''Հայկ Կյուրեղյանը կանգնած չէ Շանթ Հարությունյանի կողքին''

''Հայկ Կյուրեղյանը կանգնած չէ Շանթ Հարությունյանի կողքին''

Հունիսի 12-ին Կենտրոն և Նորք Մարաշ վարչական շրջանների ընդհանուր իրավասության դատարանի բակում Շանթ Հարությունյանի և  նրա համակիրների դատական նիստից առաջ ոստիկանների ուղղությամբ  կրակ էր  բացել  Հայկ Կյուրեղյանը: Վերջինիս նկատմամբ մեղադրանք է առաջադրվել ՀՀ քրեական օրենսգրքի 258 հոդվածի 4-րդ մասով (խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ՝ պատժվում է ազատազրկմամբ՝ չորսից յոթ տարի ժամկետով):

«Իրավունք»-ի թղթակիցն այսօր Շանթ Հարությունյանի կնոջից` Ռուզան Բադալյանից հետաքրքրվեց` արդյոք Հայկ Կյուրեղյանի նման   երիտասարդի  անհավասարակշիռ պահվածքը  դիտավորություն չէ` մասնավորապես երիտասարդն իր այս պահվածքով  ցույց տվեց,  թե անհավասարակշիռ մարդիկ են կանգնած Շանթ Հարությունյանի կողքին: Ռուզան Բադալյանը հիշեցրեց  Կյուրեղյանի այն հայտարարությունը, թե նա ոչ բոլոր դեպքում է  համակարծիք  Շ. Հարությունյանի  գաղափարներին, կանգնած չէ Շանթի կողքին:  «Նա իր  այդ  պահվածքով  բոյկոտեց Հայաստանում գործող դատական  համակարգը: Չեմ կարծում` նա  իր այդ քայլով պիտակավորեց  Շանթ Հարությունյանին: Թե որքանով էր  Հայկի քայլը միտումնավոր,  կդժվարանամ ասել, քանի որ չեմ ճանաչում նրան»,-  եզրափակեց Ռուզան Բադալյանը:

ՍՈՆԱ ԴԱՎԹՅԱՆ