«ԱՄՌԱՆԸ ԶՈՒՍՊ ԵՂԵՔ ՄՍԻ ՕԳՏԱԳՈՐԾՄԱՆ ՀԱՐՑՈՒՄ»

«ԱՄՌԱՆԸ ԶՈՒՍՊ ԵՂԵՔ ՄՍԻ ՕԳՏԱԳՈՐԾՄԱՆ ՀԱՐՑՈՒՄ»

Ամառվա ընթացքում մարդկանց մոտ  հաճախ են հանդիպում սննդային թունավորումներ, քանի որ լինում են դեպքեր, երբ բանջարեղենը լավ չի լվացվում կամ էլ մարդիկ օգտագործում են մի քանի օրվա աղցան: Այս սեզոնին շատ են բազմանում  մանրէները` հատկապես սննդի , որի օգտագործումը առաջացնում է թունավորում, ինչից խուսափելու համար մասնագետները խորհուրդ են տալիս պահպանել հիգենիայի եւ սննդի անվտանգության կանոնները: Օրվա ընթացքում մարդն առնչվում է բազմաթիվ առարկանների հետ, որից ձեռքերի միջոցով օրգանիզմին կարող են փոխանցվել մանէներ, այդ իսկ պատճառով ՀՀ Առողջապահության նախարարության Կուրորտաբանության և ֆիզիկական բժշկության գիտահետազոտական ինստիտուտի բժիշկ-սննդաբան Վարդանուշ Պետրոսյանը բոլորին տալիս է հետեւյալ  խորհուրդը` հաճախ օճառով  լվանալ ձեռքերը` յուրաքանչյուր  20 վայրկյանը մեկ:Ամռան սեզոնին ցանկալի է, որ բոլորը հետեւեն իրենց ընդունած սննդակարգին`չօգտագործեն յուղալի, ճարպային, կրեմային  եւ շաքարով պատրաստված սնունդ: «Հարկավոր է ամռանը մի քիչ զուսպ լինել մսի օգագործման հարցում, ցանկալի է միս օգտագործել շաբաթական 2-3 անգամ, եթե մինչ օգտագործելը  այդ միսը պահպանվել է սառը պայմաններում: Հաճախ միսը մեքենայում տեղավորելով տանում են քաղաքից դուրս խորոված անելու  համար, այս դեպքում այն պետք է պահվի սառցախցիկներում կամ սառույցի մեջ դրված, քանի որ ամենակարճ ժամանակահատվածում այն պետք է ջերմային մշակման ենթարկվի»,- մեկնաբանում է ՎԱՐԴԱՆՈՒՇ ՊԵՏՐՈՍՅԱՆԸ եւ ընդգծում, որ միսն ու բանջարեղենը օգտագործելուց առաջ պետք է մանրամասնորեն լվացվի խոզանակով կամ սպունգով:Թունավորումներից խուսափելու համար բժիշկ-սննդաբանն հորդորում է զերծ մնալ ոչ պաստերիլիզացված սննդամթերքներից, հատկապես հում կամ թերխաշ ձվից: Ցանկալի չէ նաեւ բուֆետներից օգտվելը, քանզի այնտեղ չեն պահպանվում կամ մասամբ են պահպանվում սառնարանային պամանները: «Ամռանը փոխվում է մարդու նյութափոխանակությունը, ուտելու պահանջները եւ ժամը, որովհետեւ ցերեկվա ժամերին բավականին տոթ է լինում, որի հետեւանքով մարդիկ ուտելու ախորժակը կորցնում են: Խորհուդ եմ տալիս օրվա ռեժիմը փոխել ամառայինի` արթնանալ շուտ, նախաճաշել, ճաշել մինչեւ «վառող» շոգի սկսվելը`ժամը 11-12-ը եւ ընթրել շոգի ավարտից հետո»,-շեշետեց Վ.Պետրոսյանը:

Մեկ կարեւոր խորհուրդ եւս մասնագետի կողմից`հեղուկի շատ օգտագործումը` 2,5-3 լիտր օրեկան, որի մեջ չի մտնում քաղցր, գազով ըմպելիքները, տնային եղանակով պատրաստված  եւ բնական հյութերը, աjս դեպքում խոսքը սովորական ջրի , թեյի եւ բուսական թեյի մասին է:Իսկ այն մարդիկ, ովքեր ունեն զարկերակային բարձր ճնշում, ապա նրանք օրվա մեջ պետք է օգտագործեն1-1,5 լիտր հեղուկ:

ԶՎԱՐԹ ԽԱՉԱՏՐՅԱՆ