«ԱՅՆ, ԻՆՉ ԱՍԵԼ Է ՔՈՉԱՐՅԱՆԸ, ԳԻՏԻ ԱՄԲՈՂՋ ՀԱՍԱՐԱԿՈՒԹՅՈՒՆԸ». ՎԱՐԴԱՆ ԲՈՍՏԱՆՋՅԱՆ

«ԱՅՆ, ԻՆՉ ԱՍԵԼ Է ՔՈՉԱՐՅԱՆԸ, ԳԻՏԻ ԱՄԲՈՂՋ ՀԱՍԱՐԱԿՈՒԹՅՈՒՆԸ». ՎԱՐԴԱՆ ԲՈՍՏԱՆՋՅԱՆ

ՀՀ երկրորդ նախագահ ՌՈԲԵՐՏ  ՔՈՉԱՐՅԱՆԻ հարցազրույցում հնչեցված մտքերին  համամիտ է տնտեսագետ, 4-րդ գումարան ԱԺ պատգամավոր ԲՀԿ անդամ ՎԱՐԴԱՆ ԲՈՍՏԱՆՋՅԱՆԸ: Նրա խոսքով` ՌՈԲԵՐՏ ՔՈՉԱՐՅԱՆԻ խոսքերը 1000%-անոց ճշմարտություն են,  բայց  այնպես չէ, որ հասարակությունը չգիտի այն, ինչ ասել է նախկին նախագահը:

Հիշեցնենք, որ նախկին նախագահը  հարցազրույցում անդրադարձել էր  «Որոտան» ՀԷԿ-ի վաճառքին` այն համարելով կասկածելի, իսկ միակ դրական  կողմն այն է, որ այն վաճառվեց ամերիկացիներին:

Վարդան Բոստանջյանը, սակայն, ՀԷԿ-ի  վաճառքը ամերիկացիներին չի մխիթարում:  «Երկրի ծվատման հարցն է ինձ մտահոգում: Ում ինչ ենք վաճառում կամ հավասարակշռության համար ում ինչ ենք տալիս, դրանով  պետք է ուրախանա՞լ: Մոտեցումը սխալ է: Պետք է  հասկանալ` հանրության շահը ո՞րն է»:

Ինչ վերաբերում է  էլեկտրաէներգիայի թանկացման համար  Հանրային ծառայությունների  կարգավորման հանձնաժողովի նախագահ  Ռոբերտ Նազարյանի բերած փաստարկներին, տնտեսագետը դրանց համաձայն չէ:

Ասուլիսի մյուս բանախոս, տնտեսագետ Թաթուլ Մանասերյանը ի տարբերություն, Վարդան Բոստանջյանի չցանկացավ որևէ մեկի խոսքերը  մեկնաբանել: Նրան այլ հարց  է մտահոգում` տնտեսության ներկայիս վիճակը: ««ՈՐՈՏԱՆ» ՀԷԿ-Ի վաճառքի մասին կասեմ հետեւյալը «Որոտան» ՀԷԿ-ը պետք է լիներ բաժնետիրական ընկերություն, որի բաժնետոմսերը պետք է վաճառվեին հասարակությանը»,- եզրափակեց Մանասերյանը:

ՍՈՆԱ ԴԱՎԹՅԱՆ