ԱՇԽԱՐՀԻ ԳՈՐԾՈՂ ՉԵՄՊԻՈՆԸ ՀՐԱԺԵՇՏ ՏՎԵՑ ՄՈՒՆԴԻԱԼԻՆ

ԱՇԽԱՐՀԻ ԳՈՐԾՈՂ ՉԵՄՊԻՈՆԸ ՀՐԱԺԵՇՏ ՏՎԵՑ ՄՈՒՆԴԻԱԼԻՆ

Ռիո-դե-Ժանեյրոյի աշխարհահռչակ «Մարականա» մարզադաշտում կայացավ Աշխարհի առաջնության խմբային փուլի երկրորդ տուրի՝ Իսպանիա-Չիլի հանդիպումը: Աշխարհի գործող չեմպիոնները առաջնության առաջին տուրից հետո, հայտնվել էին դժվար կացության մեջ, Հոլանդիայի ընտրանուց 5:1 հաշվով կրած պարտությունից հետո, իսպանացիներին կարող էր փրկել միայն հաղթանակը Չիլիի ընտրանու նկատմամբ: Քանզի, վերջիններս էլ իրենց հերթին հաղթանակ էին տոնել Ավստրալիայի հավաքականի նկատմամբ: Մինչ դեռ 1/8 եզրափակիչ փուլի ուղեգիր նվաճելու հույսերը գոնե տեսականորեն պահպանելու փոխարեն, Իսպանիայի ընտրանին 2:0 հաշվով պարտություն կրեց Չիլիի հավաքականից եւ հրաժեշտ տվեց Մունդիալին:

Խաղի հաշիվը բացվեց 20-րդ րոպեին. Արանգիսի փոխանցումից հետո Իկեր Կասիլյասի պաշտպանած դարպասը գրավեց Էդուարդո Վարգասը: 43-րդ րոպեին Կասիլյասի դարպասում հայտնվեց երկրորդ գոլը. այս անգամ աչքի ընկավ Չարլես Արանգիսը:

Այսպիսով`B խմբի մրցաշարային աղյուսակը 6-ական միավորով գլխավորում են Հոլանդիան եւ Չիլին, արդյունքում վերջին տուրի շրջանակներում կայանալիք հանդիպումները գործնականում որեւէ բան փոխել չեն կարող:

ՔՐԻՍՏԻՆԵ ՊԵՏՐՈՍՅԱՆ