ՏՈՒԳԱՆՔԸ ԴՐՎԱԾ Է ԽԱԽՏՈՒՄԸ ԿԱՆԽԵԼՈՒ, ԱՅԼ ՈՉ ԹԵ ԶՈՒՏ ՏՈՒԳԱՆԵԼՈՒ ՀԱՄԱՐ

ՏՈՒԳԱՆՔԸ ԴՐՎԱԾ Է ԽԱԽՏՈՒՄԸ ԿԱՆԽԵԼՈՒ, ԱՅԼ ՈՉ ԹԵ ԶՈՒՏ ՏՈՒԳԱՆԵԼՈՒ ՀԱՄԱՐ

ԱԺ-ում այսօր քննարկվում էր ճանապարհային երթեւեկության կանոնների խախտման համար տուգանքների վերանայման հարցը, որի առնչությամբ կառավարությունն առաջարկում է «Վարչական իրավախախտումների վերաբերյալ» օրենքում փոփոխություններ եւ լրացումներ կատարել: Սրա վերաբերյալ ԱԺ պատգամավորները իրենց հուզող հարցերն ուղեցին փոխոստիկանապես Արթուր Օսիկյանին: ՀՀԿ խմբակցության պատգամավոր Հայկ Բաբուխանյանը Օսիկյանին, առաջարկեց քննարկել հետեւյալ տարբերակը. <<Բոլորս գիտենք, որ մենք տուգանք ենք դնում ոչ թե տուգանելու այլ կանխելու համար կատարված օրինախախտումը: Այսինքն կանխելու համար պետք է այդ տուգանքը զգայուն լինի, եթե 25 հազարը շատ է քսանհինգ տարվա ժիգուլու վարորդի համար, ապա հարյուր հազար արժեք ունեցող մեքենայի վարորդի համար, դա ոչինչ է, նա հեշտությամբ կհաղթահարի այդ տուգանքը, միայն թե այդ պահին արագ սլանա: Այսինքն այդ դեպքում կանխարգելիչ ազդեցությունը տուգանքի նվազում է>>: Այնուհետ Հ. Բաբուխանյանը պարոն Օսիկյանից հետաքրքրվեց, թե ինչ թիվ են կազմում մահվան ելքով պատահարները՝ հանրապետություններում, այս տարվա հինգ ամիսները ի համեմատ նախորդ տարվա հինգ ամիսների.

- 2013թվականի ընթացքում մահվան ելքով պատահարների թիվը՝ հինգ ամիսների կտրվածքով, եղել է 117 եւ 2014 թվականի նույն ժամանակահատվածում եղել է 100, այսինքն նվազումը եղել է 17-ով: Ինչ վերաբերում է մարզերին, ապա՝ հինգ ամիսների կտրվածքով 2013թ. ընթացքում գրանցվել է 96 մահվան ելքով պատահար, իսկ 2014թ. հինգ ամիսների ընթացքում՝ 76: Այսինքն սա, կարեւոր ցուցանիշ է առ այն, որ մենք նախորդ տարի աշխարհագրական առումով ընդարձակեցինք արագաչափ սարքերը եւ սա անշուշտ իր դերն ու նշանակությունը ունեցել է:

ԻԼՈՆԱ ԱԶԱՐՅԱՆ