ՔՐԵԱԳԵՏ. «ՕՐԵՆՔՈՎ ԳՈՂԵՐԸ ՀԱՅԱՍՏԱՆՈՒՄ ԵՐԿԱՐ ՉԵՆ ՄՆՈՒՄ, ՄԻԱՅՆ ՀԱՐՑ ԵՆ ԼՈՒԾՈՒՄ»
Արխիվ 12-16
ՔՐԵԱԳԵՏ. «ՕՐԵՆՔՈՎ ԳՈՂԵՐԸ ՀԱՅԱՍՏԱՆՈՒՄ ԵՐԿԱՐ ՉԵՆ ՄՆՈՒՄ, ՄԻԱՅՆ ՀԱՐՑ ԵՆ ԼՈՒԾՈՒՄ»
«Օշականցի Գևորիկի և Երրորդմասցի Լյովիկի հետ կապված պատմության, ասեմ, որ ոչ մի մեծ բան չի եղել: Ինչ որ անհամաձայնությունն է եղել, գնացել իրար հետ հանգստացել են ու եկել իրար հետ իրանց հարցերը լուծել են, որևէ մեկը էս հարցում կոնկրետ տեղեկություն չի ունեցել: Ըստ ինձ հասած տեղեկությունների նրանցից մեկը հարբած է եղել եւ մյուսի հանդեպ իրեն սխալ է դրսեւորել, բայց հիմա բարիշել են»,- «Իրավունքի» հարցին, թե ինչ հանգուցալուծում է ստացել Օշականցի Գեւորիկի եւ ՛երրորդ մասցի Լյովիկի վիճաբանությունը, այսօր լրագրողների հետ հանդիպման ընթացքում ասաց քրեագետ ՍԵՐԳԵՅ ԳԱԼՈՅԱՆԸ:
Քրեագետը անդրադառնալով Վերնիսաժի կրակոցներին նկատեց, որ «Ամեն խուժան բան կրիմինալ չի: Ուղղակի դատարանը պիտի իր մեջ ուժ գտնի ճիշտ դատ անելու: Որովհետև Հայաստանում մեղադրյալը ամեն պահի կարող է հայտնվել տուժողի կարգավիճակում: 70-ականներին իրար հետ կռվում էին, իրար սիլլա էին տալիս, քարով խփում էին ու անցնում գնում էր: Հիմա իրար քարի տեղը զենքով են խփում, էսքան բան....նույն բան է, առանձնապես բան չկա»: Քրեագետի փոխանցմամբ օրենքով գողերը Հայաստանում խոշոր եկամուտ չեն կարող ունենալ, դրա համար Հայաստան գնում գալիս են հազվադեպ.«Օրենքով գողերը Հայաստան են գալիս միայն հարց լուծելու համար ու արագ վերադառնում են` Հայաստանում երկար ժամանակ չեն մնում»:
ԻԼՈՆԱ ԱԶԱՐՅԱՆ
1
7132 դիտում
2
2532 դիտում
3
2239 դիտում
4
2018 դիտում
5
1964 դիտում
