«ՀՈՒՅՍ ՈՒՆԵՆՔ, ՈՐ ՄԻ ՕՐ ՄԵՐ ՏՂԱՆԵՐԸ ԿՎԵՐԱԴԱՌՆԱՆ»

«ՀՈՒՅՍ ՈՒՆԵՆՔ, ՈՐ ՄԻ ՕՐ ՄԵՐ ՏՂԱՆԵՐԸ ԿՎԵՐԱԴԱՌՆԱՆ»

ՀՀ կառավարության որոշմամբ հունիսի 29-ը նշվում է, որպես պատերազմում անհայտ կորածների օր, քանի որ 1992 թվականի հենց այդ օրը անհայտ կորան մեծաթիվ ազատամարտիկներ: Նրանց որոնման աշխատանքերի համար էլ ստեղծվել է մինջգերատեսչական հանձնախումբ, որի գերագույն նպատակն է տեղեկություններ հավաքել անհայտ կորածների մասին եւ կարողանալ հնարավորինս շատ հայ գերիներ վերադարձնել Հայրենիք: Հանձնաժողվի հերթական նիստը տեղի է ունեցել 2014 թվականի հունիսի 13-ին` ՀՀ պաշտպանության նախարար ՍԵՅՐԱՆ ՕՀԱՆՅԱՆԻ գլխավորությամբ: «Անհայտ կորած ազատամարտիկների խորհուրդ» ՀԿ նախագահ, անհայտ կորած ազատամարտիկի մայր Ռիմա Առաքելյանի խոսքով`պաշտպանության նախարարին ոչ միայն մտահոգում է անհայտ կորածների ճակատագիրը այլեւ նրանց ըտանիքների խնդիրները եւ գրեթե չկա այդպիսի հարց, որըանպատասխ թողնի Սեյրան Օհանյանը: «Մինջգերատեսչական հանձնաժողովի եւ պետության գլխավոր խնդիրն է, որպեսզի փնտրի եւ հայտնաբերի անհայտ կորածներին եւ կարողանա Հայրենիք վերադարձնել պատանդներին, ինչը Ադրբեջանի դեպքում այլ է, քանզի այդ պետությունը այդքան էլ նշանակություն չի տալիս գերվարվածներին եւ անհայտ կորածներին: Նախկինում ունեիքն տվյալներ 90 անհայտ կորածների վերաբերյալ, այսօր նրանց թիվը հասել է 94-ի »,-նշում է ՌԻՄԱ ԱՌԱՔԵԼՅԱՆԸ: Ըստ նրա բոլոր անհայտ կորածների ընտանիքները հույսով ապրում են, որ մի օր պատերազմում հերոսաբար մարտնչած իրենց որդիները եւ ամուսիները կվերադառնան: «2012 թվանաից մենք պնդում ենք, որ երկու երկրների`Ադրբեջանի եւ Հայաստանի անհայտ կորածների եւ գերիների պետական հանձնաժողովների հանդիպում տեղի ունենա, որպեսզի կարողանան որեւէ գործառույթ իրականացնենք, սակայն որեւէ շարժ չկա, հարեւան երկիրը պահում է քար լռություն»,-փաստեց տկն. Առաքելյանը: Պատերազմում 1992 թվականից անհայտ կորած Վրեժ Գրիգորյանի մայրը` Սամարա Գրիգորյանը համոզված է, եթե ադրբեջանցի գերիների մայրերը , եթե հայ մայրերի նման միասնական լինեն եւ պահանջեն հանձնել մեր գերիներին, ապա այդ ժամանակ էլ Հայաստանը կվերադարձնի իրենց որդիներին: «Հույս ունեմ, որ մեր տղաները կվերադառնան, մենք ապրում ենք որ դիմավորենք ու մեծարենք մեր որդիներին» ,-մեծ հույսով հայտնում է տկն.Սամարան:

Անդրադառնալով մի քանի ամիս առաջ պատահաբար ադրբեջանական սահմանում հայտնված հայ զինծառայող Հակոբ Ինջիղուլյանին Ռիմա Առաքելյանը փաստեց, նրա գործը դժվար է կոնկրետացնել, քանի որ պետք է հաշվի առանեք, թե դիմացի հակառակորդը ով է հավելելով, որ հունիսի 12-ին կարմիր խաչի Բաքվի գրասենյակը այցելել է Ինջիղուլյանին եւ տարածել հետեւյալ հայտարարությունը` նա լավ է, միայն այսքանը:

ԶՎԱՐԹ ԽԱՉԱՏՐՅԱՆ