ՍԱՔՈՒՆՑՆԵՐՆ ՈՒ ԵՀՈՎԱԿԱՆՆԵՐԸ ՍԱԴՐՈՒՄ ԵՆ ՎԱՆԱՁՈՐՑԻՆԵՐԻՆ ՄԻԱՅՆ ՊԵՏԱԿԱՆ ԱՇԽԱՏՈՂՆԵՐԻ ՀԱՄԱՐ՚

ՍԱՔՈՒՆՑՆԵՐՆ ՈՒ ԵՀՈՎԱԿԱՆՆԵՐԸ ՍԱԴՐՈՒՄ ԵՆ ՎԱՆԱՁՈՐՑԻՆԵՐԻՆ

ՙԻրավունքի՚ 62-րդ համարում ՙԵհովայի վկաներն անցել են զանգվածային գրոհի՚ հոդվածում նշել էինք, որ աշխատանքային այցով գտնվելով Վանաձոր քաղաքի Տիգրան Մեծ փողոցում, նկատեցինք տարօրինակ մի երեւույթ: Փողոցում կանգնած էին երեք անձնավորություններ, ովքեր անցնող-դարձողներին առաջարկում էին մոտենալ եւ գրականությունից օգտվել:
Որպեսզի առավել հասկանալի լինի, թե ինչ գրականության մասին է խոսքը, նշենք, որ այդ ՙխիստ բարեհամբույր՚ անձնավորությունները ՙԵհովայի վկաներ՚ են, ովքեր գիրք նվիրելուն զուգահեռ` իրենց քարոզն էին կատարում անցորդներին` անկախ տարիքային սահմանափակման: Հավանաբար, այս փաստը վկայում է, որ ՙԵհովայի վկաներ՚ կազմակերպությունը կամ աղանդը արդեն ձեռքը փրփուրներին է գցում եւ ճարահատյալ սկսել է մասսայաբար գրականություն բաժանել` փորձելով մեկ անգամ եւս հիշեցնել իրենց գոյության եւ պիղծ առաքելության մասին:
Երեկ խմբագրություն են զանգահարել վանաձորցի ամուսիններ պարոն Սլավիկն ու տիկին Ռոզան եւ հայտնում էին իրենց մտահոգությունը` վերը նշվածի կապակցությամբ: Պարզվում է, որ այս ՙբարեհամբույր՚ անձնավորությունները հայհոյել էլ գիտեն, իսկ որ ամենակարեւորն է` նրանց կայանատեղին գտնվում է ազգիս իրավապաշտպան Արթուր Սաքունցի գրասենյակի մոտ: Եվ այսպես, ներկայացնում ենք պարոն Սլավիկի հետ տեղի ունեցածը բառացիորեն. ՙԵս այս հոդվածը կարդացել էի, եւ այնպես ստացվեց, որ անցնում էի հենց Տիգրան Մեծ փողոցով, չդիմանալով` մոտեցա այդ եհովականներին ու հարցրի, թե ինչ են անում այստեղ: Ինչպես նաեւ հարցրի, թե դուք ձեր կյանքում եկեղեցի գնացած կա±ք, կամ մեկ հատ մոմ վառած կա±ք, դուք կամ ձեր երեխաները ծառայե±լ են մեր Հայոց բանակում, դուք ի±նչ օգուտ եք տվել մեր հայրենիքին: Այս եհովականներից մեկը, այսինքն տղամարդը, ոչ տարավ ոչ բերեց ու ինձ ասեց, ՙդե գնա, ես թքած ունեմ քո եկեղեցու վրա էլ, քո հայրենիքի ու քո բանակի վրա էլ՚: Ես այս խոսքերից շատ զայրացա, քանի որ իմ թոռնիկն այս պահին ծառայում է Հայոց բանակում: Նրա այդ վերաբերմունքից, մեր խոսակցությունն ավելի թեժացավ, եւ մենք սկսեցինք իրար քաշքշել: Ինչեւէ, այս ամենից հետո սրանք վազել են ոստիկանություն ու պատմել եղածի մասին, որից հետո մի քանի օր անց մեր տուն եկան Վանաձորի ոստիկանության աշխատակիցները ու ինձանից բացատրություն վերցրին, ես էլ տվեցի` գրելով եղելությունը: Սա պարզապես խայտառակություն է, նրանք կանգնում են ինչ-որ Սաքունցի դռան մոտ ու իրանց քարոզն են անում՚:
Դե ինչ, կարծում ենք, այս անգամ գոնե պատկան մարմինները առավել ուշադիր կլինեն ու կփորձեն տարբերել թացը չորից: Կոչ ենք անում այն քաղաքացիներին, ովքեր կարժանանան նման վերաբերմունքի, առանց վարանելու դիմել խմբագրություն:

ԱՐՄԵՆՈՒՀԻ ՀԱԿՈԲՅԱՆ