ՀՀԿ-ՕԵԿ ՀԱՆԴԻՊՈՒՄԸ ԵՂԵԼ Է ԿԱՌՈՒՑՈՂԱԿԱՆ

ՀՀԿ-ՕԵԿ ՀԱՆԴԻՊՈՒՄԸ ԵՂԵԼ Է ԿԱՌՈՒՑՈՂԱԿԱՆ

Այսօր՝ հունիսի 16-ին, Ազգային ժողովում 100 տոկոս համամասնական ընտրական համակարգին անցնելու վերաբերյալ քննարկում անցկացրեցին Ազգային ժողովի նախագահ Գալուստ Սահակյանը ԱԺ «Օրինաց երկիր» խմբակցության ղեկավար Հեղինե Բիշարյանը, ՕԵԿ պատգամավոր Հովհաննես Մարգարյանը: Քննարկումից անմիջապես հետո ՕԵ խմբակցության ղեկավար Հեղինե Բիշարյանն ասաց, որ հանդիպումը շատ կառուցողական էր, քննարկվել է 100 տոկոս համամասնական ընտրակարգին անցնելու հարցը. «Ներկայիս ընտրական համակարգը ազատ, արդար ընտրությունների համար խոչընդոտ է: Նրանք էլ սկզբունքորեն դեմ չեն, որ այդ համագործակցությունը տեղի ունենա, կլինեն աշխատանքային քննարկումներ, նոր տեսակետներ ու մոտեցումներ կարտահայտվեն: Գալուստ Սահակյանն ասաց, որ իրենք սկզբունքորեն դեմ չեն աշխատել, համագործակցել և հասնել նրան, որ բոլոր քաղաքական ուժերի համար ընդունելի տարբերակ գտնվի»: Տիկին Բիշարյանը նաև տեղեկացրեց, որ այս հարցի կապակցությամբ արդեն հանդիպել են ՀՅԴ-ի, ԲՀԿ-ի, «Ազատ դեմոկրատների» և «Ժառանգության» հետ, իսկ սա էլ հերթական հանդիպումն էր. «Որպեսզի արձանագրենք հաջողություն, մենք որևէ քաղաքական ուժի հետ համագործակցություն չենք բացառում: Մենք չպետք է դադարենք պայքարել, որպեսզի 100 տոկոս համամասնականը դարձնենք իրողություն: Ի սկզբանե չպետք է դատապարտել, գուցե գալիս է մի պահ, և քննարկումները բերում են դրական լուծումների»:

ԱՐՄԵՆՈՒՀԻ ՀԱԿՈԲՅԱՆ