ՙՙՙԲՆԱԿՉՈՒԹՅԱՆ ՄՈՏ 1/3 ՄԱՍՆ ԱՐԴԵՆ ԻՍԿ ՉԻ ԿԱՐՈՂԱՆՈՒՄ ՏՈՒՆԸ ՋԵՌՈՒՑԵԼ՚

ՙԲՆԱԿՉՈՒԹՅԱՆ ՄՈՏ 1/3 ՄԱՍՆ ԱՐԴԵՆ ԻՍԿ ՉԻ ԿԱՐՈՂԱՆՈՒՄ ՏՈՒՆԸ ՋԵՌՈՒՑԵԼ՚

Օգոստոսի 1-ին Հայաստանում հնարավոր է հերթական թանկացումը` այս անգամ  թանկանում է Էլեկտրաէներգիան: Այս առումով արդեն կան որոշակի արձագանքներ: Մի շարք փորձագետների կարծիքով` էլեկտրականությունը  թանկացնելու փոխարեն`  պետք է մի բան էլ գինը նվազեցնել: Մյուս մասն էլ հակադարձում է` նշելով, որ գների նման բարձրացումը հաշվարկված է եւ արդարացված: Ինչեւէ, հակադիր այս պատկերի վրա էլ, ՙԻրավունքը՚ զրուցեց տարբեր ոլորտների հետª ճշտելու համար արդյո±ք հաշվարկված եւ արդարացված է սպասվող թանկացումը:
ՀՀԿ պատգամավոր ԳԱԳԻԿ ՄԻՆԱՍՅԱՆԸ նշեց.
-Բնական մենաշնորհների կարգավորման հանձնաժողովը զբաղվում է այս հարցով, ուստի նման հարցադրմանը որեւէ մեկը չի կարող պատասխանել: Վերջիններս հրավիրել էին բոլոր շահագրգիռ կառույցների ներկայացուցիչներին եւ անձանց, որպեսզի մանրամասն ներկայացնեն, թե ինչով է պայմանավորված առաջիկա թանկացումը: Այն միակ կառույցն է, որը պարտավոր է նշված հարցի հստակ պատասխանը տալ:
Իսկ ահա ԲՀԿ նախկին պատգամավոր, տնտեսագետ ՎԱՐԴԱՆ ԲՈՍՏԱՆՋՅԱՆԻ գնահատմամբ.
-Թանկացման վերաբերյալ լուրը տարածվելուց հետո հայ բնակչության շրջանում առաջացել է անհանգստություն ու հուսալքում, քանի որ բոլորս գիտենք Հայաստանում աղքատության, վճարունակության սարսափելի մակարդակի մասին: Ահա այս պարագայում հերթական  թանկացումները նորից են խորացնում մինչ այդ գոյություն ունեցող եւ մեզ համար ոչ ցանկալի գործընթացները: Ամենադատապարտելին այն է, որ այս պարագայում էլ չկա թափանցիկություն եւ որեւէ ամբողջական մասնագիտական մեկնաբանություն: Զավեշտալին այն է, որ այս հարցով նախաձեռնությունը պատկանում է Հանրային ծառայությունների հանձնաժողովին, որը, ըստ Սահմանադրության եւ օրենքի, կոչված է հանրության շահերը պաշտպանելու: Ստացվում է, որ էլեկտրաէներգիա արտադրողներից, բաշխողներից ոչ մեկը չի մտահոգվում իր իսկ վատ վիճակով, բայց նրանց փոխարեն հուզված է հանրության շահերը պաշտպանողը: Սա շատ կնճռոտ գործընթաց է: Այս ամենի արդյունքում տուժելու է ժողովուրդը: Չի երեւում հայ քաղաքացու արժանապատիվ ապրելու հեռանկարը, գոնե նա պետք է կարողանա իր գոյությունը պահպանել, իսկ ահա այսպիսի պայմաններում, կարող եք չկասկածել, որ չափազանց ու սարսափելի դժվար է լինելու հասարակ քաղաքացու համար` իհարկե առանձնացնելով գողերին, ավազակներին, թալանչիներին, ովքեր ամբողջ բնակչության չնչին տոկոսն են կազմում: Միգուցե, գույները ես խտացնում եմ, բայց մարդ ակամայից գալիս է նման եզրակացության:
Սոցիոլոգ ԱՀԱՐՈՆ ԱԴԻԲԵԿՅԱՆՆ էլ նկատեց.
-Գոյություն ունի միջազգային շուկա, որտեղ գները տատանվում են: Եթե, օրինակ, Բրազիլիայում բերք չի լինում, սուրճի գինն ամբողջ աշխարհում բարձրանում է: Այստեղ խնդիրը հետեւյալն է, քանի որ մենք մտնելու ենք Մաքսային միություն, ու մեր երկրի էներգիայի արժեքը պետք է լինի Միության անդամ երկրների գներին հավասար, ապա պետք է պարզելª արդյոք Ռուսաստանում նկատվո±ւմ է գնի բարձրացում, թե` ոչ: Անցած ձմեռն արդեն ցույց է տվել, որ գների բարձրացման հետեւանքով բնակչության մոտ 1/3 մասն արդեն իսկ չի կարողանում տունը ջեռուցել: Սա փաստ է: Իսկ հնարավոր թանկացումներից հետո նման մարդկանց թիվն ավելի կշատանա, եւ այսպիսի թանկացումը արտագաղթի գործոններից մեկը կլինի: Հնարավոր է, որ էլեկտրաէներգիայի թանկացումը իր հետ բերի այլ ապրանքների թանկացում:


Z-PR սոցհարցման կենտրոնը Երեւան քաղաքում 100 հոգու շրջանակում սոցհարցում է իրականացրել` պարզելու համար, թե ինչ են մտածում քաղաքացիները` էլեկտրաէներգիայի հնարավոր թանկացման մասին:
1. Դա որեւէ կերպ արդարացված եւ հիմնավորված չէ- 83%
2. Կարելի է եզրահանգման գալ միայն համապատասխան հաշվարկներից հետո: Եթե այնպիսի վիճակ է, որ չթանկացնելը կտանի ավելի վատ հետեւանքների, ինչ կարող ենք անել- 9%
3. Պետք է թանկացնել, ամեն ապրանք իր գինն ունի- 7%
4. Այդ թանկացումը մեզ չի մտահոգում- 1%:

ԶՎԱՐԹ ԽԱՉԱՏՐՅԱՆ