ԹՈՒՐՔՐԵԸ ՃԱՐԱՀԱՏՅԱԼ ՍԿՍԵԼ ԵՆ ՎԵՐԱՆՈՐՈԳԵԼ ՔՐԻՍՏՈՆԵԱԿԱՆ ՀՈՒՇԱՐՁԱՆՆԵՐԸ, ՈՐՊԵՍԶԻ ՓՈՂ ԱՇԽԱՏԵՆ

ԹՈՒՐՔՐԵԸ ՃԱՐԱՀԱՏՅԱԼ ՍԿՍԵԼ ԵՆ ՎԵՐԱՆՈՐՈԳԵԼ ՔՐԻՍՏՈՆԵԱԿԱՆ ՀՈՒՇԱՐՁԱՆՆԵՐԸ, ՈՐՊԵՍԶԻ ՓՈՂ ԱՇԽԱՏԵՆ

Տուրիզմի հայկական ինստիտուտի ռեկտոր , տուրիզմի փորձագետ Ռոբերտ Մինասյանի խոսքով`անհրաժեշտ է Հայաստանում կազմակերպել եւ անցկացնել տուրիստական ռեսուրսների կադաստր: Այսօր մարդիկ իրենց աչքերը փակ զարգացնում են զբոսաշրջությունը, իսկ տուրիստական ռեսուրսների կադաստրի կազմակերպումն ու անցկացումը նշանակում է իմանալ, որ երկիրը նպաստավոր է զբոսաշրջության զարգացման համար, ազգը հյուրընկալ է եւ այլն, ինչն էլ կնպաստի, որպեսզի տուրիստական կադաստրը անցկացվի ըստ մարզերի եւ տարածքների: Այս ամենը հնարավորություն կտա իմանալու, թե որ տարածքում եւ որտեղ ինչքան զբոսաշրջիկ կարելի է ընդունել: Ռոբերտ Մինասյանը հավաստիացնում է, եթե այս ամենը չանեն տուրիզմ զարգացնել եւ առաջ գնալ հնարավոր չէ: Նա չի ցանկանում հենվել թվերի վրա եւ ասել թե այս եւ նախորդ տարի քանի զբոսաշրջիկ է ընդունել Հայաստանը այլ կարծում է, որ պետք է արձանագրվի հետեւյալ կարեւոր փաստը. «Տուրիզմը արդյունաբերություն է, բիզնես է, իսկ բիզնեսը `փող: Մենք առաջինը պետք է մտածենք եւ գնահատականներ տանք երկրի ընդհանուր զբոսաշրջությանը, թե որքան գումար է երկրին այն բերում եւ որքան գումար է մտնում երկրի բյուջե: Եվ հաշվի առնել թե այս ամենի հետեւանքով քանի աշխատատեղ է ստեղծվում: Պետությունը այսօր չունի այն գումարները, որոնք անհրաժեշտ են տուրիզմի զարգացման համար, տուրիզմը պետք է վաստակի գուրմար, որից էլ պետությունն ինչպես շատ երկրներում որոշակի մաս կտրամադրի զբոսաշրջության զարգացման համար»,-նշեց  ՌՈԲԵՐՏ ՄԻՆԱՍՅԱՆԸ:

Փորձագետը արձանագրում է, որ վերջին շրջանում Հայաստանում կատարվել են բավականին աշխատանքեր`կառուցվել են հյուրանոցներ, հանգստյան տներ, առողջարաններ, սակայն այս աշխատանքերի հետ միաժամանակ պետք է աշխատել մարդկային գործոնի վրա, քանզի տուրիզմը հենց մարդկային գործոնն է: Նա նաեւ ընդգծեց, որ զբոսաշրջության զարգացման վրա դրկան մեծ ազդեցություն կունենա Եվրասիական միությանն Հայաստանի անդամագրումը:

Պատասխանելով «Իրավունքի» հարցին, թե որեւէ ձեւով զբոսաշրջության վրա կազդի՞ այն հանգամանքը, որ մի քանի զբոսաշրջային գործակալություններ խզել են համագործակցության բոլոր միջոցները հարեւան Թուրքիայի հետ Ռոբերտ Մինասյանը ասաց.որ այս դեպքում տուժողը միայն Թուրքիան է. «Ճարահատյալ նրանք այսօր սկսել են վերանորոգել քրիստոնեական հուշարձանները, եկեղեցիները, որպեսզի փող աշխատեն`ցույց տալով թե քրիստոնեաների նկատմամբ բարիացակամ են, արդյունքում սա նրանց համար ընդհամենը բիզնես է:Փողի համար իրենց մոլլայի աչքերը փակել են»,-շեշտեց Ռ. Մինասյանը:

ԶՎԱՐԹ ԽԱՉԱՏՐՅԱՆ