Ռ. ՀԱԿՈԲՅԱՆՆ ՈՒ Ն. ՓԱՇԻՆՅԱՆԸ «ԾԱԽԵՑԻՆ» ԱՂՎԱՆ ՎԱՐԴԱՆՅԱՆԻՆ

Ռ. ՀԱԿՈԲՅԱՆՆ ՈՒ Ն. ՓԱՇԻՆՅԱՆԸ «ԾԱԽԵՑԻՆ» ԱՂՎԱՆ ՎԱՐԴԱՆՅԱՆԻՆ

Այն, որ ԱԺ ՀՅԴ խմբակցության պատգամավոր ԱՂՎԱՆ ՎԱՐԴԱՆՅԱՆԻ հիմնական գործը խորհրդարանում շախմատ գլորելն է, «Իրավունքը» բազմիցս է անդրադարձել: Ավելին` թերթի արխիվը համալրված է մի ամբողջ ֆոտոշարքով, որտեղ պարոն Վարդանյանը ամեն ԱԺ քառօրյայի ժամանակ համակարգչի հետ տետատետ հերթական շախմատային խաղն է իրականացնում` անկախ նրանից, թե խաղին զուգահեռ ինչ հարց է քննարկվում ԱԺ կարեւորագույն դահլիճում: Սա թերեւս նորություն չէ նաեւ նրա աջ եւ ձախ կողքին նստած ՀՅԴ խմբակցության պատգամավորներ Արմեն Ռուստամյանի եւ Արծվիկ Մինասյանի համար, ովքեր մի քանի անգամ նրան զգուշացնելուց հետո, հասկացան, որ «կարմիր ՀՅԴ-ականը կաշին չի փոխում»: Բայց արի ու տես, որ երեկ ԱԺ նիստերի դահլիճում աղվանվարդանյանական հերթական շախմատային հանդիպումը համակարգչի հետ խիստ զվարճացրեց ԱԺ ՀԱԿ խմբակցության պատգամավոր ՆԻԿՈԼ ՓԱՇԻՆՅԱՆԻՆ, ով նստած տեղից ընդդիմադիր թեւում սկսեց «կայֆավատ» լինել շախմատասեր պատգամավորի վրա: Յուրատեսակ ուրախությանը միացավ ԱԺ «Ժառանգություն» խմբակցության ղեկավար ՌՈՒԲԻԿ ՀԱԿՈԲՅԱՆԸ` շարունակելով ծաղրել Ա. Վարդանյանին: Սակայն գործընկերների զվարճությունն անտեսելով` ՀՅԴ-ական պատգամավորը շարունակեց խաղալ մինչեւ վերջ: Իսկ այդ ընթացքում Ռ. Հակոբյանը լրագրողական պատշգամբներում աչքերով փնտրում էր յուրայիններին ու ցույց տալիս, որ ֆիքսեն «լուրջ» պատգամավորի մանկական ոգեւորությամբ «պարապ վախտվա խաղալիքը»:

Ինչեւէ, ուշագրավն այս անգամ Ա. Վարդանյանի խաղը չէ, այլ քառյակի իր գործընկերոջ պատրաստակամությունը` մատնելու գործում:

ՀՐԱՆՏ ՍԱՐԱՖՅԱՆ