ծնված Սանամ Մ.-ն Ոստիկանության Էրեբունու բաժնում հաղորդում էր տվել, որ նույն օրը, ժամը 18:00-ին, Արցախի փողոցում գտնվող հյուրանոցի դիմաց, վիճաբանության ժամանակ, 1969 թ. ծնված Վլադիմիր Վ.-ն քարով 2 անգամ հարվածել է իր գլխին, ապա հրել-գցել է գետին, ոտքերով հարվածներ հասցրել, ինչից հետո նստել են նրա վարած ավտոմեքենան, գնացել կրկեսի նախկին շենքի մոտ, որտեղ Վլադիմիր Վ.-ն ավտոմեքենայից վերցնելով դանակը` սպանության սպառնալիքներ է տվել: Նշանակվել է դատաբժշկական փորձաքննություն: Վլադիմիր Վ.-ն բերման է ենթարկվել բաժին՚:
ՀՀ ոստիկանության այս լրատվությունը կարդալուց ծագում է ընդամենը մեկ հարց. ծեծված-ջարդվածը մեքենա էր նստել մինչեւ սպառնալիքները, թե` դրանցից հետո: Հավանաբար, իրավապահների մոտ էլ էր ծագել նույն հարցը, քանի որ ՙռեմբոն՚, ինչպես երեւում է, չէր ձերբակալվել:

Ա. ԱԲԳԱՐՅԱՆ