ՙԳՐԱՆԴ ՔԵՆԴԻՈՒՄ՚ ՊԱՂՊԱՂԱԿՆԵՐԸ ԽՈՍՈՒՄ ԵՆ ԳՌԵՀԻԿ ՀԱՅԵՐԵՆՈՎ
Արխիվ 12-16
ՙԳՐԱՆԴ ՔԵՆԴԻՈՒՄ՚ ՊԱՂՊԱՂԱԿՆԵՐԸ
ԽՈՍՈՒՄ ԵՆ ԳՌԵՀԻԿ ՀԱՅԵՐԵՆՈՎ
Որ հայկական գովազդներում հաճախակի է անտեսվում լեզվի մասին օրենքն ու ոտնահարվում մայրենի լեզուն, բազմիցս ենք առիթ ունեցել բարձրաձայնելու: Բայց երբ այն անտեսվում է մատաղ սերնդի համար նախատեսված գովազդում` այն էլ երեխաների կողմից սիրելի պաղպաղակի` արդեն անընդունելի է: Հայկական հեռուստաընկերություններով ՙԳրանդ Քենդի՚ ընկերության պաղպաղակի գովազդը դրա վառ ապացույցն է: Գովազդ, որտեղ մրգերը խոսում են ոչ թե հայեցի, այլ, կարելի է ասել` 3-րդ մասում ՙպպզող՚ տղաների բերանով. ՙԱպե°ր, ապե°ր, ապերսի¯ն... Արա չի, արքայախնձոր ա... Ա°յ բալ, բալիկ, ըտեղ լավ ես քեզ զգում...՚, եւ այսպես մի շարք փողոցային գռեհիկ արտահայտություններ, որոնք հնչում են ՙՎիտամին՚ ակումբի տղաների ձայնով: Ինչ է քարոզում ու սովորեցնում ՙԳրանդ Քենդին՚ փոքրիկներին` պաղպաղակ, թե որքան ուժ ունես`
այնքան գռեհիկ խոսիր: Երեւի, ՙԳրանդ Քենդիում՚ պետական լեզուն ոչ թե հայերենն է, այլ` ամենուր հնչող ժարգոնը, որը, ցավոք, փողոցից տեղափոխվել է նաեւ կինո, թատրոն, հեռուստատեսություն, հիմա էլ` գովազդ: Հուսանք, որ այս ամենը նրանից չէ, որ ՙԳրանդ Քենդիի՚ գործարանը շատ մոտ է գտնվում 3-րդ մասին, այլապես, ստիպված կլինենք բազմաթիվ հեռուստադիտողներով հավաքվել ու խնդրել համապատասխան մարմիններին` գործարանը տեղափոխել, ասենք, Կենտրոն համայնք:Կույտը մշակեց
ԼԻԼԻԹ ԵՂԻԱԶԱՐՅԱՆԸ
1
6266 դիտում
2
2532 դիտում
3
2231 դիտում
4
1986 դիտում
5
1958 դիտում
