ՀՐԵՇՏԱԿ ՀՅՈՒՍԻՍԱՅԻՆ ՊՈՂՈՏԱՅՈՒՄ. «ՄԵԶ ԿԹՐՑՆԵ՞Ս ՔԵԶ ՀԵՏ»

ՀՐԵՇՏԱԿ ՀՅՈՒՍԻՍԱՅԻՆ ՊՈՂՈՏԱՅՈՒՄ. «ՄԵԶ ԿԹՐՑՆԵ՞Ս ՔԵԶ ՀԵՏ»

Այո, ո՛չ ավել, ո՛չ պակաս օրերս Հյուսիսային պողոտայում հայտնվեց հրեշտակ, իհարկե, 21-րդ դարին համահունչ ժամանակակից տեսքով: Թեպետ անցորդները ոգեւորությունը մեծ էր, սակայն հրաշք տեղի չէր ունեցել, այլ պարզապես նկարահանվում էր երգչուհի ԼԱՅԱՆԱՅԻ «Կամաց-կամաց» երգի տեսահոլովակը (երգի երաժշտության հեղինակ` Ռիչարդ Մադլենյան, խոսքերի հեղինակ`Գրիգոր Կյոկչյան): Իսկ տեսահոլովակի ռեժիսոր ՍՈՒՐԵՆ ԹԱԴԵՎՈՍՅԱՆԸ ամառային գունեղ տեսահոլովակը որոշել էր հարստացնել հրեշտակի մասնակցությամբ: «Իրավունքը» տեսահոլովակի նկարահանման եւ իր կերպարի մասին զրուցեց մեր օրերի «հրեշտակի»` երգիչ, բազմաթիվ գովազդային հոլովակների ու տեսահոլովակների հերոս դարձած ԱԼԵՔՍ ՄԻՐԶՈՅԱՆԻ հետ:

- Ալեքս, բնական է, քանի դեռ տեսահոլովակի պրեմիերան չի եղել շատ փակագծեր չեք բացի, բայց այնուամենայնիվ հրեշտակը Հյուսիսային պողոտայում ի՞նչ էր անում:

- Հրեշտակը Հյուսիսային պողոտայում հովանավորում էր սիրահարված մարդկանց ու ծխում (ժպտում է Ալեքսը-հեղինակ):

- Որքանո՞վ էր այս կերպարը հոգեհարազատ քեզ:

- Կերպարը հոգեհարազատ էր իր խառնվածքով, բայց էլ փակագծեր չեմ բացի:

- Հետաքրքիր է, թե նկարահանման ընթացքում ինչպիսի՞ արձագանք է եղել անցորդների կողմից:

- Շատ տարբեր մեկն ասում էր` «վայ հրեշտակ», մյուսը հարցնում` «մեզ կթրցնե՞ս քեզ հետ», մեկ ուրիշը հուսադրում` «մի՛ տխրի»:

- Ռեժիսոր Սուրեն Թադեւոսյանի հետ սա առաջի՞ն աշխատանքն էր, թե՞ միասին համագործակցելու փորձ ունեցել էիք:

- Առաջին համագործակցությունն էր, բայց որոշ չափով տեղեկացված լինելով Սուրենի գործունեությանը եւ սցենարն էլ իմանալուց հետո` միանգամից համաձայնվեցի: Աշխատանքային պրոցեսը շատ հետաքրքիր էր` թեթեւ, ճիշտ եւ պրոֆեսիոնալ:

- Բազմաթիվ տեսահոլովակներում ու գովազդային հոլովակներում ես նկարահանվել, իսկ որտե՞ղ եւ ի՞նչ կերպարում ես երազում դեռ նկարահանվել:

- Իմ կարծիքով ցանկացած կերպարի հետ կարելի է երազել… Իսկ այդ կերպարը կբացահայտեմ ֆիլմում:

- Ի վերջո, քո դերերով ռոմանտիկ, այս անգամ նույնիսկ հրեշտակային կերպարներ ես կերտել, հետաքրքիր է, կյանքո՞ւմ էլ Ալեքսն այդքան բարի:

- Այս հարցին կարճ կպատասխանեմ` բավարար բարի եմ:

- Որքանով տեղյակ եմ նաեւ երգիչ ես, այսօր դերասանական կարիերան հաղթե՞ց երգիչ Ալեքսին:

- Այդ երկուսը չեմ ուզում մրցակցեն, որովհետեւ համատեղ շատ լավն են:

- Ի՞նչ նորություններ սպասեն քեզնից երկրպագուհիներդ, որոնց համար դարձել ես «գովազդի միջի սիրված տղա»:

- Թող սպասեն ավելին:

ՀՐԱՆՏ ՍԱՐԱՖՅԱՆ