ՊՈՐՏՈՒԳԱԼԱՑԻՆԵՐՆ ԱՆԶՈՐ ԷԻՆ ԳԵՐՄԱՆԱԿԱՆ ՄԵՔԵՆԱՅԻ ԴԵՄ(Տեսանյութ)

ՊՈՐՏՈՒԳԱԼԱՑԻՆԵՐՆ ԱՆԶՈՐ ԷԻՆ ԳԵՐՄԱՆԱԿԱՆ ՄԵՔԵՆԱՅԻ ԴԵՄ(Տեսանյութ)

Աշխարհի առաջնության խմբային փուլի շրջանակներում մրցեցին Գերմանիայի եւ Պորտուգալիայի հավաքականները: Աշխարհի առաջնության առաջին տուրի կենտրոնական հանդիպումն ավարտվեց 4:0 հաշվով, հօգուտ գերմանացիների: Հանդիպման 11-րդ րոպեն վճռորոշ դարձավ. Պերեյրան սեփական տուգանային հրապարակում խախտեց կանոնները Մարիո Գյոտցեի նկատմամբ, եւ խաղի գլխավոր մրցավար Միլորադ Մաջիչը նշանակեց 11 մետրանոց հարված, որը հստակ իրացրեց Թոմաս Մյուլլերը: Գերմանիան երկրորդ գոլը խփեց 33-րդ րոպեին, երբ գլխի հարվածով աչքի ընկավ Մատս Հումմելսը: 5 րոպե անց Պորտուգալիան մնաց 10 հոգով. Մյուլլերի նկատմամբ կանոնները խախտելու համար խաղադաշտից հեռացվեց Պեպեն: Ընդմիջման գերմանացիները 3:0 հաշվի պայմաններում. 45-րդ րոպեին Մյուլլերը դուբլ ձևակերպեց: Երկրորդ խաղակեսում Գերմանիայի հավաքականին հաջողվեց խփել նաև չորրորդ գնդակը. 78-րդ րոպեին բոլորի ուշադրության կենտրոնում կրկին Թոմաս Մյուլլերն էր: Այս խաղից հետո Գերմանիան միանձնյա գլխավորում է G խմբի մրցաշարային աղյուսակը: Խմբի մյուս թիմերը` ԱՄՆ-ը եւ Գանան իրենց առաջին հանդիպումը դեռ չեն անցկացրել:

Գերմանիա-Պորտուգալիա` 4:0

ՔՐԻՍՏԻՆԵ ՊԵՏՐՈՍՅԱՆ