ԼԵՎՈՆ ՏԵՐ-ՊԵՏՐՈՍՅԱՆԻ ԱՄԵՆԱՎՍՏԱՀԵԼԻ ՄԱՐԴԸ. ՌՈՄԵՆ ՂԱԶԱՐՅԱՆ (ԲՈՒԴՈ). Մաս 2

Արխիվ 12-16 12 Հունիս, 2014 11:43

ԼԵՎՈՆ ՏԵՐ-ՊԵՏՐՈՍՅԱՆԻ ԱՄԵՆԱՎՍՏԱՀԵԼԻ ՄԱՐԴԸ. ՌՈՄԵՆ ՂԱԶԱՐՅԱՆ (ԲՈՒԴՈ).
Մաս 2

Նախորդ անգամ անդրադարձել էինք Լևոն Տեր-Պետրոսյանի թիկնազորի պետ Ռոմեն Ղազարյանի` Բուդոյի կատարած հանցագործության փաստով հարուցված քրեական գործին, երբ նա փորձել էր ինքն իր դեմ մահափորձ «բեմադրել»:
Պարզվում է, որ Բուդոյի դեմ հարուցվել է ևս մեկ քրեական գործ` 2001թ. հոկտեմբերի 5-ին մամուլում «Երկիր» թերթի լրագրող Գագիկ Մկրտչյանի («Հայոց Աշխարհի» գլխավոր խմբագիր) հաղորդումների առթիվ նախապատրաստված նյութերի հիման վրա (ՀՀ նախկին քրեական օրենսգրքի 183-րդ հոդվածի 2-րդ մասի հատկանիշներով)՝ «ՀՀ նախկին Նախագահի անվտանգության վարչության պետ Ռոմեն Ղազարյանի և ՆԳՆ Քրեական հետախուզության վարչության նախկին պետ Մուշեղ Սաղաթելյանի կողմից 1996թ. սեպտեմբերի 26-ին իշխանազանցություն թույլ տալու և նույն օրը Երևան քաղաքում տեղի ունեցած զանգվածային անկարգություններին մասնակցություն ունենալու կասկածանքով ձերբակալված Գագիկ Մկրտչյանին ՀՀ ՆԳՆ կազմակերպված հանցագործությունների դեմ պայքարի գլխավոր (6-րդ) վարչության հերթապահ մասում ծեծի ենթարկելու առթիվ»:
Քր.գործի քննության ընթացքում պարզվել է, որ ՀՀ ՆԳՆ Քրեական հետախուզության վարչության պետ Մուշեղ Սաղաթելյանը և ՀՀ նախկին Նախագահի անվտանգության վարչության նախկին պետ Ռոմեն Ղազարյանը 1996թ. սեպտեմբերի 26-ին իշխանազանցություն թույլ տալով և ֆիզիկական բռնություն գործադրելով ՀՀ ՆԳՆ կազմակերպված հանցագործությունների դեմ պայքարի գլխավոր վարչության հերթապահ մասում ոտքերով ու ձեռքերով հարվածելով, ծեծեի են ենթարկել այդ օրը Երևան քաղաքում տեղի ունեցած զանգվածային անկարգություններին մասնակցություն ունենալու կասկածանքով ձերբակալված Գագիկ Մկրտչյանին, Աղասի Արշակյանին, Դավիթ Վարդանյանին, Հովհաննես Դավթյանին»:
Սրանք հանրությանը հայտնի դրվագներն են այն մարդու «քաջագործություններից», ով ապահովել է ԼՏՊ-ի անվտանգությունը, հետևաբար՝ եղել է նրա ամենավստահելի մարդը: Միամտություն կլինի կարծել, թե գեներալ Ռոմեն Ղազարյանը՝ նույն ինքը Բուդոն, կարող էր անել որևէ քայլ` առանց Լևոն Տեր-Պետրոսյանի գիտության և համաձայնության, ավելի հավանական է, որ Բուդոյի գորողությունները եղել են ԼՏՊ-ի ուղիղ հրամանի կատարում: Իսկ ԼՏՊ-ն, տառապելով հիշողության «պատահական» կորուստով, շարունակում է բողոքել ինչ-որ «հանցավոր վարչախմբերից» ու «ավազակապետերից»: Այստեղ տեղին է հիշել ժողովրդական ասացվածքը. «Գողն առաջինն է գոռում` բռնեք գողին»:

Հոդվածի 1-ին մասն այստեղ