«ՀԱՅԱՍՏԱՆՆ ՈՒ ՌՈՒՍԱՍՏԱՆԸ ՊԵՏՔ Է ՄԻԱՍԻՆ ՊԱՅՔԱՐԵՆ ՖԱՇԻԶՄԻ ԴԵՄ ԻՆՉՊԵՍ 1941-45ԹԹ»

«ՀԱՅԱՍՏԱՆՆ ՈՒ ՌՈՒՍԱՍՏԱՆԸ ՊԵՏՔ Է ՄԻԱՍԻՆ ՊԱՅՔԱՐԵՆ ՖԱՇԻԶՄԻ ԴԵՄ ԻՆՉՊԵՍ 1941-45ԹԹ»

Այսօր՝ հունիսի 23-ին, ՀՀ Ազգային ժողովում տեղի ունեցավ Հայ-ռուսական բարեկամական խորհրդարանական ակումբի վեցերորդ նիստը՝ «Եվրասիական տնտեսական միությունը. առավելություններն ու հեռանկարները» թեմայով: Քննարկմանը մասնակցում էին ԱԺ ՀՀԿ խմբակցության պատգամավորներ Հայկ Բաբուխանյանը, Արտակ Դավթյանը, Արմեն Կարապետյանը և Տաճատ Վարդապետյանը, ինչպես նաև Ռուսաստանի Դաշնության Պետական Դումայի պատգամավորներ եւ Դաշնության խորհրդի անդամներ, հրավիրված փորձագետներ` Եվրասիական գործարար խորհրդի գործադիր տնօրեն Օլեգ Վելիկորեդչանինը, Զարգացման եվրասիական բանկի Ինտեգրացիոն ուսումնասիրությունների կենտրոնի ղեկավար Միխայիլ Դեմիչենկոն, Եվրասիական տնտեսական հանձնաժողովի զարգացման դեպարտամենտի բաժնի վարիչ Զոյա Մորոչկովան և Հայաստանում ՌԴ նախկին դեսպան Վյաչեսլավ Կովալենկոն: Մինչ քննարկման անցնելը, հյուրերը ծաղիկներ դրեցին հոկտեմբերի 27-ի զոհերի հիշատակին նվիրված հուշարձանին:

Նշենք, որ բարեկամական հանդիպման նիստը վարում էր ՍԻՄ նախագահ, ԱԺ պատգամավոր Հայկ Բաբուխանյանը:

Ողջույնի հայերեն խոսքով հանդես գալուց հետո ՀՀ ԱԺ ՀՀԿ խմբակցության պատգամավոր Հ. Բաբուխանյանը նշեց, որ հանդիպումը պաշտոնական չէ, աշխատանքային լեզուներն են հայերենը ու ռուսերենը,  ունեն զուգահեռ թարգմանություն:

Քննարկման մասնակից, Հայաստանում ՌԴ նախկին դեսպան Վյաչեսլավ Կովալենկոն ոջունելով թվով  արդեն վեցերորդ նիստը, որը կայանում է Հայ-ռուսական բարեկամական խորհրդարանական ակումբում ասելով. «Նախագահ Սերժ Սարգսյանը կայացրել է որոշում՝ միանալ Եվրասիական միությանը, ինչը հանդիսանում է երկրի տնտեսական և քաղաքական կայունության երաշխիք: Սակայն քաղաքական այդ քայլը ոչ միանշական գնահատական է ստացել, ինչը պայմանավորված է առկա քաղաքական իրավիճակի ոչ ճիշտ գնահատականով»:

«Ամեն անգամ, երբ այստեղ քննարկվում են այս կամ այն հարցերը, որոնց ուշադիր հետևում են մեր արևմտյան գործընկերները, երբեմն ներկայացվում են այլ բովանդակությամբ: Կցանկանայի այն քաննարկումները, որոնք չեն վերաբերում Եվրասիական միությանը՝ ընդհանրապես հանվեն: Այս միությունն առաջին հերթին անկախ և ինքնիշխան պետությունների միություն է: Հայաստանը շատ բան կստանա, սակայն ինչ կարող է նա տալ աշխարհաքաղաքական տեսանկյունից: Դա Հայաստանին կտա կայունություն, իսկ Հայաստանը նմանատիպ հարցերի քննարկումներում իր ցուցաբերած զսպողական քաղաքականությամբ շատ բան կտա միությանը: Այսպիսի հանդիպումները ճանապարհ են հարթում այն հարցերի քննարկումներում, որոնք կապված են Հայաստանի՝ Եվրասիական տնտեսական միությանը միանալու հետ»,- իր խոսքում նշեց ԱԺ ՀՀԿ խմբակցության պատգամավոր Արտակ Դավթյանը:

ՌԴ պետդումայի պատգամավոր   Վասիլի  Լիխաչովը խոհեմ քայլ համարեց Եվրասիական միությանը միանալու Հայաստանի նախագահի որոշումը. «Այն կառուցված է մարտավարական տեսության վրա, որին ներգրավում է և´ ռազմական, և´ քաղաքական ոլորտները: Հայաստանն առաջ է շարժվում՝ հետևելով Հայաստանի սահմանադրությանը, ինչպես նաև՝ կատարելով իր միջազգային իրավական պարտականությունը: Նշեմ նաև, որ Հայաստանն արդեն ինտեգրման բավականին հարուստ փորձ ունի՝ Համաշխարհային տնտեսական կազամկերպության և Եվրամիության հետ: Անդամագրման ոլորտում Հայաստանն ունի բավական առավելություններ, քանի որ ունի շուկայական տնտեսության զարգացման լավ փորձ, իսկ այդ ասպեկտում աշխարհում Հայաստանը զբաղեցնում է 47-րդ տեղը»:

Պետդումայի անվտանգության  կոմիտեի անդամ Բորիս  Ռեզնիկն ավելացրեց. «Ոչ-ոքի համար նորություն չի, որ Կովկասյան տարածաշրջանում չկա   ավելի հավատարիմ և նվիրված բարեկամ, ինչպիսին  Հայաստանն է: Որպես ապացույց կարող ենք դիտարկել Ուկրաինայի իրավիճակը, նշելով, որ Հայաստանն ամբողջությամբ սատարում է Ռուսաստանի վարած քաղաքականությունը»:

Իսկ Եվրասիական տնտեսական հանձնաժողովի զարգացման դեպարտամենտի բաժնի վարիչ Զոյա Մորոչկովան նշեց, որ հանդիպման ընդացքում քննարկվեցին ինտեգրման բոլոր առավելությունները, նշվեցին, թե ինչ կտա ինտեգրումը Հայաստանին:

Նա ավելացրեց նաև, որ սա իրոք տնտեսական նախագիծ է՝ փոխշահավետ համագործակցություն, ով իր խոսքի վերջում նաև Հայ-ռուսական բարեկամական խորհրդարանական ակումբին նվիրեց գիրք՝  «Եվրասիական նախագիծը 20 տարեկան է» վերնագրով: 
Իսկ վերջում ամփոփելով հանդիպումը ԱԺ պատգամավոր Հ. Բաբուխանյանը նկատեց. «Կարծում ենք, որ մեկ միության մեջ գտնվելով մեր վիճակն էլ ավելի կբարելավվի: Ինչ վերաբերվում է տրանսպորտային կապին, ապա պետք է աշխատենք, որպեսզի աբխազական երկաթուղին բացվի, առանց դրա բավականին դժվար է, իսկ Լարսի ճանապարհի հույսին մնալը շատ դժվարությունների առջեւ է կանգնեցնում: Մենք որպես քաղաքական գործիչներ պետք է այս հարցի վրա ուշադրություն դարձնենք:

Ինչ վերաբերվում է մեր տնտեսության զարգացմանը, ապա շուրջ 22 տարի է ինչ Հայաստանը գտնվում է բլոկադայի մեջ` Թուրքիայի եւ Ադրբեջանի կողմից, փակ են սահամնները, որի արդյունքում մենք ունենք այն ինչ ունենք: Պետք է նաեւ նշեմ, որ գրեթե ամեն օր ադրբեջանական կողմը հրադադարի խախտում է իրականացնում եւ զինվորներ են մահանում, իսկ վերջերս էլ Նախիջեւանի տարածքում կան անհանգստություններ: Ըստ 1921 թվականի մարտի 16-ին` Մոսկովյան պայմանագրի Նախիջեւանը գտնվում է ՌԴ-ի եւ Թուրքիայի վերահսկողության տակ : Ինչ խոսք մեզ համար թիվ մեկ թեման դա Ղարաբաղն է եւ ամեն դրվագում այն ներկա է: Արդեն 200 տարի է ինչ կա Գյուլիստանի պայմանագիրը եւ Արցախը որեւէ առնչություն չունի Ադրբեջանի հետ բացառությամբ, երբ խորհրդային կարգեր հաստատվեցին եւ Ստալինի հրամանով այն անցավ Ադրբեջանական ԽՍՀ կազմ որպես ինքնավար մարզ:

Մեր երկրների ընդհանրությունը կայանում է նաեւ նրանում, որ պետք է պայքարենք ֆաշիզմի դեմ: Ես վերջերս գտնվում էի Լատվիայում, որտեղ զարմանք ապրեցի, երբ իմացա, որ մարդկանց քաղաքացիություն չեն տալիս, քանի որ նրանք լավ չեն տիրապետում լեզվին, կամ որ չգիտեմ, թե որտեղ են ծնվել: Անմասն չի մնում Ադրբեջանը, ով վերջերս բելառուսական մի սպորտային խմբի թույլ չեն տվել ելույթ ունենալ, քանի որ նրանք պետք է իրենց ելույթը ներկայացնեին Արամ Խաչատրյանի երաժշտության ներքո: Իսկ ուկրաինական իրադարձությունները արդեն իսկ շատ բանի մասին են խոսում: Մենք ՌԴ-ի հետ միասին պետք է շարունակենք պայքարը ֆաշիզմի դեմ, ինչպես պայքարել են մեր պապերը 1941-45թթ.: Պարոն Դիմիդենկոն իր խոսքում նշեց, որ  չկա ալտերնատիվ, պետք է նշեմ, որ չկան ճիշտ եւ լավ ալտերնատիվներ, բայց այն միշտ կա: Մենք կարող  ենք իհարկե առանց մեկս մյուսի ապրել, բայց դա ապրելակերպ չի կարելի համարել, այլ գոյատեւում: Օրինակ, թե մեր եւ թե ձեր նարնջագույն ընդդիմությունը , ովքեր ի դեպ սնվում են նույն կերակրատաշտից, առաջարկում են այլ ալտերնատիվաներ, բայց նրանց առաջարկները կտանեն միայն կործանման»:

Նույն կործանման են տանում նաեւ աղանդները, որոնք բավականին տարածում ունեն մեր երկրում, նշեց ՍԻՄ նախագահը, ում հետ համամիտ էր ՀՀ-ում Նախկին դեսպանը, ավելացնելով, որ դրանք պարզապես վիրուս են:

ԱՐՄԵՆՈՒՀԻ ՀԱԿՈԲՅԱՆ