ՀԱՅԱՍՏԱՆՈՒՄ ՄԱՅՐԱԿԱՆ ՄԱՀԱՑՈՒԹՅԱՆ ԴԵՊՔԵՐԸ ՆՎԱԶԵԼՈՒ ՄԻՏՈՒՄՆԵՐ ՈՒՆԻ

ՀԱՅԱՍՏԱՆՈՒՄ ՄԱՅՐԱԿԱՆ ՄԱՀԱՑՈՒԹՅԱՆ ԴԵՊՔԵՐԸ  ՆՎԱԶԵԼՈՒ ՄԻՏՈՒՄՆԵՐ ՈՒՆԻ

Մայրական մահացության պատճառները բաժանվում են երկու խմբի`մանկաբարձական պատճառներ , որը կապված է հղիության բարդությունների կամ հետծննդյան որոշակի խնդիրների  հետ եւ անուղղակի պատճառներ, որոոնք կոչվում են էքստրագենիտալ ախտաբանությունները ,այսինքն` հիվանդություններ որոնք կինը ունեցել է եւ հղիության ընթացքում այն  բերել է որոշակի բարդությունների: Ըստ ՀՀ առողջապահության նախարարության մոր եւ մանկան առողջության պահպանման վարչության պետ Կարինե Սարիբեկյանի Հայաստանում մայրական մահացության դեպքերը նվազելու միտումներ կան , ինչը  գնահատվում է 90 –ական թվականների համեմատությամբ: ՄԱԿ-ի կողմից 2001 թվականին ընդունվեց  «Հազարամյակի նպատակներ» հռչակագիրը , այն իր մեջ ներառում է 8 նպատակ, որոնցից 3-ը վերաբերում է  առողջապահությանը: Մայրական մահացության առումով,  որպես թիրախային տարի ընտրվել է 2015 թվականը եւ կան ծրագրեր մինչեւ այդ թբվականը մայրական մահացության դեպքերը հասցնել մինիմումի: «Եթե նախորդ տարի մենք ունեցել ենք մայրական մահացության 8 դեպք, ապա այս տարվա վերջին 6  ամիսների ընթացքում դեռեւս ունենք 1 դեպք: Սա չի նշանակում, որ մենք 8 անգամ կրճատել ենք մայրական մահացության դեպքերը:  Տարեկան, առավել եւս ամսվա կտրվածքով մայրական մահացության դեպքերում  համեմատություններ չեն արվում   Հայաստանում, քանի որ դրանք հավաստի չեն վիճակագրական տեսանկյունից: Միջին եռամյա ցուցանիշի համաձայն Հայաստանը 90-ական թվականներին ունեցել է գրեթե  40 ցուցանիշ, ինչը նշանակում է, որ 100 հազար ծնունդից` 40 մայրական մահ: Այդ ցուցանիշը գնալով կրճատվել է , նախորդ տարվա եռամյա ցուցանիշը 2011-2013 թվականների համեմատ կազմել է 19,2, ինչը վկայում է այն մասին, որ մայրական  մահացության դեպքերը 2 անգամ կրճատվել են »,-տեղեկացրեց ԿԱՐԻՆԵ ՍԱՐԻԲԵԿՅԱՆԸ եւ  հավելեց, որ 2011 թվականին գրանցվել է 4, 2012 թվականին` 10,իսկ 2013 թվականին` 8 մայրական մահացության դեպք: Այս ցուցանիշների վրա ինչպես Կ.Սարիբեկյանը նշեց մեծ ազդեցություն ունեն երկրի սոցիալ-տնտեսական պայմանները`երկրի համախառն ներքին արդյունքը, աղքատության մակարդակը, առողջապահական ծախսերը, ցուցանիշների համար  կարեւորվում է նաեւ ժառանգականության գործոնը, շրջակա միջավայրը, սթրեսը, կենցաղը, վնասակար սովորությունները եւ այլն:

Այն, որ մայրական մահացության   դեպքերը Հայաստանում   նվազել է` փաստում են  ոչ միայն ազգային վիճակագրական տվյալները , այլեւ միջազգային փորձագիտական գնահատականները: «Ըստ այդ գնահատականների եւ հաշվարկային ցուցանիշների  Հայաստանում մայրական մահացության դեպքերը նվազել են 38 տոկոսով: Եթե ԱՊՀ երկրների շարքում մեր երկիրը բավականին լավ հորիզոնականում է, ապա եվրոպական երկրների շարքում ցուցանիշը 2  անգամ գերազանցում է այդ ցուցանիշը :Ամբողջ աշխարհում, երբ նվազում է մայրական մահացության դեպքերը , ավելի շատ  նվազում է նաեւ մանկաբարձական պատճառները»,-եզրափակեց  տկն. Սարիբեկյանը:

ԶՎԱՐԹ ԽԱՉԱՏՐՅԱՆ