ԹՈՒՐՔԻԱՅԻ ԵՎ ԱԴՐԲԵՋԱՆԻ ԿՈՂՄԻՑ ԿԵՂԾՎՈՒՄ Է ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐԸ

ԹՈՒՐՔԻԱՅԻ ԵՎ ԱԴՐԲԵՋԱՆԻ ԿՈՂՄԻՑ ԿԵՂԾՎՈՒՄ Է ՀԱՅ ՎՐԱՑԱԿԱՆ  ՀԱՐԱԲԵՐՈՒԹՅՈՒՆՆԵՐԸ

«Իրակլի 2-րդ Հ/Կ միություն» եւ Վրաստան` «Եվրասիական ընտրություն» կոալիցիայի նախագահ Արչիլ Չկոիձեն , ով Վրաստանում բարձրացրել է Օսմանյան կայսրությունում հայերի ցեղասպանության ճանաչման  հարցը փաստում է, որ աշխարհի խոշոր տերությունները չճանաչեցին եւ չդատապարտեցին Հայոց Ցեղասպանությունը ինչն էլ հետեւանքն էր նրան, որ հիտլերյան Գերմանիան նույնպես կատարի Ցեղասպանություն ասելով`ո՞վ է այսօր հիշում հայերի կոտորածը:Նրա խոսքով`Վրաստանը նույնպես պետք է ճանչի եւ դատապարտի Հայոց Ցեղասպանությունը, որպեսզի նմանօրինակ ողբերգություններ այլեւս չլինեն աշխարհի երեսին: Ընդհանրապես աշխարհի բոլոր երկրները այս Ցեղասպանությունը պետք  է շատ խիստ դատապարտեն . «Թուրքիան իրեն շատ ագրեսիվ է դրսեւորում ինչը կարող է վատ անդրադառնալ ոչ միայն Հայաստանի եւ Վրաստանի  այլեւ ամբողջ տարածաշրջանի վրա: Մեր երկու եկրները այդ մարտահրավերները շատ լուրջ պետք է ընդունեն եւ Վրաստանը պետք է ճանաչի  հայերի Ցեղասպանությունը  ոչ թե որպես հարեւան երկրի այլ որպես մի ազգի, ով ոչնչացվել է որպես քրիստոնեա:Որպես Վրաստանի քաղաքացի ես ամոթ եմ զգում, որ Վրաստանը ժամանակին ճանաչել է չերքեզների ցեղասպանությունը`անտեսելով հայերի Ցեղասպանության գոյության փաստը»,-փաստում է ԱՐՉԻԼ ՉԿՈԻՁԵՆ եւ ցավով հավելում, որ այսօր Վրաստանում ապրում են 1,5 մլն ցեղասպանված հայերի ժառանգներից, սակայն մինչ օրս այստեղ չկա նրանց հիշատակը հավերժացնող որեւէ հուշակոթող: Նա անդրադարձավ նաեւ Ադրբեջանի եւ Թուրքիայի հատուկ ծառայությունների ծավալած գործունեությանը, որը միտված է Վրաստանում ստեղծել հայատյաց տրամադրություններ, միաժամանակ տեղի են ունենում բազմաթիվ միջոցառումններ, որոնց «լուսավոր» քողի տակ փորձում են ներկայացնել Օսմանան կայսրության պատմությունը: Որպես ասվածի փաստ Ա.Չկոիձեն մեկնաբանում է, որ այդ երկու երկրները Վրաստանում հասել են նրան, որ ոչ միայն առանձին գործիչներ այլեւ առանձին կառույցի ներկայացուցիչներ թույլ են տալիս, որ  Վրաստանում  կեղծվի  հա-վրացական հարաբերությունները: «Ծիծաղելին այն է, որ Վրաստանում շատ պատմաբաններ խոսում են վրաց-ադրբեջանական դարավոր բարեկամության  մասին,  այն դեպքում, երբ Ադրբեջանը  100 տարի էլ չկա որ գոյություն ունի »,-շեշտում է Չկոիձեն:

Անդրադառնալով Թուրքիայի դիվանագիտության առաջին դեմքի`Դավութօղլու այն հայտարարությանը, թե պետք է վերկանգնվի երբեմնի Օսմանան կայսրությունը, որի վերկանգնումը պետք է լինի ոչ թե զենքով այլ տնտեսապես, Ա.Չկոիձեն նկատում է, որ Դվութօղլու  հայտարարությունը շատ դրականորեն ընդունվեց Եվրամիութան անդամ երկրների կողմից , սակայն այստեղ պետք է ուշադրություն դարձնել այն հանգամանքի վրա, որ Դավութօղլու  նշած հզոր կայսրության սահմանների մեջ մտնում է նաեւ Հայաստանի եւ Վրաստանի տարածքները: Այն ֆորումը, որը ստեղծվել է Երևանի աշխարհաքաղաքական ակումբի խորհրդի նախագահ Արման Բոշյանը եւ Արչիլ Չկոիձեի ջանքերով նպատակ ունի քննարկումների, հանդիպումների եւ զեկուցումների միջոցով զերծ պահել հայ-վրացական հարաբերությունները թուրք-ադրբեջանական զեղծարարություններից եւ հասարակությանը ներկայացնել միայն ճշմարտությունը, քանի որ հարեւան երկու երկրները փորձում են խաչ դնել հայ-վրացական դարավոր հարաբերությունների վրա եւ գրել նոր պատմություն , որը կինի իրենց ուզածով:

ԶՎԱՐԹ ԽԱՉԱՏՐՅԱՆ