ԿԱԹԸ ՇԱՏԱՆՈՒՄ Է ՈՒ... ԹԱՆԿԱՆՈՒՄ

ԿԱԹԸ ՇԱՏԱՆՈՒՄ Է ՈՒ... ԹԱՆԿԱՆՈՒՄ

ՀՀ  2014 թվականի մայիսին` 2013 թվականի մայիսի համեմատ, սպառողական շուկայում կաթնամթերքի ապրանքախմբում գրանցվել է 9,3 տոկոս գնաճ` տեղեկացնում է պաշտոնական վիճակագրությունը: Եվ դա այն դեպքում, երբ նույն վիճակագրական տվյալներով` պարենային ապրանքները թանկացել են ընդամենը 1,9 տոկոսով:
Թեինչով պետք է բացատրել սննդամթերքի մյուս տեսակների համեմատ կաթնամթերքի նման գնային թռիչքները, դա դեռ հարցի մի կողմն է: Սակայն շատ ավելի վատ է, հաշվի առնելով վերջին օրերին մեր ստացած բազում ահազանգերն այն մասին, որ նաեւ այս ամսվա ընթացքում է կաթնամթերքի մի շարք տեսակների գները աճել: ՙՄոտավորապես 10-30 դրամով թանկացումներ կան: Չեմ կարող ասել, թե կաթնամթերքի բոլոր տեսակներն են թանկացել, բայց այն ընկերությունների ապրանքները ¥այդ ցանկը եւ տեսականին դեռ շարունակում ենք ստուգել եւ կներկայացնենք առաջիկայում- Հեղ.¤, որոնք սովորաբար գնում էի՚,- պատմում է մեր ընթերցողներից մեկը:
Բայց ահա այն տվյալները, որոնք մեզ տրամադրեց ՀՀ գյուղնախարարության Անասնաբուծության  եւ անասնաբուժության վարչության պետ ԱՇՈՏ ՀՈՎՀԱՆՆԻՍՅԱՆԸ, հիմք են տալիս մտածել, թե կաթնամթերքի թանկացումներ առհասարակ չպետք է ունենայինք: Համենայնդեպս, ըստ մեր զրուցակցի` վերջին 2 տարիների ընթացքում հանրապետությունում ավելացել է անասնագլխաքանկը, որին զուգահեռ աճել է նաեւ կաթնարտադրութունը: ՙ2014 թվականի հունվարի 1-ի դրությամբ, մեր երկիրն ունեցել է 677 600 գլուխ տավար, որից 309 600-ը` կովեր, ինչը  2013 թվականին նշված ժամանակահատվածի ցուցանիշը գերազանցել է 16.600 գլխով կամ 102,5 տոկոսով: Այս ամենով պայմանավորված` ավելացել է նաեւ կաթի արտադրությունը՚,- փաստեց Ա.Հովհաննիսյանը:
Իսկ թե այդ դեպքում ինչով է պամանավորված շուկայում կաթնամթերքի թանկացումը, պրն Հովհաննիսյանը նշեց, որ կաթ վերամշակող  ընկերությունները հարցի վերբերյալ տալիս են հետեւյալ արդարացումը` միջազգային շուկայում կաթի փոշու գները կտրուկ բարձրացել են` մոտավորապես 60 տոկոսով:
Այն, որ Հայաստանի ամեն մի թանկացման ՙմեղավորը՚ միջազգային շուկաներն են, հին ճշմարտություն է: Բացի այդ, կաթնամթերքի մեջ ներառված հումքը նույնպես թանկացել է: Հետո± ինչ, որ պաշտոնական վիճակագրությունն էլ համոզում է, որ, ասենք, այս տարվա ապրիլին Հայաստանում գներն աճել են 1,7 տոկոսով, մինչդեռ Եվրոպայումª ընդամենը 0,3: Ունենք մոտ 8 անգամ արագ տեմպերով գնաճ, բայց մեկ է` ՙմեղավորը՚ միջազգային շուկաներն են:
Եվ հետո, չե±ք տեսնում, թե մեր հայրենի գյուղնախարարությունն ինչ հոգատարություն է սկսել ցուցաբերել կովերի նկատմամբ: Անգամ օրենք են փորձում ընդունել տալ, որով կովերին տրվում են այնպիսի իրավունքներ, որոնցից շատերին մարդիկ էլ կնախանձեին: Դե, դրանից հետո գլխաքանակն ու կաթնատվությունը կարո±ղ է չավելանալ: Կամ` մի±թե հայրենական սպառողի մասին հոգատարության վառ ապացույց չէ, երբ մեր կաթարտադրող ընկերությունները գյուղացուց 150-160 դրամով կաթ են գնում ու ավելի քան 2 անգամ թանկ վաճառում. կարող էին, չէ± 3-4 անգամ թանկ վաճառել: Ու այդպես, հանուն հայրենական սպառողի գիշերուզօր ՙտառապում՚ են, իսկ էն անխիղճ միջազգային գները գալիս ու ամեն ինչ ջուրն են լցնում:
Միայն թե մի բան է անհասկանալի. նրանք մեզ կաթի փոշի± են վաճառում, թե տեղական արտադրության կաթը: Եթե հիմնականում կաթի փոշի, ապա ՙխեղճ՚ Գյուղնախարարությունն էլ ինչո±ւ է իրեն կոտորում, թե մի 10 հատ ավել կով ունենանք:
Ամեն դեպքումª փորձեցինք նաեւ նախարարության պաշտոնական դիրքորոշումը ստանալ այն մասին, թե ինչ է տեղի ունենում կաթնամթերքի շուկայում: Սակայն նախարարությունից խոստանում են պատասխանել միայն գրավոր հարցման դեպքում: Բնականաբարª կդիմենք: Իսկ մինչ այդ, փորձեցինք նաեւ ՀՀ տնտեսական մրցակցության պաշտպանության պետական հանձնաժողովից (ՏՄՊՊՀ) պարզել այս թանկացումների իմաստը: Հանձնաժողովի մամուլի ծառայությունը մեզ հետ զրույցում փաստեց, որ շուկայում գերիշխող կաթարտադրող ընկերությունների մոտ կաթնամթերքի գների բարձրացում չեն նկատել: Իսկ եթե այլ  տնտեսվարողների մոտ նկատվում է կաթի գնի բարձրացաում, ապա սա արդեն ՏՄՊՊՀ-ի վերահսկողությունից դուրս է:   
Սա արդեն ցնցող էր. մենք` չէ, վիճակագրությունն է տեսնում տարեկան կտրվածքով 9.3 տոկոսանոց թանկացում, ինչն առանց խոշոր տնտեսվարողների մասնակցության, հնարավոր չէ: Գյուղնախարարության մասնագետներն էլ են տեսնում ու ինչ-որ կերպ փորձում բացատրել: Բայց որ ՏՄՊՊՀ-ն ասում է, թե չի տեսել, ուրեմն` այդ ամենը շարքային սպառողների աչքներին է երեւացել: Մենակ թե, չգիտես ինչպես, այդ տեսապատրանքը ազդում է նաեւ մարդկանց գրպանների պարունակության վրա:

ԶՎԱՐԹ ԽԱՉԱՏՐՅԱՆ