ՔԱՅՔԱՅՄԱՆ ԵԶՐԻՆ ՀԱՅՏՆՎԱԾ «ԿԱՅՆՔԻ ԽՈՍՔԸ» ՓՐՓՈՒՐՆԵՐԻՑ ԿԱԽՎԱԾ ՀԱՆԴԵՍ ԿԳԱ` «ԱՍՏԾՈ ԺՈՂՈՎՆԵՐ» ԱՆՈՒՆՈՎ Արդա

ՔԱՅՔԱՅՄԱՆ ԵԶՐԻՆ ՀԱՅՏՆՎԱԾ «ԿԱՅՆՔԻ ԽՈՍՔԸ» ՓՐՓՈՒՐՆԵՐԻՑ ԿԱԽՎԱԾ ՀԱՆԴԵՍ ԿԳԱ` «ԱՍՏԾՈ ԺՈՂՈՎՆԵՐ» ԱՆՈՒՆՈՎ

Արդարադատության նախարարությունում  նոր նախարար Հովհաննես Մանուկյանի նախարար  նշանակվելուց հետո  սկսել է երկու `«Խորան» եւ «Պենտե կոստե» աղանդների  լուծարման կարգ, բացի այն, որ  «Միացյալ երիտասարդական լիգայի» ջանքերով բացահայտվել էր այդ կառույցների ապօրինի գործունեությունը, նաեւ արդարադատության նախարարության աշխատակիցը աղանդավորական այդ խմբերում բացահայտել է անչափահասների, ովքեր հարում են այդ աղանդին , ինչը օրենքով արգելված է:  «Միացյալ երիտասարդական լիգայի» համանախագահ Սևակ Հովհաննիսյան խոսքով`մի քանի օր առաջ Արտաշատում  ինքնասպանություն գործած  23-ամյա Արտակ անունով  երիտասարդը`«Խորան»-ի անդամ է եղել եւ ըստ Ս. Հովհաննիսյանի ունեցած տեղեկությունների` երիտասարդը ինքնասպանություն է գործել աղանդավորական այս կառույցի առաջնորդի`Հրաչյա Խաչատրյանի հետ սեռական հարաբերություն ունենալուց հետո: Դեպքը տեղի է ունեցել Իսպանիայում, քանի որ Հ. Խաչատրյանը իր գործունեությունը հիմնականում ծավալել է Իսպանիայում:

Նրա փոխանցմամբ  Հայաստանում սկսել է գործել երկու  նոր աղանդավորական կառույցներ` «Վերնատուն», որը բոլորովին վերջերս է սկսել իր «քարոզարշավը» եվ «Աստծո ժողովներ», իսկ օրեր առաջ  հայտնի է դարձել,  որ  «Կյանքի խոսքը» միանալու է վերջինիս: «Մի քանի օր առաջ «Կյանքի խոսքը» -ում տղի է ունեցել «Աստծո ժողովներ» աղանդի հիմնադիր ժողովը, որի բանախոսները եղել են արտասահմանից ժամանած հյուրերը: Քանի որ «Կյանքի խոսքը» լուծարման եզրին է, այս կառույցի առաջնորդները փորձում են նոր ուղիներ որոնել իրենց աղանդի համար: Արտասահմանյան լրատվամիջցներից մեկին տված իր հարցազրույցում Արթուր Սիմոնյանը հայտարարել է, որ հնարավոր է միանան «Աստծո ժողովներ»-ին »,-նշեց ՍԵՎԱԿ ՀՈՎՀԱՆՆԻՍՅԱՆԸ:

Ի դեպ Նոր Արեշում գործող «Վերնատուն» աղանդավորական կառույցը նույնպես համարվում է «Կյանքի խոսքի» ճյուղերից մեկը: Սեւակը  չժխտեց այն տեղեկությունները, որ այս աղանդի հիմնադիրը երբ հրաժարվեց իր հիմնադրած կառույցից, մի շարք հետեւորդներ եւս հրաժարվեցին իրենց «պաշտելի» աղանդից:

Անդրադառնալով վերջին շրջանում տարծված այն տեղեկությանը,  թե Ավետարանչական եկեղեցին արտասահմանից մանկական կաթ է ներկրել Հայաստան եւ բաժանել մանկապարտեզներին , որից երեխաները թունավորվում են Սեւակ Հովաննիասյանը «Իրավունքի» հետ զորւցում փաստեց, որ այդ մասին տեղեկություններ չունի, քանի որ այդ գործով  զբաղվում է Քայքայիչ պաշտամունքերից տուժածների օգնության  կենտրոնի ղեկավար Ալեքսանդր Ամալյանը եւ ի տարբերություն Ամալյանի ինքը չի սիրում իր  քիթը խոթել ուրիշների գործերի մեջ: «Չեմ կարծում, որ նա անհիմն հայտարարություններ անի»,-հավելեց Սեւակը:

Ս. Հովհաննիսյանը արձանագրեց մեկ փաստ եւս, որ մայրաքաղաքի համեմատ, աղանդների քարոզման առումով մարզերում վիճակըն այլ է, որը նրա բնորոշմամբ սարսափելի է:

ԶՎԱՐԹ ԽԱՉԱՏՐՅԱՆ