ԸՆԴԴԻՄԱԴԻՐՆԵՐԻՆ ՑԱՎԵՑՐԵԼ Է "NDI'' ԵՎ USAID ԱՆՈՒՆՆԵՐԸ

ԸՆԴԴԻՄԱԴԻՐՆԵՐԻՆ ՑԱՎԵՑՐԵԼ Է  "NDI'' ԵՎ USAID ԱՆՈՒՆՆԵՐԸ

Այսօր Ազգային Ժողովը սկսեց իր աշխատանքը ընդդիմության կողմից հերթական, հակառուսական հիսթերիայով: Պատգամավոր Նիկոլ Փաշինյանը չգիտես որտեղից որոշեց, որ երեկվա հայ-ռուսական բարեկամության ակումբում Կիսիլյովի հետ հանդիպման ընթացքում, վերջինս վիրավորական արտահայտություններ է թույլ տվել Հայաստանի, հայերի ու անգամ մեր նահատակների նկատմամբ: Ապա Ընդդիմադիր բաղազայն երգչախումբը սկսեց փոթփրիկ բարձրացնել յուրաքանչյուրը իրեն սուպեր հայրենասերի տեղ դնելով: Այս իրավիճակը մեկնաբանելու համար դիմեցինք պատգամավոր ՀԱՅԿ ԲԱԲՈՒԽԱՆՅԱՆԻՆ, որը երեկ ներկա է գտնվել այդ հանդիպմանը:

- Պարոն Բաբուխանյան իսկապե?ս հնչել են վիրավորական արտահայտություններ:

- Ոչ, վիրավորական արտահայտություններ չեն եղել, սակայն մեր միջեւ ծագեց բուռն բանավեճ: Պարոն Կիսիլյովը արտահայտեց մի քանի տեսակետներ, որոնց հետ ես եւ տիկին Հերմինե Նաղդալյանը արտահայտեցինք մեր անհամաձայնությունը: Ի դեպ ակումբի նիստին հրավիրված էին նաեւ ընդդիմադիր պատգամավորներ, այնպես որ կարող էին գալ եւ մեր հետ միասին, իսկ գուցե նաեւ մեզանից լավ բանավիճաեին Կիսիլյովի հետ եւ ոչ թե հաջորդ օրը մեծ-մեծ խոսեին: Սակայն պետք է նշեմ, որ Կիսիլյովը ոչ պաշտոնական անձ է, արտահայտում է իր սեփական տեսակետները եւ ճիշտ չէ այն վերագրել Ռուսաստանի պաշտոնական մարմիններին, կամ էլ թե չէ ռուսաստանյան հասարակությանը:

- Այդ դեպքում, ո?րն էր պատճառը, որ ընդդիմությունը փորձեց սուտ տեղեկություններ տարածելով շահարկել հանդիպումը եւ դրա շուրջ այդպիսի հիսթերիա բարձրացնել:

- Ցավոք սրտի, կան մարդիկ, ովքեր ունեն մեկ խնդիր, գտնել որեւէ առիթ, կամ եթե դա չկա ստեղծել այդպիսի մի պատմություն, որպեսզի դեմ արտահայտվեն Ռուսաստանին, վատաբանեն մեր ռազմավարական դաշնակցին, խափանեն Հայաստանի անդամագրումը Մաքսային Միություն: Ուկրաինայում այդպիսինները հաջողեցին, սակայն թե ինչ գնով, Ուկրաինայի եւ այդ երկրիմժողովրդի համար, բոլորն էլ տեսնում են:

Կա եւս մեկ պատճառ, դա երեկվա հանդիպամանը ՌԴ արտաքին քաղաքական ուսումնասիրությունների ինստիտուտի տնօրեն Վերոնիկա Կրաշեննիկովայի զեկույցն է, որտեղ վերջինս բացահայտում էր, թե ինչպես են Միացյալ նահանգների հատուկ ծառայությունները կառավարում որոշ հասարակական կազմակերպությունների, լրատվամիջոցների եւ ինչ գործիքներ են օգտագործում իրենց նպատակներին հասնելու համար: Մասնավորապես նրա կողմից տրվեց ԱՄՆ-ի ազգային դեմոկրատական ինստիտուտի՝  եւ USAID-ի անունները: Հայտնի է, որ այդ կազմակերպությունների միջոցով Հայաստանի համապատասխան հարթություններում ներդրվել են հարյուր միլիոնավոր դոլարներ: Հայտնի է նաեւ, որ մեր ընդդիմության որոշ ներկայացուցիչներ չափազանց սերտ հարաբերությունների մեջ են վերոհշյալ կազմակերպությունների հետ եւ հավանաբար նրանց շատ մեծ ցավ է պատճառել երեկվա հանդիպման ընթացքում Կրաշեննիկովայի բացահայտումները: Հենց դա էր հիմնական պատճառը այսօրվա խորհրդարանական ընդդիմադիրների հիսթերիան: Սակայն այդ ընդդիմադիր գործիչները թույլ են տվել խոշոր սխալ՝ ինքնաբացահայտելով իրենք իրենց:

Ա. ՀԱԿՈԱԲՅԱՆ