Վերջերս բոլոր նորմալ հայերը զարմացել...

Վերջերս բոլոր նորմալ հայերը զարմացել ու զզվել էին Տավուշի մարզպետի նախկին  խորհրդական ԼՅՈՒԲԻԿ ՉԻԲՈՒԽՉՅԱՆԻ հայտարարություններից, որ ինքը ապաստան է խնդրելու Ադրբեջանից: Եվ ահա սույն թափթփուկը նաեւ դիմել է Ադրբեջանի Գրողների միությանը` անդամագրվելու խնդրանքով: Բայց զարմանալին այն է, որ Ադրբեջանի Գրողների միությունում բավականին  լուրջ են ընդունել այդ ոչնչության դիմումը: Մասնավորապես միության մամլո խոսնակ Խայալ Ռզան նշել է. ՙՀայկական մամուլում նրա հարցազրույցը կարդալով` կարելի է եզրակացնել, որ Չիբուխչյանը կաշվից դուրս է գալիս իր կորցրածը վերադարձնելու համար: Չպետք է զարմանալ, եթե այդ նպատակների համար նա նույնիսկ Մոզամբիկի քաղաքացիություն ընդունի՚: Բայց ամենազարմանալին շարունակությունն է` որ դա հիմա քննարկման առարկա չէ, քանի որ ՙՀայերի կողմից ադրբեջանական տարածքների 20%-ի զավթման պայմաններում այդ մասին խոսելն անիմաստ է: Միայն այդ տարածքներն ազատագրելուց հետո կարելի է քննարկել այս հարցը՚: Դե ինչ, մազութային սուլթանատի բոլոր ներկայացուցիչները, թերեւս, հոգեպես շեղված են, որ անգամ մի ոչնչության հարցն են կապում ՙ20 տոկոսի հետ՚: Երեւի, քանի տոկոս տարածք կորցրել են, դրա կրկնակիի չափով էլ խելքն են կորցրել: Սակայն առավել զարմանալին մեր պետական ատյանների հանդուրժողական վերաբերմունքն է: Բլեյանի ու Վանյանի նմանները վայելում են ոչ միայն ազատությունը, այլեւ տարատեսակ բարիքներ, եւ այդ դեպքում` էլ ինչո±ւ չպետք է դրանց գումարվեն տարատեսակ լյուբիկչիբուխչյաններ: Գրողը տանի, սրանց համար քրեական օրենսգրքում հարմար հոդվածներ չկա±ն:
Արդեն բավականին ժամանակ է ԲՐԻՏԱՆԱԿԱՆ ԴԵՍՊԱՆԱՏՈՒՆԸ մրցույթ է հայտարարել, թե ով ավելի լավ իրական պատմություն կներկայացնի 1915-ի առնչությամբ ՙԹուրքը, որը փրկել է մեզ՚ թեմայով: Զարմանալի է, Ցեղասպանության 100-ամյակին ընդառաջ` ինչքան ցինիզմ է պետք այդպիսի ծրագիր առաջ տանելու համար: Հետաքրքիր է, ինչո±ւ դեսպանատնից պաշտոնական մակարդակով դեռեւս բացատրություն չի պահանջվել: Եվ շատ հետաքրքիր է, արդյոք կգտնվեն հայեր, ովքեր կմասնակցեն այդ զազրելի մրցույթին: Ինչեւէ, մենք խնդրին հետամուտ ենք լինելու, եւ ի ցույց հանրությանը կհրապարակենք մրցույթի մասնակիցների ցուցակը, որպեսզի ազգը լավ ճանաչի իր դավաճաններին: Եթե, իհարկե, բրիտանացիները այդ մրցույթ կոչեցյալը չիրականացնեն կատարյալ գաղտնիության պայմաններում: Բայց, միեւնույն է, չկա ոչինչ գաղտնի, ինչը ժամանակի ընթացքում հայտնի չի դառնա:
ՌՈԲԵՐՏ ՔՈՉԱՐՅԱՆԻ երեկվա հարցազրույցի կապակցությամբ քննադատողների պակաս չկա: Այսպես, ժամանակին նույն Քոչարյանից ՆԱՏՕ-ում ՀՀ ներկայացուցչությունում տեղ ստացած այժմյան թունդ եվրոպամոլ Ռուբեն Մեհրաբյանը ուղղակիորեն դրել-անպատվել է ՀՀ երկրորդ նախագահին. ՙՈրոտանի կասկադի վաճառքի մասին բարբաջող հայտնի մունդռիկը թող բացատրի նաեւ, որքանով էր օրինական ՙԳույք պարտքի դիմաց՚-ը, ՀԷՑ-երը ռուսների ձեռքում հայտնվելը: Ով կարծում է, թե մարդիկ հավի հիշողություն ունեն` հավն ինքն է՚: Սակայն ամենադաժանն այն է, որ տուգանքների գծով Քոչարյանին լրիվ ՙսխալ է հանել՚ փոխոստիկանապետ Սամվել Հարությունյանը: Մասնավորապես, նա նշում է, որ Եվրոպայում. ՙհաշվի է առնվում միայն արագաչափ սարքի հնարավոր սխալանքի չափը (որպես կանոն` 1 կմ/ժ), այսինքն ըստ էության պատասխանատվություն է առաջանում նույնիսկ 52 կմ/ժ արագությամբ երթեւեկելու դեպքում` 15 եվրոյի չափով, այնինչ Հայաստանի Հանրապետությունում մինչեւ 10 կմ/ժ-ով գերազանցելու դեպքում վարչական պատասխանատվություն չի առաջանում: Իսկ զգալի չափով արագությունը գերազանցելու համար Գերմանիայում սահմանված է մինչեւ 680 եվրո, Իտալիայում` մոտ 3.200 եվրո, Իսպանիայում` 600 եվրո, Հունաստանում` 350 եվրո տուգանք, ինչն ամենեւին էլ չի կազմում այդ երկրներում սահմանված նվազագույն աշխատավարձի 2.5-3 %-ը՚: Հետաքրքիր է, ժամանակին Քոչարյանի մտքով կանցնե±ր, որ իրեն փաստացի ստախոս կանվանի մի հասարակ փոխոստիկանապետ:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ