ԱՐՈՆՅԱՆ-ԿԱՐԼՍԵՆ ՍԿԶԲՈՒՆՔԱՅԻՆ ՊԱՅՔԱՐՈՒՄ ՀԱՂԹՈՂԸ ՆՈՐՎԵԳԱՑԻՆ ԷՐ

ԱՐՈՆՅԱՆ-ԿԱՐԼՍԵՆ ՍԿԶԲՈՒՆՔԱՅԻՆ ՊԱՅՔԱՐՈՒՄ ՀԱՂԹՈՂԸ ՆՈՐՎԵԳԱՑԻՆ ԷՐ

Համաշխարհային ֆուտբոլային տոնի անմիջական մասնակիցը հայ մարզիկներն ու մարզասերները դառնալ չկարողացան, բայց ահա շախմատային որեւէ իրադարձություն, առանց հայ շախմատիստների պատկերացնելն անհնար է: Հայ գրոսմայստերները շարունակում են իրենց ակտիվ մասնակցությունը տարբեր միջազգային մրցաշարերում:
Սկսենք թերեւս ամենակարեւորից. Դուբայում կայացավ արագ շախմատի աշխարհի առաջնությունը, որին մասնակցում էին նաեւ Հայաստանի հավաքականի առաջատար Լեւոն Արոնյանը, Սերգեյ Մովսեսյանը, Գաբրիել Սարգսյանը եւ Զավեն Անդրիասյանը:  Առաջնությունը, որին մասնակցում էին 113 շախմատիստներ, ավարտվեց ՖԻԴԵ-ի դասակարգման առաջատար Մագնուս Կարլսենի հաղթանակով: Նորվեգացի գրոսմայստերը 15 տուրերում հավաքեց 11 միավոր: Իսկ Լեւոն Արոնյանը  վաստակեց 10.5 միավոր եւ իտալացի Ֆաբիանո Կարուանայի եւ հնդիկ Վիշվանաթան Անանդի հետ բաժանեց 2-4-րդ տեղերը: Իսկ լրացուցիչ ցուցանիշներով Արոնյանը անգամ դուրս մնաց լավագույն եռյակից: Այսպիսովª այս անգամ եւս սկզբունքայինª Արոնյան-Կարլսեն պայքարում հաղթողը նորվեգացին էր:
Հայաստանի ներկայացուցիչներից Սերգեյ Մովսեսյանը 9 միավորով գրավեց 17-րդ տեղը, Գաբրիել Սարգսյանը հավաքեց 8 միավոր (47-րդ տեղ), իսկ Զավեն Անդրիասյանըª  6.5 (79-րդ տեղ):
Բավականին հաջող արդյունքներ գրանցեց գրոսմայստեր Մելիքսեթ Խաչիյանը, ով ԱՄՆ-ի Լաս Վեգաս քաղաքում անցկացված շախմատային մրցաշարում  6 հնարավորից վաստակեց 4,5 միավոր եւ 92 մասնակիցների մեջ բաժանեց 2-14-րդ տեղերը: Խաչիյանը միայն կես միավոր զիջեց մրցաշարի հաղթողինª գրոսմայստեր Գատա Կամսկուն:                                      Ավարտվեց նաեւ Բուլղարիայի Գոլդեն Սանդս քաղաքում անցկացվող մրցաշարը, որի մասնակիցների ընդհանուր թիվը 150 էր: Մրցաշարին մասնակցող Տիգրան Լ. Պետրոսյանը եւ Հովհաննես Գաբուզյանը 9 հնարավորից վաստակելով 7 միավորª բաժանեցին 1-9-րդ տեղերը: Սակայն ըստ լրացուցիչ միավորների` մեզ բաժին են հասել համապատասխանաբար` 2-րդ եւ 5-րդ տեղերը: Վլադիմիր Հակոբյանն ու Տիգրան Ս. Պետրոսյանը վաստակել են 6 միավորª զբաղեցնելով համապատասխանաբար 14-րդ և 15-րդ տեղերը, իսկ Վլադիմիր Պողոսյանը 5 միավորովª 73-րդը:
Հայ շախմատիստուհիները այս ակտիվ շրջանում նույնպես չեն ՙլռում՚: Այս օրերին Վրաստանի Լոբոտա քաղաքում անցկացվող ՙՖԻԴԵ-ի կանանց Գրան Պրի՚ մրցաշարին մասնակցում է նաեւ կանանց ազգային հավաքականի առաջատար Էլինա Դանիելյանը: Մրցաշաը դեռ նոր է մեկնարկել, հայ շախմատիստուհու գրանցած արդյունքներին կանդրադառնանք հաջորդիվ:

ՔՐԻՍՏԻՆԵ ՊԵՏՐՈՍՅԱՆ