Մեր երկրում արձանների դեմ պայքարը արդեն վերածվում է կատարյալ իդիոտիզմի:

Մեր երկրում արձանների դեմ պայքարը արդեն վերածվում է կատարյալ իդիոտիզմի: Հիմա էլ արեւմտապաշտները աշխարհով մեկ վայնասուն են կապել, թե ինչու ռուսական ռազմահենակետի տարածքում տեղադրվել է աշխարհահռչակ զինագործ ՄԻԽԱՅԻԼ ԿԱԼԱՇՆԻԿՈՎԻ արձանը: Լավ, միթե ռուս զինվորականները հենակետի տարածքում արձան, կիսանդրի, դիմանկար դնելու իրավունք չունեն: Համ էլ զարմանալի է, ինչ վատություն է ձեզ արել այդ զինագործը: Արցախյան պատերազմի մասնակիցներին հարցրեք, թե իրենց համար ինչպիսի հավատարիմ ընկեր էր Կալաշնիկովի ստեղծած հուսալի եւ դիմացկուն ինքնաձիգը, որի համեմատ` ամերիկյան, իսրայելական, եվրոպական եւ այլ  համանման զինատեսակները պարզապես դեն նետելու բան են: Լավ, եթե այդքան ընկնավորվում եք այդ մարդու արձանից, ապա կարող եք ինքներդ ձեզ խփել ոչ թե Կալաշնիկովի ինքնաձիգի, այլ ասենք` եվրոպական խոհանոցային դանակի օգնությամբ:
Հիշում եք հայտնի ֆիլմի սյուժեն, երբ ի պատասխան հարցի` դաշնակ ես, թե` բոլշեւիկ, հնչում է ՙէշի քուռակ եմ՚: Դա ակամա հիշեցինք` դիտարկելով, թե ինչ պատասխաններ էր տալիս քաղաքագետ ՀՄԱՅԱԿ ՀՈՎՀԱՆՆԻՍՅԱՆԸ այն հարցին, թե արդյոք Մաքսային միության կողմնակից է. ՙԻնչ է նշանակում` դուք Մաքսային միության կողմնակից եք: Սա մանկամիտ տեսակետ է: Մի մոռացեք,որ ես 24 տարի է` Հայաստանի քաղաքագետների միության նախագահն եմ, ես որպես վերլուծաբան եմ հանդես գալիս, դուք գնացեք կուսակցական գործիչներին հարցրեք, թե նրանք որ մոտեցման կողմնակից են, ես անկողմնակալ երկրից եմ հանդես գալիս՚: Զարմանալի է, ինչու է Հմայակն այդպիսի արհամարհանքով խոսում կուսակցական գործիչների մասին: Չէ± որ ինքը վերջին  քառորդ դարում ավելի շատ կուսակցական տոմս է հասցրել փոխել, քան` կոշիկ մաշել: Հիմա ով ասի, որ այդ մարդը կուսակցական գործչի որեւէ տարատեսակից հեռու է, թող առաջինը քար նետի:
Մեզ անզարմանք չթողեց եւ ԲՀԿ խմբակցության անդամ ՎԱՀԵ ՀՈՎՀԱՆՆԻՍՅԱՆԸ. ՙԱկնհայտ է, որ 3 տարի հետո` 2017-ի հուլիսի 1-ին, լինելու է նոր խորհրդարան եւ նոր կառավարություն... Ես լիազորված եմ ԲՀԿ-ի ղեկավարության կողմից ասելու, որ ԲՀԿ-ն իր քաղաքական գործընկերների հետ մեկտեղ` խորհրդարանական ընտրություննեում ունենալու է մեծամասնություն՚: Լավ, հասկացանք, որ ԲՀԿ-ն երազում է մեծամասնություն ունենալ, երազելը վնաս չէ, հատկապես` որեւէ կուսակցության պարագայում: Բայց զարմանալի է, այդ ո±ր ՙքաղաքական գործընկերների՚ մասին է  խոսքը: Մի±թե, օրինակ, Լյովիկ Զուրաբյանի  լացուկոծը կամ Զարուհի Փոստանջյանի լաչառությունները ԲՀԿ-ն ոչ միայն մտադիր է յոլա տանել մինչեւ 2017-ը, այլ դրանից հետո էլ այդ կերպարներին մտադիր է իր հետ բերել խորհրդարան: Լավ, բա դուք ափսոս չե±ք:  
Այդպիսի զարմանալի բան կպատկերացնեիք, որ  հասարակ հեծանիվը օգտագործվի որպես վրեժ լուծելու գործիք: Ոչ թե ատրճանակը, դանակը, մահակը, մուրճը եւ այլն, այլ հենց հեծանիվը: Դե իհարկե, այդպիսի զարմանալի գործիք ընտրողը անկասկած հայ է` Գլենդելում բնակվող ՄԱՅՔԼ ՍԱՀԱԿՅԱՆԸ: Նա բենզալցակայանի տարածքում հասցրել էր վիճել աշխատակիցների, ինչպես նաեւ փոքրիկ կից խանութի վաճառողների հետ, իր մեքենայով հեռացել էր լցակայանից, այնուհետ հեծանիվով վերադարձել էր եւ հեծանիվը գլխավերեւը բարձրացնելով` տուր թե կտաս լցակայանի ցուցափեղկին: Բնականաբար, զարմանալի հեծանվային վենդետայի հեղինակին ձերբակալել են, եւ նա սպասում է, թե երբ կհավաքեն 10 հազար դոլար` գրավով ազատվելու համար:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ